لقاء كارثي
لقاء كارثي
مساء الخير عليكم جميعاً الف مبروك للعريس و العروسه ربنا يسعدكم مبسوط اوي اني معاكم و مبسوط اكتر اني مفجأه العريس للعروسه.
بصت ليله لعشري و هي مبتسمه و وشها عليها الف علامه استفهام
ضحك عشري و بصلها بحب
ليله…..هو في ايه ؟
عشري….بضحكه جميله في اني بحبك اوي
رجع الصوت تاني يلا جاهزين معايا عايز اسمع صوت عالي جاهزييييين
الكل جاهززززززين
لا لا مش سامع عيب يعني نبقي في مكان جميل زي ده و صوتها ميعملش صدي يلا تاني جاهزيييييييين
جاهزييبيييييييييين
يلا بقي ماشي هنردد مع بعض و هنقول ايه كان بيظهر و هو بيقولهم عشان يرددوا وراه.
ودخل اوكا بنفسه يعني للياه.
اوكا……ليله عند الحبايب
الكل…..ليله ليله
بصت ليله بصدمه و بعدين بصت لعشري فضل يضحك و قرب منها ضمها بحب
اوكا…..طب يلا تاني ليله عند الحبايب
الجميع….ليله ليله
اوكا…..ليله نجيب اللي غايب
الجميع….ليله ليله
اوكا….ليله نضحك شويه
الجميع…ليله ليله
اوكا….ليله ننزل في المايه
الجميع…ليله ليله
اوكا…ليله نروح الجنينه
الجميع..ليله ليله
اوكا….ليله نروح مع بعضينا
الجميع…..ليله ليله
اوكا….ليله نحكي الحدوته
الجميع….ليله ليله
اوكا….ليله العيال مبسوطه
نزل اوكا و قرب منهم كانت لسه مصدومه و عماله تضحك بس
سلم علي عشري و باسه و بعدين مد ايده سلم علي ليله كانت فرحانه اوي و عامله زي الطفله
كمل الاغنيه و عشري ماسكها في ايده و الكل مبسوط
اوكا…..اولا الف مبروك طبعا مبسوط بجد اني معاكم و بنفرح مع بعض بص لليله علي فكره العريس بيحبك اوي كان مصمم اني اكون موجود معاكم عشان اغنيلك الاغنيه دي بالتحديد و بصراحه اتحمست لما عرفت ان اسمك ليله بجد الف مبروك وربنا يسعدكم
ليله….بابتسامه ميرسي بجد
اوكا…….طيب ايه يلا بقي نشجع العريس و العروسه كده مع بعض
هنقول ايه بقي انتوا عارفين اغنيه لف لف
الجميع…ايووووه
اوكا….طيب زي ما احنا كده نعمل دايره كبيره و هنلف في مكاننا ماشي يلا بيناااااا
اوكا….لف لف لف
كلهم عملوا دايره و بقوا يلفوا حوالين ليله وعشري و بعدين دخلوا رقصوا معاهم.
غني اوكا اكتر من اغنيه و خلي الجو يجنن و الاجواء كانت كلها رقص و جنان و ليله كانت مبسوطه بجد..
و بعد كده خلص فقرته سلم عليهم اتصور معاهم باركلهم و مشي
