لقاء كارثي

شايفك وسط الناس ببعد عيني عنك عشان محدش يحس باي حاجه خوفك وانتي خارجه معايا مضايقني مع اني متفهم موقفك بس انتي كمان كان لازم تتفهمي موقفي و تحطي الموقف اللي احنا فيه قدام عينك انا قدام الكل غريب عنك مليش كلمه عليكي غيرتي عليكي في نظرهم مش من حقي لان محدش عارف اي حاجه غير ليله و عشري و نسمه و سليم يعني مقدرش اعترض علي اي حاجه
وانتي زعلانه من شويه عصبيه معنديش غيرهم اعبر بيهم عن اللي مضايقني انا مش عايز انكد عليكي و لا قاصد ابوظ اليوم و اكيد مش عايزك تكوني مضايقه و لا حتي حابب اتحكم في طريقه لبسك بس علي الاقل يكون الشكل مقبول و ده مش مقبول خالص يا تقي

بصتلوا تقي بهدوء .

تقي…..و انا قولتلك لو حابب اني اغير هروح اغير

عدي……لا يا تقي مش حابب انك تغيري بس اتمني ان اللبس بالطريقه دي يكون اول واخر مره من فضلك ممكن ؟

تقي……بزعل حاضر

عدي….و ياريت متبعديش عن الدايره بتاعتنا عشان محدش يضايقك لاني مش هقدر اكون جنبك طول الوقت عشان وليد و عشان انا مش حابب اوترك يا تقي تمام

تقي…..حاضر

عدي…..يلا خلينا نرجع و خلي الموبايل في ايدك عشان لو حبيت اقولك اي حاجه مفضلش اقرب منك

تقي…..اوك

مشي وهي مشيت جنبه و دخلوا تاني علي جوه و بعد كده مشي بهدوء عشان تسبق هي ورجعت تاني وقفت مع صحابها..

اما عند سليم فا مقدرش يسكت كتير و كان حاسس انه عايز يتكلم معاها اه عارف انه مش هيقدر يعبر او يعترض لانه متكلمش معاها او صارحها كان عارف ان في مشاعر من ناحيتها ليه بس كان مقرر ان علاقتهم تاخد وقتها بهدوء بس لما شافها بالفستان حس ان جواه في نار و حس بغيره مش طبيعيه كان فاكر ان الموضوع بالنسباله مجرد اعجاب مجرد مشاعر لسه بتتولد لكن حس لما شافها ان مشاعره بقت اكبر من كده و اضايق بجد وقرر يعبر بطريقته حتي لو مش هيتكلم الوقت في اي حاجه.

مسك الموبايل و اتصل عليها كان شايفها من بعيد بصت علي الموبايل و بعدين بصت عليه بعينها مشافتهوش اتحرك ناحيه المكان اللي كانوا بيجهزوا فيه.

نسمه…..الووو

سليم…..ايوه يا نسمه عارفه المكان اللي كنتوا بتجهزوا فيه الاوض بتاعتكم

نسمه….اه عرفاه

سليم….طيب تعالي علي هناك انا مستنيكي

جملته دي لوحدها خلت قلبها اتخطف و بقي يدق مش خوف بس انا يطلبها تروحلوا و يبعد بيها خافت بكون هيقولها حاجه توترها و متعرفش ترد.