لقاء كارثي

تامر….والله يا نغم انا خدته بالشبه كده شوفت خاتم صغير حسيت انه يجي مقاسك فا قولتلوا يعمل نفس المقاس و الحمد لله انه ظبط بس هو قالي لو ضيق ممكن نبقي نروح يظبطه يعني معرفش ازاي بس قالي ينفع

نغم….لا خالص هو مقاسي و بجد جميل اوي كانهم طقم بس كتير يا تامر اوي

تامر….مفيش حاجه كتير عليكي يا نغم المهم انك مبسوطه

نغم…طبعا مبسوطه

تامر….ااا مين بقي اللذيذ

نغم….بضحك مفيش والله هو يعمي اقصد انه مش جاد ورخم و يوتر كان لذيذ معانا كلنا يعني

تامر…بابتسامه ااااه طيب كويس انا فكرت انه لذيذ معاكي بس

نغم…بابتسامه لا مش معايا بس متقلقش

تامر….لا انا مش قلقان ماهو لو طلع لذيذ معاكب بس هيبقي فيها كلام تاني بس

نغم….بضحك كلام ايه

تامر…يعني نعملوا زياره محترمه نروق عليه او نغير المكان خالص كده يعني ليها طريقه

نغم…بضحك لا اطمن لذلذ مع الكل و متجوز كمان علي فكره وعنده ابن

تامر….لا والله ده طلع لذلذ بجد بقي و بيحكي قصه حياته

نغم…..فضلت تضحك ااا لا لا هو في مكتبه حاطت صوره ليه مع مراته لابسه فستان بعني وصوره تانيه مع ولد اكيد ابنه هو متكلمش بس انا شوفت

تامر…اممم طيب كويس اوي طمنتيني

نغم…. بابتسامه لا اكمن كله تمام

تامر…ماشي ومش دلع بقي في الشغل نركز كده في شغلنا زي ما ركزنا في مكتب مستر معاذ اللذيذ

نغم….بضحك وكسوف حاضر اي اوامر تانيه

بصلها ثواني و فضل مبتسم

تامر….لا مفيش كده حلو انهارده

نغم…احممم انا بقول تخرج بره بقي واعملك حاجه تشربها يعني خليك مرتاح

تامر….بتوزعيني هااا اهربي

نغم….بضحك لا والله مش بهرب ولا بوزعك بس شيفاك تعبان

تامر…ماشي يا ستي هخرج و يلا خلصي بسرعه

نغم….بسعاده حاضر

………….

عند ايه وسلامه

خرج سلامه بعد ما خد شاور بص علي ايه لمحها قاعده عالكنبه و واخده ميلو في حضنها

قرب منهم و شال ميلو نزله عالارض و نام هو في حضنها

سلامه…يلا ياعم من هنا

فضل يهوهو كتير وهو واقف علي الارض و باصص لسلامه

ايه….بضحك حرام عليك بص مش طايقك

سلامه….بصي قله الادب عمال يهوهو عليا ازاي

ايه….ماانت خدته من حضني رميته عالارض

سلامه…انا نزلته مرمتهوش وبعدين نايم في حضنك بقاله كتير

ايه….بضحك انت بتغير من ميلو

سلامه….اغير من كلب انتي عبيطه يابت