لقاء كارثي

بس انا كل اللي طلبته منك يا عشري ان حتي لو حصل ايه بعد كده خليك معايا كتاب مفتوح اوعي تخاف من خسارتي لانك لو خوفت من خسارتي تبقي لسه معرفتش انا بحبك قد ايه انا يا عشري اللي مني بتمسك بيهم لدرجة اني بعلق وجودهم جنبي بروحي يعني لايمكن أفرط فيهم الا لو روحي طلعت و انت غالي عندي يا عشري و ليك رصيد كبير في قلبي اكتر مما تتخيل يعني خسارتي ليك ملهاش اساس الا لو حسيت في يوم ان وجودي في حياتك مش مرحب بيه انا بغلط وانت بتغلط بنعدي لبعض عشان في رابط كبير بينا بس الرابط ده لازم يكون قوي و اللي هيخليه قوي الصراحه اللي بينا انت عارف كويس اني مش بحب الكدب حتي لو انت شايف انك بتحميني بكدبتك دي صدقني غلطان انا مستعده اسمع غلطك حتي لو كان ايه و جايز اوي اسامحك عليه لاني بحبك بس لو فكرت انه حمايه ليا خوفك من الخساره ممكن يبقي حقيقي وانا مش عايزه اخسرك زي ما انا كتاب مفتوح ليك خليك كتاب مفتوح ليا انا عارفه انك كده بس اوعي تعمل حساب زعلي من حاجه تفكر انك لو خبيتها هبقي تمام خليني ازعل منك و نتصالح بس بلاش احسن انك بتكدب عليا و ده طلبي الوحيد

عشري……بس انتي عارفه اني كدبتي عليكي

ليله….متكملش يا عشري عارفه و واثقه و متأكده و الدليل اني معاك و في بيتك و قابله حياتي بكل تفاصيلها مصدقاك يا عشري و اتاكدت بنفسي في كل اللي عيشناه الفتره اللي فاتت بس انا مش عايزه اعيش معاك حاجه من النوع ده تاني انت قولت انتا حافظين بعض و انت شوفت بنفسك اللي حصل حفظتني اكتر عرفت طبعي اكتر فا اكيد مش هنكرر الفتره دي تاني صح

عشري….بحب باس كفها صح اللي فات ده انسيه و امسحيه باستيكه لانه مش هيحصل و صدقيني يا ليله بعد الحوار ده انا مفيش حاجه في حياتي مخبيها عنك ولا هخبيها عنك
اطمني

ليله…..بحب متطمنه عشان معاك يا عشري

عشري…..طيب وايه تاني

ليله….ولا اي حاجه مش عايزه منك اي حاجه تاني وبالنسبالي انا اوعدك ان كل حاجه بتضايقك بتعصبك مش بتحبها مش هتتعمل

عشري……بابتسامه انا بحبك اوي يا ليله

ليله…..بنظره تجنن وانا بحبك اكتر

ابتسم عشري و حط ايده علي شعرها و ضمها علي صدره مسكت التيشرت بتاعه و ضمته اوي فضل بمشي ايده علي وشها بهدوء و بعدين رفع دقنها براحه و بصلها و نزل بهدوء علي شفايفها