لقاء كارثي

عشري….ببتسامه كتب الكتاب

ليله….اه عملتها ازاي دي انا في الاول شكيت في نفسي ان بيتهيألي بس لما ركزت طلع صوتكم اتخضيت اوي

عشري…..لما كنا بنكتب الكتاب اخواتي صوروا و انا فكرت اني اخد الصوت احطه بما انك يعني مكنتيش حاضره قولت علي الاقل تسمعي

ليله…..كانت مفجأه جميله بجد و اتبسطت اوي كل حاجه كانت تجنن يا عشري

عشري…..و انا مبسوط اوي عشان قدرت افرحك و رينا يقدرني يا ليله اني اسعدك ديماً

ليله…..بحب ربنا يخليك ليا يا عمري
و يقدرني انا كمان اني اقدر اسعدك

عشري….اممم طيب ايه رأيك بقي

بصتلوا ليله بصدمه

عشري….بضحك لا مش هقول حاجه هقولك نتكلم شويه

ضحكت ليله و اتكسفت

عشري…. ايه اتصدمتي كده ليه مش هقول حاجه

ضربتوا ليله في كتفه

ليله….رخم

عشري…..بصي بقي انا مش محتاج اني اقولك او اتكلم معاكي في ازاي نمشي حياتنا و نبدا مع بعض دنيتنا و لا محتاج اقولك ايه اللي المفروض يتعمل منك او ايه الواجب عليا و المفروض اعملوا اظن انا وانتي عدينا كل المراحل دي و اظن كمان ان انا وانتي كبار بما فيه الكفايه نعرف ايه اللي علينا و ايه اللي لينا
و حافظين بعض كويس انا عن نفسي معنديش اي طلب او حاجه اقولهالك تعمليها او متعمليهاش
بس لو انتي عندك انا سامعك هو الموضوع مش بنحط نقط علي حروف او الكلام ده خالص بس انا ياليله عايز حياتنا اللي جايه كلها تكون هاديه مفيهاش مشاكل مفيهاش زعل انا مش حمل زعلك و لا حابب اني ازعلك او تزعليني اكيد مفيش بيت ديما هادي او ديما كله دلع و رومانسيه المشاكل طبيعيه بس اللي انا اقصده اني مش عايز مشاكلنا تتخطي الطبيعي عشان كده لو انتي عندك اي حاجه تقوليها انا سامعك

ابتسمت ليله بهدوء و طفت السيجاره

ليله….انت قولتها يا عشري احنا حافظين بعض عارفين كويس ايه اللي ممكن يضايقنا من بعض ايه اللي ممكن يزعلنا ايه اللي يفرحنا و زي ما قولت كمان احنا كبار بما فيه الكفايه عشان نقدر نمشي حياتنا

طبيعي نختلف يحصل بينا مشكله بسيطه نزعل بس الاهم اننا بنقدر نتفاهم و دي احسن حاجه بينا
انا معنديش اي طلبات يا عشري و لا مختاجه احط معاك النقط علي الحروف بس انا ليا طلب واحد بعده مش محتاجه اي حاجه في الدنيا

عشري….وانا سامعك اطلبي

ليله….بابتسامه هاديه اوقات يا عشري خوفنا من الخساره بيخلينا نخسر ناس غاليه علينا لان الخوف لما بيتحول لوسواس مبتقدرش تسيطر عليه بتبقي فاكر انك بتحمي بتاخد حذرك بتبعد مشاكل بس للاسف بتقلب عكس الخوف الزايد بيوصل لحجات ممكن متخطرش في بالم و وقتها حتي لو قولت اسبابك بيبقي فات الوقت و سببك مش مقنع و انت جربت يا عشري لما خوفت تخسرني كان في احتمال كبير انك تخسرني بجد بس انا مقدرتش اخسرك و اقتنعت باسبابك و صدقتها لاني كنت واثقه فيك و ثقتي كانت في محلها..