لقاء كارثي

تقي…..مقصرتش لاني كنت بحبها بس مكنتش اعرف اني بحبها اوي كده ولو كنت اعرف والله العظيم مكنتش اوقات سيبتها لوحدها وخرجت مع صحابي مكنتش قفلت معاها في مره وهي بتكلمني عشان ارد علي تمارا و انا عارفه انها ملهاش غيري انا زعلانه من نفسي يا عدي و حاسه اني مقصره

عدي….لا يا قلبي مش مقصره و كلنا بيحصل معانا نفس الحجات دي نقفل مع خد عشان نرد علي حد نتعلق بحد اكتر يعني حتي لو حبك لتمارا كنتي بتحسيه اكبر فا ده مش تقصير منك بالعكس انا نفسي مع اخواتي مش هقولك صحابي كده يعني ممكن اقفل مع حد فيهم عشان حد مش معناه اني مش بحب اخواتي خالص عادي بتحصل

تقي….انا خايفه عليها يا عدي اوي

عدي…هتبقي كويسه والله العظيم هي عدت مرحله الخطر و الدكاتره بيطمنونا اهدي انتي و خليكي قويه و ادعيلها و كملي اللي بتعمليه

تقي…..انا حاسه اني بضحك علي نفسي باللي بعمله ده عشان ارتاح شويه و احس انها هتقوم و تبقي كويسه

عدي…..بالعكس حاجه حلوه انك تتفائلي خير و ان شاء الله هتقوم و انتي هتساعديها و تقفي معاها تتخطي كل المرحله دي و تذاكر و تدعميها نفسيا لان نسمه و نادر هيبقوا محتاجين الدعم النفسي جدا مش بس عشان يخفوا لكن متنسيش انهم لسه معرفوش حاجه فا هي هتحتاجك الفتره الجايه جدا صدقيني و انا عارف انك مش هتقصري معاها

تقي….مش هقصر والله لو في حاجه في ايدي اعملها اكتر من كده مش هتأخر عليها بس هي تبقي كويسه هي ونادر

عدي….قريب هيبقوا معانا و وسطنا و هنتخطي كل الحزن ده ممكن تمسحي دموعك يا قلبي يلا و عشان خاطري كلي

تقي…مليش نفس والله يا عدي

عدي…..وحياتي يارب اموت

تقي….بعد الشر انا نقصاك انت كمان

عدي…بضحك والله انا دعيت و مش هرجع في دعوتي عيزاني اموت بقي متاكليش

تقي…..بضحك من وسط دموعها لا و انت ولي من أولياء الله الصالحين و دعوتك مستجابه

عدي….. بضحك لا يا ام لسان طويل مش ولي بس دعيت تبقي من نصيبي و بقيتي

ابتسمت تقي و بصتلوا بحب

عدي….بابتيامه غمزلها ثبتك صح

تقي….بضحك صراحه اه و تثبيته في وقتها

عدي….طيب يلا كلي وحياتي و روق يا قمر بقولك ايه تيجي نطلع عالمستشفي نشوفها هي ونادر و بعدين اروحك

تقي…..ياريت بس هتتاخر علي حدوته كده

عدي….لا مش هتاخر لسه في وقت هو مراحش لوليد لسه و انا قولتلوا وانت بتتحرك من عند وليد عرفني