لقاء كارثي
لقاء كارثي
راحلها توما و شريف ظبطوا الميكب وشعرها كانت فكت الجزء الطويل من الفستان بس طلبت منهم يفكوا الجزء التاني كمان عشان حاسه انها تعبت لان الفستان تقيل و فعلا فكوا الجزء الاخير و فضلت بالفستان بس كان يجنن و تفاصيله تجنن و هنا بدأ عشري يفوق من الفرحه اللي خليته ينسي يعلق علي الفستان.
عشري….بضحك تعالي هنا صحيح ده انتي يوم اهلك مهبب ايه الفستان ده
ليله….بضحك انت لسه واخد بالك بجد
عشري…..بضحك اه والله العظيم من الفرحه مركزتش
ليله….بلاش رخامه قول انه حلو
عشري…..طبعا حلو ويجنن و متوقعتش انه بالجمال ده بس عريان يا بنت المارديني
ليله…..والله انا قولت بقي اعمل ماتش اعتزال خلاص هبقي ست متجوزه ولازم احترم نفسي بس يعني قولت اقفلها بطريقه تليق بيا
عشري….بضحك وانا كمان قررت ابقي طيب انهارده عشان بجد شكلك زي القمر مبسوطه يا ليله
ليله……بنظره تجنن انا من كتر ما انا مبسوطه خايفه اكون بحلم
عشري…..انا كمان حاسس اني في حلم و مبسوط و مبسوط اكتر عشان الفرحه الي في عينك دي
ليله….بتنهيده ربنا يخليك ليا يا احلي بطلجي في حياتي
مسك كفها باسه و بعد كده جالهم الفوتغرافر عشان باخدلهم شويه صور في هدوء كده .
قاموا معاهم و خدلهم لقطات تجنن كانت عامله زي السحر كانها خيال منظر الهرم و الاجواء كل صوره كانت احلي من اللي قلبها
واكتر صوره ليله كانت متحمسه انها تشوفها كانت واقفه قدامه وهو حاضنها بأيد واحده وهي حاطه كف علي راسه من وراء و كفها التاني علي خده و باصين في عين بعض
كنت صوره تجنن خدلهم صور كتير و بعد وقت بسيط رجعوا تاني علي جوه طلب منهم بتاع الدي چي يقفزا في النص و دخل شباب كتير بسيوف كلها نار و دخلت التورته كانت ادوار كتير و شكلها يجنن وقفوا مع بعض و قطعوا التوتره
اكلها و اكلتوا بس عشري مال علي الشاب قالوا كده كفايه مكانش حابب ياكل معاها او يقرب منها قدام الكل كلهم عينهم عليهم و كان مش حابب الجزء ده بالذات .
خدوا التورته و بعد كده رجعوا تاني لاجواءهم و سعوا المكان عشان كان في فقره خاصه بعشري و اخواته و اهلوا سابها عشري دقايق و رجع هو واخواته و فضل لابسين بشت بدور و حاطين علي راسهم الشماغ والعقال
ضحكت ليله و ابتسمت اول ما شافته لابس اللبس البدوي قلبها كان هينط من مكانه نعيمه كنان كانت مبسوطه اوي هي و تقي و نسمه و هما شايفينهم لابسين اللبس ده وسعولهم المكان كاهم وقام كام واحد من اهل عشري و من شيوخ القبايل و قام عشري الكبير و جوز نجود وقفوا كلهم يرقصوا رقصه بدويه ليله كانت واقفه بعيد مع صحابها و البنات و اخواتها و الشباب مبسوطين جداً غمزلها عشري و هو بيرقص معاهم ضحكت ليله مكانتش فاهمه اي حاجه و لا اللي معاها فاهمين بس الاجواء بتاعتهم تجنن
