لقاء كارثي

هيدخل معاكي فرقه هتفضلي مكانك واقفه لحد ما يخلصوا العرض بتاعهم بعد كده المفروض ان اخو حضرتك زي ما العريس قال هو اللي هيطلع ياخدك هتنزلي معاه و هتقفي في المكان اللي تحت ده بعدها هيطلع عريسنا يستلمك من اخوكي

عشري…..بابتسامه بصلها و هي مصدومه و وليد كمان عارف هيعمل ايه كويس

ليله…بغيظ و صدمه اااه عارف متفقين عليا يعني

ضحك عشري هو و الويدينج بلانر

موسي….يعني حاجه زي كده المهم يعني العريس هياخد الاشاره هيطلعلك و بعدها هتقفوا شويه في فقره للالعاب الناريه و بعدها بتدخل فرقه تانيه بتنزلوا معاهم واحده واحده و بتقربوا من الناس تحت وباقي بقي الفقرات هنبقي مع بعض فيها ده بس بالنسبه للداخله بتاعتك

ليله…..هو انا المفروض هعمل كل ده

موسي….بأبتسامه اكيد بس مش عايزك تتوتري هكون معاكي و متابعك و هديكي الاشاره لما تدخلي و الباقي بقي زي ما قولتلك العريس حافظه انا كده شرحت في اي سؤال اعيد تاني

ليله….اااا لا تمام كده

موسي….طيب انا هسيبكم الوقت بس اكيد هرجعلكم تاني و الف مبروك

ليله…..ميرسي الله يبارك فيك

عشري…..حبيبي تعبتك معايا

موسي……تعبك راحه يا عريسنا بلا بعد اذنكم

عشري….اتفضل

فضلت ليله باصه عليه لحد ما بعد عنهم و بعدين بصت لعشري كان واقف كاتم ضحكته

قربت منه بغيظ و ضربته في كتفه و صدره

ليله…..انت بتستعبط يا عشري

عشري….بضحك ااااه في ايه

ليله….ده انت يومك اسود

عشري….بضحك يابت ايدك تقيله في ايه عملت ايه انا بس

ليله…. عملت ايه ده انا هطين عيشتك هو ده الفرح اللي عالضيق يا عشري هااااا ايه كل الترابيزات دي انت عازم مصر كلها انا قولت مش عايزه فرح بس سكت عشانك قولتلك طيب عالضيق اهلنا صحابنا معارفنا كده يعني في مكان مقفول و لما حسيت انك هتزعل قولت عايز يفرح و بلاش نكد يا بت مش هتفرق يعني في الهرم في الهرم و استغربت من روح الفرعون المصري اللي نقحت عليك

ضحك عشري من قلبه و هو بيبعد عنها

قربت ليله بغيظ و هي بتضربه

ليله…..تقوم تقلبها فرح اثري بجد هاااا انت عازم مين و ايه كل ده ؟
ده افتتاح المتحف كان عالضيق و مكانش فيه كل الترابيزات دي

مقدرش عشري يمسك نفسه و مات من الضحك و هو بيمسك ايدها

عشري….بضحك امسكي العقل يا بلطجيه الهيبه بتروح الناس هيقولوا العروسه بتضرب عريسها