لقاء كارثي

ليله كانت حاسه ان رجليها مش شيلاها خلاص و تعبت خرجوا علي بره خالص عربياتهم كلها كانت موجوده خد عشري ليله من ايدها و ركبها عربيه مكانتش بتاعته بس كانت عربيه مرسيدس اسبور تجنن سقف مفتوح موديل السنه لونها فضي متزينه برود شيك اوي و العربيات اللي حواليهم بتاعت الشباب كلها تجنن اصلا و كلهم عربياتهم لونها اسود و فجاه حست ليله ان في حاجه غريبه في عربيات كتير جدا بتقرب و الشباب رايحين جايين يجروا و يتكلموا مع شباب غريبه كميه عربيات سوده چيب ورانج روڤر و لاند كروزر عربيات تهبل بجد

و فجاه تاني بقت سامعه صوت رييس قوي و كمية موتسيكلات رييس بقت تتحرك قدامهم مش طبيعيه و هي باصه بصدمه و مش فاهمه في ايه..

عشري كان رايح جاي بيطمن ان امه وابوه ركبوا و الكل ركب عربياته و الشباب كمان بقوا رايحين جايين معاه يتطمنوا ان الكل ركب سليم و عدي ركبوا عربياتهم و كان في عربية دودچ احدث موديل السنه واقفه علي جنب و عليها كمية سماعات دي چي فظيعه و دي ركب فيها الفوتوغرافر من وراء عشان يصور كل حاجه

ليله…وليد ولييييد

وليد…..ايه يا قلبي

ليله…. اخواتك ركبوا اطمنت علي ولادهم

وليد… متقلقيش ركبوا و كله تمام

ليله…طيب يا حبيبي

وليد….عشري عشرررري يلا كله ركب

عشري….طيب تمام

لقت الشباب بيجرو كلهم علي عربياتهم و قرب منها عشري بسرعه ركب

ليله…..هو ايه العربيات دي كلها

بصلها عشري و ابتسم

عشري…..مش قولتلك لحد ما نوصل في مفاجآت احلي موكب لاحلي ليله

ضحكت بسعاده و بصت قدامها اتخضت اما سمعت صوت السماعات اشتغلت صاحب عدي كان بيجربها

ليله…..عشري هي العربيه دي تبعكم

عشري….اه

ليله…..ودي هتمشي معانا مشغله اغاني بالصوت ده هنتحبس كلنا

عشري….بصحك لا متقلقيش هو بيجربها بس مش هيشغل الوقت نقرب شويه بس من زايد و هيشغل

اتحركت العربيه الدودچ في الاول و شاور الفوتوغرافر لعشري عشان يتحرك

اتحرك عشري وراء العربيه بالظبط و بدأوا كلهم يتحركوا وراء بعض

كانت كل العربيات حوالين عربيه عشري علي الصفين و هو في النص و كميه ريسات متتوصفش بقوا ماشيين وراء بعض ..

صوت كلاكسات كتير و صوت كلاكسات زي السرينه مع اصوات الاغاني اللي خارجه من كل العربيات و صوت الزغاريط و التصفير

ليله كانت فرحانه اوي شابكه صوابعه في كف عشري و طايره من السعاده عناله تبص لاصحابها و تبتسم و تشاورلهم و تحدفلهم بوسه