لقاء كارثي

قام بسرعه عدل نفسه وزحاول برفعها عالمخده

سلامه…ايه ايه حبيبي بصيلي يا ايه

فتحت تاني ثواني و غمضت الثواني دي عينها كانت لونها احمر بشكل مرعب شفايفها حمراء و خدودها و نفسها اللي طالع سخن جداً

اتوترسلامه و مبقاش عارف يعمل ايه بس صوت ميلو كان معصبه اكتر قام بسرعه يفتح الباب عشان يتصرف يعملها كمادات لحد ما يتصل بدكتور اول ما فتح الباب ميلو جري بسرعه نط علي السرير و بقي عمال يشم في ايه و يلحس فيها فا سلامه فهم ان ميلو اصلا حس بأيه و عشان كده كان بيهوهو

سلامه…ميلو ميلو انزل سيبها تعالي متخافش

نزلوا نط تاني خده و خرج حطوا في البيت بتاعه وقفل عليه و جري علي الثلاجه طلع ثلج و حط في طبق ثلج وعليه مايه ساقعه و دخل تاني بسرعه طلع فوطه و قعد جنبها يعملها كمادات

وجري تاني بسرعه علي الدريسينج طلعلها غيار كان عارف انها لازم تاخد شاور بسرعه

جري تاني علي التويلت فتح المايه علي البانيو و ساب المايه تتملي و خرج جري مسك الموبايل مبقاش عارف يعمل ايه افتكر الدكتور اللي جالوا قبل كده هو وريهام اما تعبوا بس الرقم مكانش معاه مع ميدو و طبعا مستحيل يتصل عليه الوقت

واصلا الوقت كان متاخر عارف ان كله نايم و تعبان بس مكانش قدامه اختيار لا هينفع يسيبها وينزل يدور علي دكتور ولا هينفع يستني للصبح

فا قرر يتصل علي امه لو ردت يسالها يمكن هي او مصطفي معاهم الرقم مردتش مفيش قدامه غير انه يشيلها وينزل بيها بسرعه علي اقرب مستشفي

اتصل بسرعه علي امه و هو بيغير الكمادات لايه فا ردت علي طول بصوت نايم

حنان….الووو ايوه يا سلامه

سلامه…ايوه يا امي حقك عليا صحيتك

حنان…لا يا حبيبي في ايه ايه كويسه

سلامه…لا با امي أيه تعبانه اوي سخنه جدا و مش دريانه بيا انا عايز بس اعرف معاكي رقم الدكتور اللي جالي انا وريهام لما تعبنا ولا لا انا مش هقدر اتصل علي ميدو

حنان….يا حبيبه قلبي والله كنت حاسه ااا استني بيتهيألي مع مصطفي بس اسمعني اعملها كمادات ولا بص خدها حميها بسرعه

سلامه…انا بعملها كمادات وبملي البانيو هحميها الوقت بس لازم دكتور هي سخنه جدا

حنان…طيب استني خليك معايا يا حبيبي

سلامه….معاكي علي مهلك

خرجت بسرعه راحت علي اوضه مصطفي

حنان…مصطفي مصطفي قوم يا حبيبي ثانيه معلش

مصطفي….ايه بقي بكره طيب