لقاء كارثي
لقاء كارثي
نسمه…..اااا طيب ليه في حاجه
سليم….لما تيجي هتعرفي يلا بس بسرعه و من غير ما حد يحس
نسمه….ااا طيب اوك هاجي
قفلت معاه و فضلت تبص حواليها و مشيت و هي بتبص علي نادر اخوها من بعيد و ابوها كانت متوتره حد ينادي عليها او نادر يروح معاها وفجأه لقت عدي في وشها
عدي…..نسمه رايحه فين؟
بصتلوا نسمه بتوتر و معرفتش تقولوا ايه كانت مكسوفه
نسمه….اااا مفيش راجعه تاني هروح بس عند مكان الاوض
عدي…..طيب تعالي اوديكي عشان محدش يضايقك
نسمه…ااا اوك
مشيت نسمه جنبه و راحوا علي هناك سليم كان واقف بيشرب سيجاره و حاطت ايده في جيبه
شافه عدي و هو بيقرب و فهم
بصت نسمه لسليم و بعدين بصت لعدي
عدي…..كويس انك هنا انا جيبتها بس عشان محدش يضايقها
سليم….تمام ارجع وانا هجيبها واجي الوقت
عدي…..تمام
سابهم عدي و مشي نسمه كانت مكسوفه و مش فاهمه حاجه بس من نظراتهم حست ان عدي ملاحظ او فاهم حاجه بصت تاني لسليم و ابتسمت بهدوء
نسمه…..اااا في حاجه ولا ايه ؟
سليم….احممم اه في يا نسمه
نسمه…..في ايه مالك انت كويس
سليم…..كويس الحمد لله بس يعني مضايق شويه و بيتهيالي عادي اني اقول اني مضايق منك مش كده
نسمه…مني انا طيب ليه انت زعلان عشان مسلمتش عليك لما خرجت انا والبنات يعني هو انا بس كنت مكسوفه بصراحه اوي ومش مركزه اوي و كمان انت كنت ساكت فكرت انك مش حابب تتكلم عشان واقف مع اهلك وكده بس
سليم…..لا يا نسمه انا مش مضايق من كده
نسمه….طيب ممكن اعرف مضايق مني في ايه يمكن زعلتك من غير ما اقصد
سليم…فستانك عريان اوي يا نسمه و مش حلو خالص بجد اكيد مقصدش ذوق او شكل بس انا بشوفك ديماً بنظره تانيه و المرادي مضايق بجد من لبسك
زادت ضربات قلبها اوي و حست ان ده تصريح كبير بغيرته بصتلوا وابتسمت بهدوء ومعرفتش تقول ايه
سليم…..هو انا اسف لو بتدخل في حاجه تخصك و لو اعتراضي مضايقك ممكن اعتذر و اعتبري نفسك مسمعتيس اي حاجه
نسمه….اااا لا خالص انا بسمعك و مش مضايقه
سليم ….جايز تشوفي اني مش من حقي اعترض او اقول رايي بس بيتهيألي احنا في بينا كلام بقينا صحاب و قريبين من بعض و بيتيهألي كمان لما انصحك او اعترض علي حاجه دي متزعلكيش ولا ايه
نسمه…..بابتسامه وشها كان احمر خالص و متوتره ااا لا مش زعلانه واكيد انت عارف اني بتقبل منك اي حاجه و عارف كمان اني مش بحب ازعلك عشان زي ما قولت بقينا قريبين من بعض و بنتكلم و بتسمعني و بحكيلك و بتحكيلي و نفهم بعض يعني اكيد عمري ما هزعل منك و زعلك بيفرق معايا اكيد
