لقاء كارثي

بوسي…..لو في منك مره كمان كنت هحبك مره كمان
انا كل ما باخدك في حضني ببقي عايزه احضنك كمان و كمان

ابتسمت ليله و قربت من عشري حصنتوا و رقصوا مع بعض و فضلت تغنيلوا..

و بعد ما خلصت غنت بوسي اغنيه رابعه و بعد كده مشيت و خلصت فقرتها..

ليله كانت مبسوطه اوي و عشري كان طاير من الفرحه عشان قدر يفرحها بجد و يعوضها عن كل اللي حصل معاهم كانوا محتاجين الفرحه دي بشكل مش طبيعي الضغط اللي حصل عليهم و التوتر و المشاكل تعبت اعصابهم و كان مضايق اوي اخر فتره بسبب الحزن اللي في عينها و حلف انه لازم ينسيها كل ده و كان قد الوعد..

كملوا يومهم اتبسطوا الوقت كان بيعدي الكل مبسوط محدش قعد لحظه فرحانين من قلبهم تعبوا و اتهدوا و كول الوقت ليله تتحايل علي ايمي و امنيه يقعدوا بس من فرحتهم بيها و من جمال اليوم مكانوش حاسين بأي تعب

في نهايه الفرح و قبل ما تيجي الساعه 12 اتجمع الشباب كلهم حوالين عشري اخواته و اصحابه

و رقصوا معاه علي اغنيه صاحبك ده من باختك

و بعدها البنات رقصوا مع ليله علي اغنيه مدحت صالح هو انتي ممكن تتخبي من حد قدي او حد عادي كده يمسك تفتكري تعدي

ايمي بصتلها وهي بتغنيلها

ده انتي اللي انا بتقطع لما بشوفها حزينه مسكاني من نقطه ضعفي يا بنت اللذينه انتي اللي في النار رمياني و في حبك عمياني لو الم كل كلام الحب مش هيقضييييي

الكل سقفلهم و الشباب صفروا حضنتهم ليله كلهم و في الاخر خالص
وقفت ليله عشان تحدف البوكيه

خدت بوكيه تاني كان عشري جايبه عشان هتحتفظ ببتاعها خلوا ايمي و امنيه يبعدوا عشان محدش يخبطهم.

و وقفوا البنات كلهم و الشباب كانوا عمالين يرخموا عليهم

ادتهم ليله ضهرها وفضلت تحرك ايدها مع الموسيقي و بعدين خدفت وهي مش شايفه الكل ضحك وصوت اول ما ميدو دخل وسطهم وقفش البوكيه..

عسال….بضحك اسف مش هستني تاني كفايه كده

قرب من نادين اداها البوكيه كانت فرحانه اوي و عماله تتنطط و جريت علي ليله حضنتها

نادين…..بسعاده خدت البوكيه يا لولي

ليله….بحب ضحكت هتبقي احلي عروسه يا قلب لولي

ورقصوا مع بعض اخر رقصه سلو ليله و عشري و البنات و الشباب

تقي رقصت مع وليد و نسمه رقصت مع نادر سليم و عدي كانوا هيتجننوا ويرقصوا معاهم بس طبعا مش هيعرفوا لكن كانوا مبسوطين اوي

و بعد وقت بسيط الفرح كان خلص الشباب راحوا خدوا حاجه البنات شالوها في العربيات و بعدين خرجوا كلهم من المكان عشري ماسك كف ليله و عمال يتكلم مع الشباب بهدوء في ودنهم و هما عمالين يجروا و رايحين جايين