لقاء كارثي
لقاء كارثي
عشري….بذمتك انتي لو هو بيلعب بديلوا هيقول ردي او هيرد اصلا و انتي معاه
نعيمه…ما عشان رقم غريب و بعدين هيتوتر ليه لو مش عامل حاجه
عشري….ماهو طبيعي يتوتر انتي بتقولي الحوار متفصل عليه و سمعتي بنفسك يعني اكيد هيقلق انك تشكي
ليله…وبعدين يا غبيه البنت بتتكلم بثقه يعني لو هو عارف الرقم مكانش هيرد او هيفصل الصوت
نعيمه….هادي ممكن تكون اتصلت من رقم غريب
ليله….طيب تمام ادام انتي بتفرضي كل الاحتمالات دي افرضي انه صادف يا ستي والحوار جه صدفه
نعيمه….صدقه تكلموا بكل الثقه دي متشكش حتي انه مش صوته صدفه تقولوا محمد صدفه تقولوا راجع امته من السفر بقولك ايه متجننيش امي
عشري…بضحك ما انا قولتلك بقي منحوس امه داعيه عليه في يوم مهبب
ليله…..بضحك عشري امشي امشي نوني والله العظيم انتي عارفه اني بعرف اقفش اللي قدامي لو كداب و فضل مش بيكدب اسمعيه بس عشان خاطري
نعيمه…ماشي يا ليله
ليله….يلا يا قلبي ربنا يهديكم كده و تفهمي الحوار صح
نعيمه ….. يلا تصبحي علي خير
ليله…وانتي من اهل الخير يا قلبي باي انتتتتت عايز علقه بتعامل مع ابني الصغير
عشري….بضحك هموت من فضل والله الحوار راكبه راكبه بنت جزمه
ليله…..بضحك بس بقي والله صعبان عليا
عشري…..اسمعي مني فضل ونعيمه هما اللي نحس احنا كده كلنا فالتنا الا هما
ليله….بضحك بس يا رخم متقولش عليهم كده ان شاء الله يتجوزوا ونفرح بيهم عادي بتحصل
عشري….بضحك اشك والله دول منحوسين
ليله….بضحك طيب يلا يلا قدامي خلينا نغير هموت و انام
عشري….بضحك يلا بينا.
………………….
قفلت نعيمه و هي مضايقه و مش طايقه فضل ثواني واتصل تاني بصت للموبايل بغضب و بعدين ردت
نعيمه…..نعم في ايه
فضل….بصوت عالي و متعصب انتي مبترديش ليه
نعيمه…..انا حره
فضل…..هو ايه اللي انا حره انتي شايفه متصل بيكي كام مره
نعيمه….قولتلك انا حره مش عايزه ارد ايه عايز مني ايه
فضل….نعيمه متطلعيش عفاريتي عليكي اقسم بالله هجيلك و هطربق الباب علي نفوخك
نعيمه…..بقولك ايه يا تتكلم عدل يا تقفل
دخلت نجود فجاه علي صوته
نجود…ايه ده ايه ده في ايه ؟
فضل….مفيش حاجه يا امي بعد اذنك سيبيني و اخرجي
نجود….اسيبك ده ايه صوتك عالي و هتصحي الدنيا كلها بتتخانق مع مين كده
