لقاء كارثي
لقاء كارثي
عشري…حط ايده علي وشه و هو بينفخ بتهرجي والله
ليله….قربت منه وباسته و دخلت في حضنه طيب بذمتك مش ارتاحت شويه
عشري….يا ليله مكانش ينفع تسيبيني يعني انا ارتاح و الشباب يضايقوا مش معقول يعني كل واحد فيهم سايب مراته وانا بطولي معاهم
ليله….يعني انت هتعملهم حاجه انت كنت مقتول يا قلب ليله و بعدين كلهم اصلا قالولي اياكي تصحيه يعني محدش فيهم لا زعلان ولا بيفكر كده اصلا كانوا خايفين عليك اكتر مني انك تسوق وانت تعبان كده قالولي سيبيه نايم و متصحيهوش
عشري….طيب هما فين بره ولا لسه محدش جه ؟
ليله…..دول جم و ايمي مشيت مع رشيد و سلمي مشيت و ايه مشيت وامك جات هي ونجود و البنات جم معاهم و قعدوا ومشيوا والوقت شيرين مامت نادين واخواتها و بباها موجودين مع ميدو و فضل بره
عشري….يا نهار اسود كل ده حصل ده انا كنت في غيبوبه
ليله….بابتسامه تجنن بمناسبه الغيبوبه بقي نسمه الحمد لله
عشري…ايه فاقت
ليله…لا لسه بس الحمد لله شالوها من علي جهاز التنفس و حالتها افضل
عشري…..طيب الحمد لله ونادر
ليله…حالته مستقره بس لسه عالجهاز
عشري…. ده واضح ان انا اللي كنت في غيبوبه
ليله…انت اصلا ايه اللي صحاك من كلام الشباب توقعت انك تاخدلك ثلاث اربع ايام
عشري…معرفش قلقت فجاه بس فكرت اني نمت وانا واخدك في حضني ركزت و بصيت علي الموبايل فكرت التاريخ و اليوم فيهم حاجه مش مظبوطه
ليله…مكنتش هقدر اسيبك تسوق يا عشري وانت مش شايف قدامك و بصراحه انا وايمي حطينا راسنا في راس بعض واتفقنا عليك ضحكت عليك وقولتلك تعالي و حضنك وحشني و نيمتك وخرجت
عشري…..ضحك بغيظ ريا وس\كينه صدق اللي طلعها عليكم والله
ليله….بضحك طب اعمل ايه انت نمت علي نفسك وانت بره و مكنتش عايزه حد يشوفك تعبان بالمنظر ده قولت اريحك جوه شويه ايمي قالتلي خديه في حضنك شويه هينام تاني و سيبيه
عشري….ما شي يا علبه الكانز لما اشوف وشك يا اوزعه
ليله….بضحك الحق عليها يعني عموما هي مشيت مع رشيد
عشري…ماشي يا ستي امي مشيت هي كمان
ليله…بضحك مشيت و طلبت منها تجيبلك غيار قوم يلا خد شاور و غير و اخرج عشان تاكل كنت هموت واصحيك بس كل ما ادخل والاقيك نايم مقدرش امك قالتلي لو جاع هيصحي
عشري…بضحكه جميله انا فعلا جعان
ليله…بابتسامه حب طيب يلا يا عمري قوم خد شاور و انا هجهزلك الاكل واخرج اقعد معاهم شويه
