لقاء كارثي

ليله…..بحب قول

عشري….. لما حد يبقى غالي عليكي بجد تفاصيله مبتبقاش معلومات بتحاولي تحفظيها عشان تفكري نفسك بيها دي بتتحول لحاجات ساكنة جواكي بتفتكريها من غير ما تستدعيها.
وانتي جوايا يا ليله اللي يخصك مش معلومه محتاج احفظها

ليله…بضحكه جميله و كسوف هو انا المفروض اقول ايه ؟

عشري….بحب مسك وشها بكفه الاتنين قربها ليه باس راسها وبعدين ضمها اوي ولا حاجه يا تاج راس البنات كلهم قولي انك تمام ومبسوطه وبخير وده كفايه

ليله…..طيب ينفع اقول اني بموت فيك

عشري…..بضحكه تجنن طبعا يا سلام انا اطول

ليله…. طيب يلا قوم بلاش دلع خد شاور وانا مجهزالك كل حاجتك جوه

عشري…..طيب ابقي عرفي نعيمه ونادين اني هخرج بعد شويه

ليله…هما عارفين بقولك عاصم و اخو نادين بره

عشري….طيب يا ستي ااا ليله

ليله…..نعم

عشري….انتي احسن مش كده حاسي انك افضل شويه ولا لسه تعبانه

ليله…لا خالص انا افضل كتير

عشري…..ولا بتضحكي عليا كالعاده

ليله…وغلاوه عشري مش بضحك عليك الالم اللي كنت بحس بيه خف كتير اوي و انا افضل والله مبقاش في دوخه او زغلله او صداع كويسه وحياتك عندي

عشري…باس كفها دايم بخير يا عمري

ليله… بابتسامه يلا ادخل شويه ورجعالك

عشري….تمام يا حبيبي

…………

فتح تامر الباب براحه كان راجع مرهق جدا و مش قادر يفتح عينه سمع صوت نغم جاي من المطبخ بحماس عماله تحكي لاحمد اللي حصل معاها في الشغل و كان باين من نبرة صوتها قد ايه هي مبسوطه

دخل بارحه كانت هي واقف بضهرها سانده علي الرخامه و احمد واقق هو كمان بضهره باص صعلي البوتجاز و بيكلمها ويرد عليها بس من غير ما يشوفها و هي عماله تحكي و كان اول مره تامر يشوفها بتتكلم بالنشاط والحماس ده و تشاور بايدها وتوصف و صوتها عالي كله طاقه كان ديما يشوفها وهي بتتكلم صوتها واطي مكسوفه مش علي طبيعتها دي اول مره يحس انها حره او بمعني اصح كان اول مره يشوفها هي واحمد لو في بينهم حوار بيبقي شكلهم عامل ازاي.

وقف سند و ابتسم و ربع ايده و فضل يسمع

احمد….طيب المهم فهمتي كل اللي اتقالك ولا لا

نغم…طبعا فهمت انت مش متخيل يا بابا انا كنت مركزه قد ايه بس يعني انهارده متقالش كل حاجه انا لسه في اول يوم تدريب يعني اكيد في حجات لسه معرفهاش في حجات لسه متقالتليش