لقاء كارثي
لقاء كارثي
ليله….بغيظ ضربته انت بتهزر ليك عين
عشري….بضحك اااااااه
ليله…..الله يخربيييييتك يا بلطجي انا متعصبه من التربيزات دي اوي ايه كل ده
عشري….بضحك الله يخربيت ام الترابيزات انسيها اقولك اعتبريهم ديكور
ليله…..حطت ايدها في وسطها و فضلت ساكته شويه و بصت علي المنظر من بعيد و رجعت بصتلوا و الله العظيم يا عشري انا كنت متوتره بس اتوترت اكتر و بجد انا واثقه خلاص اني هقع من فوق
عشري…..بضحك والله ما هتقعي و مش هيحصل اي حاجه و هطلعلك علي طول خلاص بقي وحياتي يا بت بحبك
بصتلوا و ابتسمت بغيظ و هي بتهز راسها
ليله…..فكرني كده الشاشه اتكسرت كام مره
عشري….بضحك مش فاكر مرتين او تلاته
ليله…..طب جهز نفسك بقي عشان بليل هتتكسر علي دماغك اللي بتلمع دي
عشري….بضحك و لا بيهمني انا عملت توكيل مع الشاشه دي اصلا
ليله…..ضحكت غصب عنها مستفز
ابتسم عشري وضمها من ضهرها و باسها.
ليله….بتعمل فيا انا كده ياعشري
عشري….بهمس بحبك يا ليله و حياة جدي خوفو بموت فيكي
ليله…..بضحك مش بقولك روح الفرعون المصري نقحت عليك
عشري…..بابتسامه و انهارده هتبقي احلي ملكه
بصتلوا ليله بحب و ابتسمت
ليله…..عشري انا خايفه بجد ومتوتره
عشري…..لا يا عمري متخافيش ولا تتوتري كل ده هيروح بمجرد ما تدخلي و لما اجي اخدك هتنسي و هتتبسطي و تعيشي احلي لحظات حياتك ممكن بس تسيبي نفسك شويه و تهدي و تفرحي باليوم ده و انا اوعدك كل حاجه هتجنن و مش هتنسي اليوم ده ابداً اتفقنا
ليله….بحب ماشي اتفقنا بحبك يا رخم
عشري…..وانا بمووووووت فيكي يا قلب الرخم ممكن نروح بقي نشوف الميك ارتيست وصل ولا لا
ليله…..يلا
…………………
نزلوا علي تحت و سمعوا صوت ضحك جاي من الاوضه اللي ايمي هتقعد فيها البنات بيضحكوا والشباب فطسانين من الضحك علي توما و طريقته .
دخل عشري مع ليله يشوفوا بيضحكوا ليه طبعاً ليله سمعت صوت توما وعرفت انه بسببه لكن المصيبه ان عشري كان فاكر الصوت صوت بنت..
توما….اهي عروستي وصلت نورتي الدنيا يا احلي ليله
عشري…بصدمه ايه ده ؟
سلامه و عسال كانوا واقفين وراء توما وواقعين من الضحك و رشيد و فضل و عدي و سليم مش قادرين و حسان باصص علي عشري و كاتم ضحكته و البنات ميتين من الضحك و نعيمه عماله ترن الضحكه
