لقاء كارثي

الدكتور…مساء النور كنت جايلكم

توما…ازيك يا فضل انا كنت بطمن علي اخواتك و بسال الدكتور عن حالتهم والحمد لله طمني

نعيمه…..بجد يا دكتور

دكتور…بجد يا انسه نعيمه مكناش اعرف انكم تعرفوا استاذ توما

نعيمه…بابتسامه لتوما دي معرفه قديمه اوب و توما اكتر من اخ

الدكتور….هو الحقيقه جاي و مهتم و عرفت ان الشباب مهمين عنده

نعيمه….بابتسامه مش جديد علي توما بس طمني يا دكتور

الدكتور….اطمني نادر بخير محصلش اي مضاعافات او توقف في عضله القلب تاني بالعكس قلبه سليم و مفيش اي حاجه خطر حتي انا قولتلكم امبارح ان الفحوصات كلها سليمه بس طبعا لسه مفيش جديد في حالته يعني هي مستقره بس ودي اهم حاجه بالنسبه لنسمه في جديد طبعا و حاجه هتفرحك شويه انا كنت هروح الوقت اشيل عنها جهاز التنفس لانها مبقتش محتجاه احنا هنعمل تجربه بسيطه ولو حالتها عاديه من غيره هنكمل من غير الجهاز ودي علامه مبشره جدا لان الرئه بقت بتعمل بشكل طبيعي لا في مايه ولا نزيف كل ده اتسحب و هي حاليا مش محتاجه الجهاز

نعيمه…بجد يا دكتور يعمي كده نسمه ممكن تفوق في اي وقت

الدكتور….طبعا بس كمان هي كان ممكن تفزق بيه يعني الجهاز مش بيعيق الاستجابه هو بس بيساعد علي التنفس انا ليه بقول الكلام ده عشان لو خدت وقت لسه متقلقيش وارد جدا نادر يفوق قبلها وارد يفوق وهو لسه بيتنفس بالجهاز بس الفكره هنا اني بطمنك ان الرئه نفسها بخير

نعيمه….الحمد لاه انا راضيه والله باي تغيير حتي لو بسيط المهم اطمن

الدكتور… ايوه كده مش عايزين نفقد الامل و عايزين نفضل متمسكين بيه كل التغييرات دي حاجه كويسه و بتطمننا و بامر الله يومين تلاته هنجرب مع نادر لان المفروض ان اخر يوم انهارده هنزيل السوائل اللي عنده علي الرئه و هي بقت كميه بسيطه يعني وارد ميحتاجش الجهاز بعد كده هو كمان

نعيمه…يارب يارب

الدكتور.. بالمناسبه كمان استاذ توما كان بيتكلم معايا علي لو في حد محتاج يسافر بره او لو ينفع يسافروا بعد ما عدوا مرحله الخطر طبعا دي بتاعتكم بس انا عن نفسي لو شايف ان خالتهم تستدعي ده هطلب منكم لكن هما خاليل افضل واي حاجه ممكن تتعمل بره احما بنقدمها هنا ومش مقصرين

نعيمه….لا طبعا اللي في مصلحتهم اعملوا يا دكتور

توما…انا كنت بتطمن بس عشان لو ده في صالحهم منتأخرش