لقاء كارثي

نغم…..بضحك انت عايزني اسيب الشغل من اول يوم شكلك صح

تامر….امال انتي عايزه تدلعي و متوقفيش اي حد عند حده

نغم….لا يعني مش قصدي

تامر….والله لو هتسيبي الشغل من اول يوم عشان بتوقفي اي حد عنده حده تبقي حاجه كويسه في داهيه الشغل واعملي حسابك هتحكيلي اول باول يومك ماشي

نغم…..بصتلوا وابتسمت امم بالتفصيل

تامر…اه بالتفصيل وراكي حاجه

نغم….بضحك لا مش ورايا

تامر….ولا انا يبقي تحكيلي

نغم…حاضر

تامر….خدي بالك من نفسك واي حاجه تحتاجيها كلميني فورا ماشي

نغم…حاضر هكلمك اكيد

ابتسم تامر و هي ابتسمت و كمل طريقه.

و بعد وقت مش طويل اوي وصلوا تحت مقر شغلها الجديد هنا بدأت تحس ان قلبها بيدق جامد و توترها زاد جدا و حتي ملامحها كان باين عليها الخوف

تامر…حمد الله عالسلامه ايه جاهزه

نغم…الله يسلمك بس انا مش جاهزه خالص انا حاسه اني بترعش

تامر…بضحكه جميله في ايه يا عبيطه انتي مال وشك مخضوض كده ليه اهدي و متوتريش نفسك

نغم….خدت نفس طويل انا فعلا حاسه اني متوتره جدا

تامر…لا اهدي و انتي طالعه اقراي قران وان شاء الله كل حاجه هتبقي بخير انا هفضل تحت شويه لحد ما تطمنبني عليكي

نغم…لا تفضل ايه انا اصلا معرفش امته هعرف اكلمك روح انت انا خلاص تمام

تامر….لا هستني شويه وبعدين يعني فين نغم القويه اللي كانت متحمسه للشغل و هتكسر الدنيا قلبتي قطه ليه

نغم… بابتسامه لا خلاص انا تمام

تامر…اكيد

نغم…اكيد

تامر…وانا واثق فيكي وعارف انك هتكوني قويه و هتتبسطي جدا و كل الخوف ده هيروح يلا

فتح تامر الباب ونزل وهي كمان نزلت وقف قدامها

تامر…خدي بالك من نفسك و متخافيش و اي وقت تحتاجيني هتلاقيني علي طول تحت ماشي يا نغم

نغم….ماشي شكرا يا تامر علي كل حاجه بتعملها معايا

تامر…يلا يا عبيطه علي شغلك انا مبعملش حاجه اه صحيح انهارده هجيبلك هديه بسيطه بمناسبه الشغل الجديد

نغم….بضحكه تجنن كفايه انك موجود

تامر…طيب مش تستني يمكن تغيري رايك والهديه تعجبك اكتر من وجودي

نغم… بابتسامه هتعجبني اكيد بس ده ميمنعش ان وجودك جنبي كفايه

تامر….بسعاده ده بجد

نغم….بضحكه كسوف احممم اه بجد ويلا متعطلنيش بقي عن شغلي بعد اذنك

تامر….بقي كده ماشي يا معالي الصحفيه القادمه بقوه لا اله الا الله