لقاء كارثي

فضلوا ماشيين في طريقهم الناس عماله تبص عليهم و العربيات تجمالهم بالكلاكسات و ناس تقف تصور منظر العربيات و الزفه الكبيره كانها لشخصيه مهمه عربيات احدث موديل الرييسات اللي معاهم كمان احدث موديل فا طبيعي يفكروا ان ده فرح حد كبير …

قبل ما يوصلوا بحاجه بسيطه و يدخلوا علي زايد كانوا يعتبروا خلاص في مكانهم شغل صاحب عشري الاغاني الصوت كان بيدب و مسمع الدنيا بحالها هدوا سرعتهم و بعدين وقفوا لما عدي و سليم و صحابه نزلوا من عربياتهم كلهم كانوا باصين عليهم جري عدي فتح عربيته هو و سليم من وراء بقوا يطلعوا الشماريخ منها و يدوا اصحابهم كلهم يوزعوا علي بعض.

نزل تامر راحلهم كان في بينهم صحاب مشتركه بقي ياخد منهم و يوزع معاهم و يشاور للشباب ينزلوا

نزل سلامه وميدو و فضل و مصطفي و نادر و محمود و اخواته كل الشباب نزلوا و مفيش شاب مخدش من الشماريخ كان عددهم كبير حتي اللي علي الرييسات خدوا

كانوا واقفين في دخله زايد في مكان واسع عربيات مهوله و شباب كتير كانه فرح في الشارع مش مجرد زفه بسيطه لكام عربيه بتوصل العروسه ..

وقف الفوتوغرافر فوق العربيه و بقي يصور المنظر الرييسات بيتحركوا وراء بعض حوالين عربيه عشري و مشغلين الشماريخ

ليله كانت بتبص و مبتسمه و عماله تضحك علي المجانين اللي مولعين الشارع

و بعد كده الشباب كلهم ولعوا و هما واقفين قدام العربيات بقي الشارع كله لونه احمر و كان معاهم جهاز بيطلع الدخان الوان كتير الشارع بقي عامل شبه كرنڤال الالوان

بعد كده حط عدي الالعاب الناريه في مكان بعيد عن العربيات بقت تضرب و تنور المكان كله تقي كانت عماله تبص عليه و مبسوطه اوي اول مره تشوف عدي في الحاله دي هو في العادي دمه خفيف شقي مرح لكن شقاوته و جنانه في فرحته باخوه كانت مختلفه

شغل الدورون و هو واقف قدام العربيه اللي فيها السماعات و بقي الشباب كلها بترقص في الشارع حرك الدورون عند العربيه بتاعت عشري قربها من الزجاج اللي قدام ليله بصت عليه و عملت بايدها قلب و حدفت بوسه هي و عشري عدي ضحك و رفع الدورورن بهدوء لفوق و هما بيبصوا عليها و بيعملوا بأيدهم باي باي و رجع بقي يلفها عليهم من فوق كان المنظر يجنن في الكاميرا

ثواني و رجعوا كلهم علي العربيات تاني عدي و سليم كان في معاهم صحابهم في الغربيات ادوهم هما يسوقوا و جريوا نطوا مع الفوتوغرافر وراء في العربيه بتاعت صاحب عدي مع السماعات قلع عدي الچاكت و شال الكرافته و فتح القميص شويه كان حران اوي سليم خد منه الدورون بقي يصور