لقاء كارثي

نغم….بابتسامه محمد رسول الله

مشيت نغم و دخلت و هو فضل واقق تحت حوالي نص ساعه كان لسه اصلا معاد شغله حس انه اطمن شويه بعتلها مسدچ قبل ما يمشي

تامر…..نغم انا لسه تحت عارف انك مش عارف تبعتي بس انا همشي عشان الشغل لو احتجتي اي حاجه كلميني بس هتلاقيني قدامك و ياريت لما تقدري تبعتي طمنيني باي

…………..

عند تقي نزلت من بدري راحت عالجامعه كانت بتجيب من زمايل نسمه محاضرات و تلخيص و بتشتري اخر ملازم و شيتات نزلت في المكتبه و بعدين راحت جمعتها عملت نفس الكلام ليها مكانتش فاضيه تحضر و خلصت و خرجت عشان تروح لوليد المزرعه تخلص شغل معاه و ميبقاش لوحده هو وادهم و تمارا من غيرها هي ونسمه بمجرد ما خرجت لقت عدي واقف قدام الباب بعربيته و واقف قدام العربيه بيشرب سيجاره اول ما شافها ابتسم كان باين علي وشها وجسمها الارهاق لابسه اسود لسه و الحزن باين عليها و باين كمان انها مش بتاكل كويس

قربت منه وهي بتمد و شايله في ايدها ورق و ملازم كتير

عدي…..حبيبي

تقي….ايه ده انت جيت امته وازاي عرفت اني هنا

عدي….انتي نسيتي اني مكلمك الصبح وانتي نازله روحت عند نسمه بصيت في المكاتب كلها ملقتكي شفا جيت هنا لمحتك من بعيد مع زمايلك سيبتك لحد ما تخلصي ويلا عشان اوصلك البيت

تقي….بارتباك فظيع كانها بتداري خنقتها ااا لا بيت ايه انا لسه راحه لبابا المزرعه و لسه عندي شغل مش هينفع اسيبه لوحده كفايه ان نسمه مش موجوده و كمان تمارا و ادهم بصراحه مش مقصرين

عدي…..لا ماهو انا اتكلمت مع وليد و حليت معاه حوار الشغل ده هترجعي ترتاحي عشان شكلك مرهق

تقي…حليت ايه بس يا عدي بابا مش هيقدر يعمل كل ده لوحده مين هيروح ياخد الشغل طيب

عدي….حدوته

بصتلوا بصدمه

عدي…حدوته ؟!

عدي…اه حدوته هو اتكلم معايا امبارح و سألني لو محتاج منه اي حاجه و انا قولتلوا لو يعرف يروح ياخد الحاجه من وليد قالي تمام فهمته كل حاجه واديته رقم السواق و هو شويه و هيروح علي زايد انا هقابله و هاخد منه كل حاجه بس الاول اوصلك

تقي….اااا طيب انا كنت هقدر والله متتعبوش نفسكم

عدي…لا مش هتقدري يا تقي وليد قالي انك مش بتنامي و لا بترتاحي مع اني بقفل معاكي و انتي وعداني انك هتنامي و تريحي شويه بس طبعا مش بتنامي

تقي….مفيش وقت يا عدي بقعد اذاكر شويه بليل عشان اقدر اعوض اللي فات في الكام يوم دول والصبح ابقي قادره اخلص حجات لنسمه فا غصب عني