لقاء كارثي

عدي….ايوه بس لازم ترتاحي يا قلبي عشان تقدري ختي تذاكري و تركزي المهم يلا اركبي وتعالي عشان اوصلك

تقي….طيب امسك كده معلش راجع معايا الورق كله اتلغبط علي بعضه حاجتي علي حاجه نسمه

عدي…هو مش انتي هتاخدي حاجه نسمه راجعيها وظبطيها براحتك في البيت و لا انتي هتديها لنعيمه

تقي….لا هيفضلوا معايا عشان اكملها كل حاجتها

عدي…طيب خلاص مستعجله ليه علي مهلك لما ترجعي و يلا ادخلي من الحر ده انا جايبلك فطار افطري

تقي….انا مش جعانه يا عدي بص انا هكب وراء و انا هقعد اظبطهم

عدي…هاتي الورق ده كده

خد منها كل الورق حطوا في الكنبه و بعدين فتحلها الباب و ركبها وراح ركب و بصلها

عدي…امسكي كده كلي و اشرب يالعصير و افصلي شويه و اتمني تسمعي الكلام

بصتلوا ثواني و بعدين خدت منه الحاجه و بصت قدامها بس فضلوا علي رجليها و هي ساكته وعينها عالشارع

عدي….مسك كفها تقي !!
انا عارف يا قلبي انك مضايقه و زعلانه و حزينه و خايفه و مقدر كل ده والله بس انتي جايه كده علي نفسك و لو نسمه فايقه كانت هتزعل منك لو شافتك بالحاله دي

فضل باصه قدامها وساكته و دموعها نزلت بصت جنبها من الشباك و مسحت دموعها

عدي…..حبيبي نسمه كويسه و هتبقي احسن هي ونادر و هيخرجوا بالسلامه و انا واثق انها لما تفوق و تعرف انك عملتي كل ده عشانها هتفرح بجد و تعرف انك بتحبيها من قلبك

هزت راسها شمال ويمين و هي بتعيط بوجع

تقي…..انا خايفه عليها اوي يا عدي

عدي….والله هتبقي كويسه يا قلبي خلاص هانت وحياتي عندك بلاش عياطلو بجد بتحبيها متعيطيش

تقي….بدموع يمكن انا بحبها بجد واوي كمان بس والله ما كنت اعرف اني بحبها اوي كده مكنتش اعرف ان حياتي هحس انها وقفت بسبب نسمه انا عندي صحاب كتير اوي و كنت اوقات مبحسش اني لوحدي يعني ديما حواليا ناس كتير موجوده يعني لو نسمه مش معايا في تمارا ادهم حد ته ليا زمايل كتير حتي لو مش قريبين زيهم بس في حواليا ديما صحاب نسمه مكانش عندها غير زمايل بسيطه بس مش صحاب اوي علاقتها بيهم محدوده جوه الجامعه بس بيحبوها لانها بجد عمرها ما كانت حد ميتحبش بس انا كنت صاحبتها الوحيده يا عدي انا اقرب حد ليها نسمه كانت بتعتبرني كل حاجه و يمكن دي مكنتش مقدراها اوي الا بعد اللي حصلها

عدي…بس انتي عمرك ما قصرتي معاها و لو كنتي قصرتي مكانتش هتحبك الحب ده كانت هتبعد