لقاء كارثي

تامر….اسف معرفتش اجيلك انهارده اروحك كان في شغل و مشكله في تصميم معين مقدرتش اسيبهم

نغم…..عادي يا تامر انا قولتلك اصلا متعطلش نفسك كفايه انك روحت معايا الصبح و ملحقتش تنام

تامر….رجعتي بسهوله صح محصلش حاجه

نغم…لا اطمن انا طلبت اوبر و دقايق و كان قدامي جابني علي هنا علي طول

تامر….طيب الحمد لله مبسوطه

نغم….اوووي يا تامر انت اكيد ادام واقف من بدري سمعت اللي حصل معايا

تامر…. بابتسامه و تركيز في عينها اااه سمعت و سمعتك وانتي بتحكي عن مستر معاذ اللذيذ

ضحكت غصب عنها وبسرعه بعدت عينها عنه

تامر…بابتسامه غيظ لذيذ اوي هااا نبق ينعرف حكايته بعدين ده

نغم…بايتسامه ااا انا هروح عشان ارجع لبابا

تامر….تمام اهربي يلا بسرعه

نغم….بضحكه كسوف وشها كان احمر مش بهرب علي فكره و عادي احكيلك اللي انت عايز تعرفه

تامر….ماشي ابقي شوفي الهديه و قوليلي رأيك

نغم….تمام شكرا بجد تعبت نفسك

تامر….مفيش تعب يلا روحي

ابتسمت نغم وجريت بسرعه من قدامه دخلت علي الاوضه قعدت علي حرف السرير وهي مبتسمه وايدها علي قلبها وبعدين فتحت الشنطه لقت جواها علبه و في ورقه
طلعت الاول العلبه فتحتها لقت اول حاجه السلسله بتاعت مامتها اللي كانت اتقطعت منها في فرح نادين متصلحه خدت نفس عميق وابتسمت بسعاده كانت نسيتها اصلا

وشافت خاتم عليه نفس الشكل بتاع السلسله كانه معمول مخصوص عشان يبقوا طقم بصت بصدمه و ابتسمت وبعدين شافت الورقه.

تامر…..مبروك يا نغم قريب اوي هتكوني اشطر صحفيه في مصر كلها انا واثق فيكي و عارف انك شاطره و قويه. طبعا انا منستش السلسله بس مكانش في وقت خالص بسبب الظروف اللي كنا فيها و طبعا اتمني الهانم يكون عجبك دي حاجه بسيطه انتي تستاهلي اكتر من كده بكتير.

ابتسمت نغم و ضمت الورقه في ايدها علي صدرها وهي مبسوطه اوي قامت بسرعه لبست السلسله في المرايا و بعدين لبست الخاتم

خدت نفس طويل و فضلت تهوي علي وشها وبعدين خرجت من الاوضه بصت علي الاوضه بتاعته وجريت علي المطبخ تساعد احمد.

…………

دخلت ليله تشوف عشري كان خلص و لبس و قاعد علي خرف السرير موطي بيلبس الشوز والسيجاره في بوئه قربت منه سحبت السيجاره من شفايفه و خدتها هي و خدت نفس طووووويل

عشري….بابتسامه احنا قولنا ااااايه