لقاء كارثي
لقاء كارثي
نجود….نهار امك اسود مين دي يا واد
فضل….هو نهار اسود فعلا انتي مصدقاها
نجود….ومصدقهاش ليه هي عيله صغيره مش عارفه بتقول ايه مين دي اللي بتقولك مستنياك
فضل….ياستي الله يهديكي انتي كمان و الله العظيم ما اعرفها صدفه صدفه اييييه مسمعتوش عن الصدف
نجود….صدفه يطلع اسمك زي اسمه و صدفه يطلع جاي علي طريق سفر
فضل….هو انا مش فاهم بس بعني لو فرضنا انا وسخ و بتاع نسوان انتي مش النفروض تقفي في صفي عشان علي الاقل متخربيش الدنيا انتي بتسخنيها اكتر
نجود….اه يا روح امك بسخنها عشان لو ديلك نجس يبقي متستاهلهاش
فضل…لا حول ولا قوة الا بالله العلي العظيم يا ستي بحلف بأيمانات الله معرفها ايييييه انا كافر خدي رقمها كلميها اثبتلكم ازاي انها صدفه زباله لبستها انا عشان انا لو ليا ام بتدعيلي كان زمان ربنا نجاني انما انا امي واقفه ضدي
نجود…..طب هات رقمها و اتصل بيها قدامي الوقت وسمعها و هي معايا
فضل….ياستي موبايلي كله معاكي
نجود……اخرج هات موبايلي من بره و نتصل بيها
فضل….هو بعني ايه يعني بجد مفيش ثقه خالص
نجود….لا يا اخويا لما الصدفه تبقي متفصله علي مقاسك يبقي عليك وعلي الثقه
فضل….تمام و انا هتصل و هريحكم بس لما تتكسفوا كده ميبقاش حد فيكم ينطق معايا واقولك مش هقعدلك في البيت انتي كمان
نجود….ان شالله عنك ما قعدت بناقص واحد
بصلها فضل بغضب و خرج يجيب الموبايل
نجود….بت بطلي عياط و خدي بالك شكله صادق
نعيمه….وربنا يا جوجو ابنك بيشتغلنا البت كأنها واثقه من صوته عمال يقولها الرقم غلط و هي فكراه بيهزر عماله تقولوا اخلص بقي و متهرجش
نجود…..طيب استني انا هكلمها
و هنشوف
فضل….امسكي و هاتي الموبايل كده
نجود…متقفلش مع نعيمه بس
فضل….مش هقفل مع حد خلصيني
هاتي موبايلك كده اكتب الرقم
نجود…لا هات انا انقل ارقم
فضل….اعوذ بالله عليكي يا ستي انتي بوتجاز خمسه شعله خدي الرقم اهو
فضلت نجود تنقل الرقم و بعدين اتصلت
فضل….ودين الاه يا نعيمه لا هنفخك
نعيمه…..احترم نفسك و متتكلمش معايا
نجود….ضربته علي كتفه متهددهاش تنفخ مين يا واطي الرقم مغلق
نعيمه….عشان اكيد اداكي رقم غلط
فضل……ياااااابت غلط ايه انا محدش اتصل بيا من رقم غريب غير رقمها واهو كانت الساعه 11 شوفي يا بوتجاز انتي كمان و قوليلها
