لقاء كارثي

نعيمه….بابتسامه و فضل خطيبي يا توما

توما….اهو ده بقي قمر

فضل….بضحك ااا لا يعني الله يخليك والله بس مش بالشكل خد بالك

سلامه….بهمس توما عينه من فضل

ايه….بضحك اسكت والنبي الراجل هيسمعك

عسال…..وقف بضهره و هو مش قادره من كتر الضحك نظره عشري ليه مموتاه

ايمي….انت عارف يا توما فضل و العريس ولاد عمه

توما….فيهم من بعض كتير بس عريسنا شكله مصدوم شويه

عشري…..اه في دي بقي معاك حق انا مصدوم صدمه عمري

توما…..ما ده طبييعي عشان عريس

عشري….اه ممكن بس لا انا مصدوم صدمه تانيه كده اااا انت عامل ايه

توما….زي الفل والله مبسوط اني اتعرفت عليكم اصل انت متعرفش البنات غالين عندي اوي و بعتبرهم اخواتي خصوصا ليله و ايمي من غير زعل يا بنات دول ليهم كده حته في قلبي لوحدهم

عشري…..بهمس هو انا الشيطان بيقولي اديلوا علي دماغه يمكن الارسال يرجع بس خايف يموت في ايدي

ايمي…..بضحك اسكت والله ما قادره

ليله…..بابتسامه وانت كمان غالي عندنا اوي يا توما و بجد مبسوطه انك جيت زي ما وعدتني اصل توما مش بيخرج بره المكان بتاعه خالص يا عشري الا لو للفنانين في مهرجانات كده يعني

توما….وانتي اي حد ولا ايه ده انا النهارده الفرحه مش سيعاني المهم رغينا كتير و مش عايزين الوقت يضيع مننا انا هخرج الوقت للشباب و هظبط معاهم الشغل عشان نبدأ صحيح انتي فين الاوضه بتاعتك

ليله…..اول واحده خالص اللي لوحدها علي جنب

توما….ماشي بقول ايه ودعوا عروستنا بقي عشان محدش فيكم هيشوفها خالص

عشري…..نعممم انت هتعمل ايه

توما…..لا معلش انا شغلي كده محدش يشوف العروسه ابداً حتي هي مش بتشوف نفسها غير بعد ما بخلص و عايزها اعصابها هاديه مش عايز دوشه و لا حاجه توترها هتبقي مفجاه للكل بس زي ما قولتلك يا ايمي هرجعلك انتي كمان علي ما تخلصي شعرك هاجي اعمل واحد ميكب فاجر

عشري……بهمس احيييييه علي رأي ايمي

ايمي……بضحك حبيبي يا توما هستناك.

توما….طيب يلا انا هروح انا و التيم نقسم الشغا و هبعتهم يفرشوا حاجتهم عندكم لو حابين تعملوا اي حاجه خلصوا بسرعه و طلعوا يلا فساتينكم و ظبطوا حاجتكم

ليله…..انا هخلص معاهم و اسبقك علي هناك يا توما

توما….ماشي يا قلبي مستنيكي بعد اذنكم يا شباب

خرج توما و بصلوا عشري.