لقاء كارثي

تقي… طيب تمام

عدي…..تمام يلا بينا

………………

عند ريهام في المطعم ..

ريهام…. بابتسامه تصدق وحشني انك تعدي عليا في الشغل و تقعد معايا شويه

محمود….بابتسامه وانا كمان حقك عليا انا عارف اني مقصر معاكي الفتره دي

ريهام…متقولش كده ولا مقصر ولا حاجه انا عارفه الظروف يا محمود و بعدين احنا مع بعض كل يوم من وقت اللي حصل

محمود….عارف اننا مع بعض بس في ظروف مش حلوه خالص

ريهام….معلش كل حاجه هتبقي احسن و كل ده هيعدي بأمر الله طمني علي حماده عامل ايه كان شكله تعبان اوي امبارح

محمود….ابويا هيتجنن يا ريهام اول مره من فتره طويله اوي اشوف ابويا حزين كده و الحزن يطول معاه ابويا مبيحبش النكد و بيحب الهزار و الضحك و الكلام بقي ساكت طول الوقت حتي زوزو اللي كانت بتعرف تنكش فيه و تخرجه من اي حاجه مش قادره عليه

ريهام…..ماهي بصراحه مش سهله يا محمود اللي حصل مش بسيط دي مصيبه و مصيبه كبيره دي الدنيا كلها بتتكلم عن الحادثه انا من امبارح كل شويه اسمع ناس هنا بتتكلم عنها و ناس متعرفش ان ليا علاقه بيكم و بنعيمه الغريب زعلان يا محمود و طبيعي حماده يبقي مضايقه صاحبه و دول ولاده ومراته

محمود…. الفكره ان ابويا كان متعلق اوي بعم عادل و متعلق اوي بعم احمد ملوش غيرهم بيعتبرهم اخواته اهله احنا بينا عشره و سنين كتير اوي يا ريهام يعني يمكن انتي شوفتي جزء من قريهم و علاقتهم القويه دي ببعض لكن الحقيقه هما كده من زمان فا ابويا لحد الوقت مش مصدق يمكن بيحاول يهون علي نعيمه و علي الكل بس هو نفسه مش عارف يهون علي نفسه

و طبعا المشكله ان الموت نفسه جه في حادثه صعبه اوي مش موته عاديه لا دي ذكري مش حلوه غير الاحداث الكتير اللي حصلت وقت الحادثه اللي بقي يتعب و اللي يقع كان مرعوب علي ايمي و امنيه اما كا واحده فيهم مسكت بطنها وبقت تصرخ و اتقهر بجد علي ليله بصراحه كام يوم صعبين

ريهام….انا وقت ما ايمي و امنيه مسكوا بطنهم و ايمي اغم عليها انا اتصدمت و كنت مرعوبه بصراحه يحصلها حاجه بس الحمد لله عدت علي خير و يارب يعوض ليله هي و عشري بجد مضايقه عشانهم اوي

محمود…..والله العظيم وانا عايز اقولك ان لاول مره في حياتي ابق يحاسس اني مش قادر اقعد في البيت يعني البيت اللي كان مفتوح للكل بكل حب و بنتجمع و الضحكه فيه مش بتبطل بقي ساكت وهادي و حزين حتي زوزو