لقاء كارثي
لقاء كارثي
ابتسم سلامه وبص لايه بهدوء
ساب الدكتور العصير و قرب تاني منها يقيسلها الحراره
الدكتور…ممكن نقيس الحراراه كمان مره
هزت ايه راسها بهدوء استني الدكتور شويه
الدكتور….الحمد لله بقت 39
سلامه….بس مش كده لسه عاليه
الدكتور…كانت اربعين وشرطتين كده كويس بتنزل شويه كمان وهتقيس تاني و متقلقش هي ممكن تفضل كدن شويه عشان لسه في التهاب و صديد
حنان…نكمل كمادات يعني
الدكتور….اه خليكم وراها لحد ما تهدا بس لما يجيب اللازقه دي ممكن توقفي كمادات اكن تابعوا الحراراه برضوا الف سلامه عليكي يا عروسه
ايه…..بتعب شكرا
سلامه….شكرا جدا يا دكتور تعبناك والله
الدكتور….مفيش اي تعب الف سلامه عليها
حنان…شكرا يا دكتور
الدكتور…..الشكر لله يا افندم
سلامه…اتفضل يا دكتور
خرج سلامه معاه بره يحاسبه
حنان….قربت منها وخدتها في حضنها الف سلامه عليكي يا قلبي
ريهام…..هما كل اللي بيتعبوا بيحلوا كده يا يويو
ايه…..بابتسامه هاديه حقكم عليا تعبتكم
حنان…متقوليش كده تعبك راحه المهم تبقي كويسه و بعدين انتي مش بنتي
ايه……بهدوء اكيد يا حنون
حنان…طب امال ايه بقي
……
في الخارج
مصطفي….ياعم هات الروشته انا هنزل خليك انت مع مراتك
سلامه…طيب بقولك ايه معلش هات كمان ترمومتر عشان الدكتور قالي اقيس الحراراه تاني وانا مش عندي
مصطفي…طيب تمام اجيب حاجه تاني
سلامه…لا امسك كده خلي دول معاك
مصطفي…..ياعم في ايه انت بتهرج
سلامه…امسك يلاااا
مصطفي….لما ابقي اجيب هبقي احاسبك
سلامه….طب امسك خليهم معاك
مصطفي….وربنا نا همسك اخلص بقي وسع كده لو احتاجت حاجه قولي
سلامه…طب علي مهلك انت نايم علي نفسك
مصطفي….متقلقش بصلوا وابتسم بقولك ايه اطلع اخبط علي ميدو وارجي
سلامه….بضحك امشي يا وسخ عايزه يخرج يحدفك من فوق
ضحك مصطفي ونزل ودخل سلامه يشوفها
ريهام كانت قاعده علي الكنبه مش قادره وفاصله خالص
وحنان بتظبط الاوضه و بتشيل الفوط والمايه بتاعت الكمادات و بتنشف المايه اللي واقعه.
دخل سلامه بهدوء
قرب سلامه من ايه و قعد جنبها كانت مغمضه
سلامه….باس راسها فتحت بهدوء ايه يا قلبي خاسه بايه
ايه….بهمس متقلقش انا كويسه
سلامه….كده يا ايه وقفتي قلبي والله لو كنتي سمعتي الكلام بقي
حنان….معلش كله خير من ربنا هتبقي زي الفل
