لقاء كارثي
لقاء كارثي
ايه…طيب خلاص وسع كده عشان مش هيسكت هو واحشني حضنه اصلا
سلامه…. وحياه امك واحشك حضن سي ميلو وانا لا
ايه…بضحك اعترف انك بتغير طيب وانا اسيبك
سلامه….بابتسامه اه بغير حلو كده ولو مسكتش هاخده احبسه في البيت بتاعه
ايه….لا حرام خلاص سيبه الوقت يسكت
دخل في حضنها اكتر حضنته و فضلت مسكاه
سلامه…..حضنك وحشني
ايه…..بابتسامه وانت كمان وحشتني اوي يا سلامه والبيت وحشني علي فكره
سلامه….بصلها لا يا شيخه ما انتي مكنتيش عايزه ترجعي
ايه….مش قادره اسيب نعيمه يا سلامه بس والله البيت وحشني غصب عني بس انت عارف الوضع اللي احنا فيه
سلامه…عارف يا قلبي ولو كنتي فضلتي مكنتش هضايق والله العظيم بالعكس انا مضايق عشان نعيمه و عشان اخواتها و عشان ابوها وامها الله يرحمهم ولسه عند كلامي لو حابه تروحي بكره و تفضلي معاها هناك و تباتي هوديكي
ايه….عارفه والله يا سلامه انك مش مضايق بس انا اللي خلاني وافقت كلام نعيمه هي قالتلنا روحوا عشان ابقي مرتاحه و مش حاسه اني جايه عليكم او علي الشباب حاولنا نفهمها كتير ان ده مش حاصل بس هي قالت انها هترتاح كده و كمان اكيد هتحتاجنا وقت ما اخواتها يفوقوا عشان كده طلبت نفصل ونرجع كام يوم
سلامه….انا معاكي بس لو حاسه انك مش مرتاحه عشان مشيتي هرجعك وانتي عارفه اني مش مضايق ده حقهم عليكي زي ما انا لو حصل معايا او مع الشباب اي موقف مش هنسيب بعض
ايه…عارفه والله يا سلامه بس انا عن نفسي وافقت عشان ايمي اكيد بعد كلام الدكتوره اكتر حد هيبقي محتاج يرتاح و كمان سلمي مضطره تنزل العياده عشان المرضي بتوعها بس انا هقدر ابدل شويه مع نادين و مع ليله عشان هما كمان يقدروا يرجعوا بيتهم شويه فا حسبتها من الناحيه دي عشان لما اروح امشيهم ونعيمه متبقاش لوحدها
سلامه…. خلاص يا قلبي اللي يريحك و وقت ما تحبي تروحي عرفيني
ايه…هو انا بس ممكن اروحلها بكره علي المستشفي يعني منها اطمن علي اخواتها وفي نفس الوقت مبقاش سيبتها خالص و هرجع علي هنا
سلامه…طبعا ممكن روحي و انا لو منزلتش بدري للشغل هروح معاكي و ارجعك وبعدين اروح الشغل لو نزلت بدري روحي وانا هجيلكم برضوا علي هناك
ايه….خلاص اتفقنا و ووو انا عايزه اقولك بجد من قلبي شكرا علي كل حاجه عملتها سواء لنعيمه او ليا او للبنات شكرا علي وقفتك معانا يا سلامه
