لقاء كارثي

محمود…بابتسامه هاديه معاكي حق انتي صح الحمد لله علي كل حال ربنا يرحمهم و يغفرلهم و يشفي نادر ونسمه

ريهام…اللهم امين طيب فك بقي شويه قولي مش وحشاك القهوه

محمود… بابتسامه وحشاني بس انا لازم اقوم

ريهام…طيب اشرب وامشي

محمود…انا شارب والله قبل ما اخرج بس جيت اطمن عليكي واشوفك قبل ما اروح الشغل و هخلص و اشوف لو هروح انا وتامر نبص عليهم في المستشفي

ريهام…..طيب انت فطرت

محمود….الحمد لله فطرت انتي كلتي

ريهام…اه الحمد لله

محمود…هكلمك و اكيد بليل هشوف لو هعرف اشوفك قبل ما تمشي

ريهام…تمام يا حبيبي

………………..

وصلت نعيمه هي وفضل لقت رهف و سليم موجودين قبلهم سلموا عليهم و وقفت نعيمه تبص علي اخواتها

فضل….اخبارك ايه يا رهوف

رهف….الحمد لله بخير يا فضل

فضل…الحمد لله بص لسليم انتوا هنا من بدري

سليم….قبلكم بحوالي تلت ساعه

فضل…طيب في اخبار او حد قال حاجه

سليم….مشوفتش غير اتنين من التمريض سالتهم عن نادر لو حصل حاجه تاني الحمد لله هو بخي رمحصلش اي حاجه و في خبر انا لسه مش متأكد منه يخص نسمه

بصتلوا نعيمه بسرعه و هي دموعها نازله بهدوء

نعيمه….مالها نسمه

سليم….بهدوء لا متخافيش ده خبر حلو الممرضه بتقول احتمال كبير يشيلوا الجهاز بتاع التنفس عنها انهارده لان تقريبا مبقتش محتجاه و الرئه بقت شغاله بشكل افضل

نعيمه…بلهفه وساكت يا سليم مش بتطمني

سليم…والله خايف تكون الممرضه مش فاهمه او بتقول اي كلام محبتش اني اعشمك

نعيمه…يا سيدي عشمني اهو علي الاقل اتعلق بامل بس بجد والنبي قالتلك كده

سليم…اه والله بس كأنك متعرفيش بقي عشان متتأذيش في شغلها استني نشوف الدكتور ولو في خبر اكيد هيقولنا

نعيمه…الحمد لله يارب

فضل…ان شاء الله و تكون الممرضه واثقه من المعلومه دي

نعيمه…يارب يا فضل يارب بس هو لو فعلا عملوا كده يبقي هي كويسه خلاص ولا ايه

فضل….ااا هو انا مش فاهم ده ليه علاقه بالغيبوبه ولا لا بس بيتهيألي اهم حاجه انها مبقتس محتاجه جهاز يساعدها انها تتنفس يعني حاجخ كويسه

نعيمه…صح صح مش مهم المهم انها بخير

فضل…عقبال نادر ان شاء الله

نعيمه…يا ررررب بس انتوا ملاحظين ولا انا اللي بقي بيتهيألي ان الكدمات اللي في وشهم و الورم ده اهدي شويه

سليم….لا والله هما احسن و حتي اللي لسه في وشهم ده هيخف مع الوقت كتير