لقاء كارثي

حضنه ليها و انهياره في حضنه لما شافها بفستانها كان دليل و اثبات قوي ليها عشان تعرف قد ايه وليد متعلق بيها وبيحبها كان دليل قوي يخليها تنسي اي حاجه حصلت بينهم و تتأكد ان افكارها كلها كانت غلط و انا محبش في اخواتها قدها

بعد عنها و بصلها بحب مسحت ليله دموعه و هو مسح دموعها بهدوء و مسك كفوفها بايدها باسهم و باس راسها مكانش في كلام بينهم كلها مشاعر..

ضحك من قلبه و هو باصصلها و باصص علي فستانها و بعدين مسك كفها و مشي بيها كام خطوه و نزل واحده واحده معاها السلم كانت نازله مرعوبه جسمها كله بيتنفض و خايفه تقع فضل متبت في كفها لحد ما خلصوا جزء كبير من الدرج و رجع وقف بيها في اللحظه دي بدأ الشباب يصفروا جامد و اتحرك عشري و سط تصفيرهم و تسقيفهم

ايمي و نادين وسلمي وايه و نعيمه كانوا منهارين حرفياً تقي نسمه وريهام وكل البنات محدش فيهم مكانش متأثر الشباب قربوا منهم بعد ما عشري مشي مكانوش عارفين يسكتوهم هما كمان كانوا متأثرين.

لمحت ليله عشري بيقرب و مع كل درجه بيطلعها و بيقرب منها و عينه في عينها كان في شريط بيمر جوه عقلها و عقله من اول ما خبطت علي الڤيلا و طلبت مساعدتهم قعدتهم مع بعض ضحكهم هزارهم تلميحاتهم نظراتهم اعترافهم السيجاره اللي حرقتها اول حضن اول بوسه لما راحلها وجايلها اكل يوم خطوبتهم يوم ماعرفت فيه كدبته دموعها وهي ماشيه و دموعها عليه وهي شيفاه بيسجلها و هو بيدور عليها عصبيته و جنانه و ضحكته اصراره علي حبها و تمسكه بيها وقعتات صدمات لحظات حلوه متتنسيش و كأن الدرج مع شريط الذكريات كان بيعلن النهايه السعيده لكل الاحداث اللي مروا بيها..

و اخيراً طلع عشري اخر درجه بص لوليد و ابتسم و ضحك وليد و رفعوا كفهم هما الاتنين خبطوا في بعض و سحبوا لحضنهم طبطب وليد علي ضهره بحب

وليد……عملتها يا بطل مبروك عليك

عشري…..بحب مبروك علينا يا حبيبي

وليد…..بدموع ربنا يسعدكم

طبطب وليد علي كتفه و سابهم و نزل

بص عشري لليله بنظره في حياتها مش هتنساها سعاده و فرحه و انتصار و استراحه محارب تعب لحد ما قدر يكسب المعركه.

حطت ليله ايدها علي بوئها و فضلت تعيط و انهارت قرب عشري منها و ضمها ضمه كأن قلبه اللي بيحضنها مش ايده مسكت فيه و حطت جوه حضنه خوفها و رهبتها و رعشه جسمها و رعبها و فرحتها و دموعها وتعبها و كل حاجه جواها فضل يمشي ايده علي ضهرها و هو مغمض حاسس انه في حلم جميل
الالعاب الناريه موقفتش لحظه من وقت ما بدأت عرض اسطوري بجد