لقاء كارثي

احمد….يا بنتي عارف اقصد انهارده محستيش ان التوتر مخليكي مش مركزه

نغم…خالص بصراحه انا كنت متوتره اول ما روحت جدا طلعت و قابلت السكرتيره طلبت منها تبلغ استاذ رزق اني موجوده بعدها مفيش دقيقتين دخلتني ليه قعد اتكلم معايا شويه و بعدين خلاها تاخدني لمكتب صحفي اسمه معاذ لاقيته شاب هو مش كبير والمفروض ان هو ده اللي هيدربني طلع لذيذ جدا ومحترم و بصراحه قعد معايا كتير فهمني حجات اكتر عرفني علي جزء من التيم اللي هكون معاه لاقيت في بنات وشباب معايا بيتدربوا و يمكن ده ريحني شويه

احمد…طبعا عشان محستيش ان التركيز عليكي انتي بس

نغم…بالظبط واطمنت بصراحه اغلبهم كانوا متوترين زيي بس التوتر راح لما مستر معاذ بدا يتكلم ويشرح ويفهم و اتكلم معانا عن كام حادثه حصلت و شرحلنا ازاي نتعامل مع حجات معينه في الحوادث دي و ازاي نتفادي اي خطوره و ازاي نقدر نوصل لمكان الحادثه قبل ما اي حد تاني يوصل و نبقي احنا اول ناس نعلن عن تفاصيلها و ازاي كمان نبقي متعاونين يعني ميبقاش في انانيه يعني لو اتطلب من شخص يروح يغطي حدث معين لو هو بعيد يقول انه بعيد وعادي حد تاني يروح غيره

يعني ميقولش هروح عشان بس الخبر ميروحش من ايده او يضرب و يبقي ترند

احمد…طبعا التعاون كويس

نغم….بالظبط هو بصراحه اتكلم معانا كتير و قال ان خلال كام يوم التدريب مش هيفضل كده هننزل عملي و هنروح اماكن و انا بصراحه مبسوطه جدا

احمد…..ودي اهم حاجه انك مبسوطه بصلها و اتفاجئ بتامر اللي واقف ابتسم انت جيت

بصت نغم وراها بسرعه و ابتسمت اول ما شافته

تامر….اه يا حبيبي

احمد….محستش بيك انت هنا من امته

تامر….ما انا جيت لاقيت نغم بتحكيلك و متحمسه مرضتش اقاطعكم

احمد…..انت شكلك مرهق كده ليه

تامر….مش نايم كويس و كان في شغل كتير مقدرتش استني محمود عشان نروح نبص علي نادر خلصت وروحت انا بصيت عليهم ورجعت هو قالي هيروح بليل

احمد….طيب يا حبيبي ادخل انت يلا غير و خد حمام واحنا هنجهز الاكل

تامر….ماشي يا حبيبي دي طلبات كنت محتاجها ودي بتاعتك يا نغم

نغم…..باحراج بصت بطرف عينها لتحمد ورجعت بصت لتامر ااا شكرا

احمد….طيب انا هفضي الحاجه و هجهز الاكل وانتي شيلي حاجتك يا نغم وتعالي ساعديني

نغم….حاضر يا بابا

خرجت نغم وراء تامر و هي معاها شنطتها وقف تامر قدام باب اوضته وبصلها فا وقفت مره واحده وهي باين عليها الارتباك