لقاء كارثي

ليله…لا بص حرام عليك بقي انا بقالي كذا يوم بسمع كلامكم وانا بقيت كويسه سيبني بق يانا دماغي هتنفجر من غير قهوه وسجاير

عشري…طب خدتي نفس هاتي يلا

ليله….لا مش هديك

عشري….بضحك يابت متبقيش رخمه ملحقتش اخد منها نفس

ليله….معاك تاني انا مش معايا ولا علبه كله في البيت و اعمل حسابك هتسيبلي اللي معاك دول قبل ما تمشي

عشري…..طيب اوعديني متشربيش كتير لو سيبتهم

ليله…..والله مش هشرب كتير بس متبقاش رخم بقي

عشري….طب هاتي نفس

ليله…اتفضل واديهالي تاني

عشري…بابتسامه لا انا عايز نفس منك

ليله…بابتسامه اااا احم طيب اتفضل سجايرك يا قلبل الادب مش عايزه منك حاجه

عشري…بضحك طب خدي بس هقولك خلاص مش عايز

قام وقف و مسكها من دراعها

ليله….انت ماسكني كده ليه خليك مؤدب

عشري…..بضحك لا والله مش هعمل حاجه قوليلي في حاجه ناقصه هنا محتاجينها قبل ما امشي

ليله….لا البيت في كل حاجه متقلقش و لو في هتصل بالماركت

عشري…..طيب تمام بس اي حاجه تنقصكم عرفيني

ليله….ماشي يا قلبي ممكن بقي نخرج عشان تاكل انت من امبارح مكلتش حاجه خالص

عشري…..حاضر يلا بينا

خرجوا علي بره و سلم عشري عليهم و بارك لنعيمه علي نسمه و بعدين قعد مع عاصم وفضل وميدو وجاسم و البنات راحوا جهزوا مع شيرين العشاء

الروح المرادي كانت مختلفه شويه و حاله الحزن اهدأ و يمكن ده بسبب حجات كتير راحه نعيمه من حاله نسمه و وجود اهل نادين جنبها لاول مره بعد الفرح و راحه ليله بالنسبه للشقه طاقه البنات انعكست علي الشباب فكان الوضع اريح وافضل كتير.

……………

في منزل احمد بعد ما كلوا دخل احمد ياخد شاور و يصلي وقفت نغم تنضف المطبخخل عليها تامر كانت متوتره بس مبسوطه

تامر….محتاجه مساعده

نغم…لا خالص خليك مرتاح انا قربت اخلص

تامر…..طيب تمام

نغم……تامر

تامر…نعم

نغم….شكرا بجد علي الخاتم و شكرا علي السلسله انا كنت نسياها علي فكره

تامر….بابتسامه متشكرنيش يا نغم انا معملتش حاجه كبيره انا السلسله ودتها تاني يوم من رجوعنا و طلبت منهم بعملوا خاتم بنفس الشكل و قالي ممكن اربع ايام و يخلصوا بس ممكن استلم السلسله قبل الخاتم قولتلوا هاخد الاتنين مع بعض بس بعدها حصل اللي حصل ومقدرتش اروح خالص و جيبتهم انهارده

نغم….بجد شكرا بس هو انت ازاي عرفت مقاسي الخاتم قدي