لقاء كارثي

سلامه…ايوه يا دكتور انا جوزها

الدكتور….طيب في حمل

سلامه…لا حمل ايه احنا متجوزين من اسبوع بالظبط هي حامل؟

الدكتور… بابتسامه مستعجل عايز تبقي اب ولا ايه انا بس بسال عشان العلاج

سلامه… بابتسامه هاديه لا عادي مش حامل اكيد يعني

الدكتور…..طيب هي مبداياً حرارتها 40

حنان….طيب دي عاليه اوي هي كده ممكن تحتاج مستشفي

الدكتور….انا هقعد معاكم شويه لان حرارتها مش حلوه بس غالبا هي كانت اكتر من كده انت بقالك قد ايه بتعملها كمادات

سلامه…يعني الساعه داخله علي سته كانت خمسه لما صحيت و لاقيتها سخنه من وقتها وانا بعمل و بعدين ادتها شاور قعداها فيه حوالي خمس دقايق

الدكتور….كان بيعمل حقنه بص لسلامه مكانتش فايقه معاك خالص؟

سلامه…..لا هي كانت مفتحه بس تايهه و لما حطتها في البانيو صرخت و كانت عماله تعيط بس هي كانت واعيه شويه يعني بتخرف بس عرفاني دكتور هو في حاجه تقلق ولا ايه

الدكتور….متقلقش هي الحراره بتعمل كده و ده طبيعي انا هفضل معاكم شويه تطمن بس ان الحراره بتنزل مش بتطلع تاني انا هديها الوقت حقنتين دي خافض بس قويه و دي مضاد حيوي ومضاد التهاب هي تقيله شويه بس لازم عشان الصديد اللي متجمع في الحلق ده مش بسيط يعني الجيوب الانفيه مع الاذن الوسطي مع التهاب اللوز كل ده متجمع في الحلق

حنان…تقيله تقيله مش مهم

الدكتور…احنا هنحتاج نكرر الحقنه دي طبعا هتاخد سته هديها الوقت واحده هيبقي فاضل خمسه هتاخدها كل ثمان ساعات

ريهام…طيب يا دكتور بتاعت السخونيه دي تتاخد تاني

الدكتور…..دي عند اللزوم و غالبا الحقنه قويه المفروض بتسيطر علي الحراره وفي حاله الحراره فضلت موجوده بعدها طبعا لازم تتنقل مستشفي بس انا شايف ان الموضوع بسيط ان شاء الله هكتبلها كمان علي ڤيتامين كويس اوي للبرد و هكتبلها مطهر لان غالبا الصديد ده هيتحول لشكوي من بطنها اااا ممكن اشوف ادوية الجيوب الانفيه

سلامه….اه اه طبعا لحظه واحده

خرج سلامه بسرعه يجيب العلاج

حنان….طيب نكمل الكمادات يا دكتور

الدكتور….اه كملي و كمان هكتباها لازقه كده بتتحط علي الجبهه كويسه

قرب سلامه بسرعه و ادالوا الادويه

الدكتور…..بص كل ده ولا ليه اي لازمه و البخاخه دي قديمه يعني في حجات حاليا افضل منها هي بقالها كتير ماشيه علي العلاج ده