لقاء كارثي

ودي اسم البخاخه ودول ادويه للجيوب الانفيه كاتبلك كام مره

دي لصقات طبيه للحراره وده مسكن عشان الالم بس لو مش هتقدر تبلع انا كاتبلك بديل شراب

سلامه….تمام يا دكتور قولي طيب تشرب ايه

الدكتور…ولا اي حاجه انا بس هستني ربع ساعه اطمن ان الحراره نزلت

سلامه…مش هينفع والله كفايه ان حضرتك جاي في الوقت ده

الدكتور….ده شغلي

سلامه…طيب معلش عصير ولا شاي ولا نسكافيه ولا قهوه

الدكتور….طيب اي عصير

ريهام…خليك يا سلامه

حنان…دكتور بالنسبه للاكل تاكل ايه

الدكتور…معلش هنقعد يومين تلاته كده ناكل مسلوق لان هي كمان ممكن تشتكي من معدتها الصديد نسبته عاليه و عشان كده انا كاتبلها الحقن دي فا مش هتقدر تاكل ولا هتقدر تبلع يعني حجات سهله في الاكل سوايل كتير عصاير و تكون طبيعيه زبادي اي حاجه سهله في البلع

حنان…مش مهم انا هعملها كل حاجه

دخلت ريهام بهدوء

ريهام…اتفضل يا دكتور

الدكتور….شكرا

سلامه….دكتور طيب بالنسبه للكلب اللي عندنا

الدكتور…..بالمناسبه انا بربي كلاب وقطط اهم حاجه يكون في نضافه يكون في اهتمام دايم بالشعر بتاعهم اللي بيتعلق علي فرش علي لبس وقت التنضيف يكون في ماسك والافضل هي الفتره دي متحتكش بيه علي قد ما تقدر لحد بس ما تتحسن و يكون في تهويه ديما

سلامه…تمام يا دكتور

ايه….بهدوء سلااامه سلامه

قرب منها بسرعه

سلامه… ايه يا حبيبي ايه؟

ايه…. عطشانه

سلامه…..حالا هاتي يا ريهام المايه

الدكتور…ايه سمعاني

بصتلوا بهدوء و هزت راسها

الدكتور….طيب طمنيني حاسه بايه

حطت أيدها علي زورها

شربتها ريهام بهدوء بقت عماله تبصلهم باستغراب

ايه….هو في ايه ؟

حنان….ولا خاجه يا قلبي انتي بس سخنتي شويه و الدكتور جه يطمن عليكي

الدكتور…. انتي عارفه مين دول يا ايه ؟

ايه….بهدوء اه

الدكتور…..طيب مين دي

ايه….غمضت بتعب وفتحت تاني ريهام

ابتسمت ريهام وطبطبت علي راسها

الدكتور…..طيب مين دي

ايه….بهمس حنوون

حنان…يا قلبي انتي

الدكتور….طيب مين اللي واقف جنبك انتي

ايه…..سلامه

الدكتور….طيب ماهي شاطره اهي يقربلك ايه سلامه ده اخوكي؟

ابتسموا بهدوء كلهم

ايه….لا حبيببي

ابتسم سلامه وباس كفها

الدكتور…..بضحكه جميله ابسط ياعم

ريهام…بضحك حلاوه البدايات شكلها

الدكتور….بضحك ماهي لا اما حلاوه البدايات او الحراره مأثره