لقاء كارثي

فضل….ما قولتلك يا امي مفيش حاجه بقي

نعيمه…..في ان ابنك بتاع نسوان يا جوجو قولها ولا مكسوف

فضل…..ودين الله يا نعيمه ان ما اتعدلتي لا هطين عيشتك

نجود….يخربييييييتك انت بتتخانق كده مع نعيمه انا كل ده فاكره حد تاني

نعيمه….شوووووفت حتي امك عارفه انك بتاع نسوان

فضل…..يا بت نسوان اييييييييه

نجود….ولااااا انت بتعلي صوتك كده ليه

فضل….يا ستي اسكتي انتي الله يهديكي هتولعي الدنيا اكتر من غير ما تحسي اهي قفشتك في كلمتك

نجود….هات يا ولا الموبايل ده هاااات

فضل…..يا امي الله يهديكي اعتقيني لوجه الله

نجود….بقولك هات اكلم البت اوعي كده و روح اقفل الباب ده ابوك هيجي علي صوتك الووو

نعيمه…..ايوه يا جوجو

نجود….في ايه يا قلبي مالك عملك ايه الواد ده

نعيمه…..ابنك بيخوني يا جوجو

نجود…..بيخون مين انتي

فضل…..نهار اسود عليا وعلي اللي خلفوني يا بت هق*تللللك

نعيمه….شايفه يا جوجو

نجود….تصدق بالله انت لو ما سكت هقوم اطين عيشتك مسمعش صوتك

فضل….خدي بالك بدأت اتخنق منك منها و دين الله هطفش و ماحد فيكم هيعرفلي طريق

نجود…..ما فستين داهيه يا اخويا عندي خمسه غيرك و لو علي البت هجوزها سيد سيدك

فضل….ياستي انتي لقياني في كيس شيبسي انا ابنك علي فكره

نجود….لا يا روح امك لقياك علي باب جامع عملك ايه يا نعيمه

فضل….عملك ايه يا نعيمه انتي بتساليها هي دي مطلعه د……. امي انا

نعيمه……بدموع شايفه طريقته

نجود….ورحمه ابويا وامي في تربتهم بقوم عليك و امسخرك يا واطي لسانك في بوىك ياولا ايه كبرت ومبقاش حد يعرف يكلمك وانتي بتعيطي ليه ده عيل واطي

فضل…ااااه ماهو اللي بيعيط بيكسب بونط

نجود…..قولتلك اسكت خليكي معايا وبطلي عياط حصل ايه

نعيمه…..و احنا راجعين في الطريق اتصل عليه رقم غريب فتحت و الصوت كان متوصل بالعربيه كام صوت بنت بتقولوا وحشتني و مستنياك اتصدم واتوتر قعد يقولها مين و الرقم غلط قالتلوا انت بتهرج يا محمد اخلص راجع امته من السفر

قوليلي بقي عرفت منين انه اسمه محمد وعرفت منين انه جاي من طريق سفر البنت واثقه بتكلم مين يعني بذمتك يا جوجو انتي لو بتكلمي حد و سمعتي صوته مش هتعرفي اذا كان هو اللي بتكلميه ولا لا

نجود….طبعا

نعيمه…لا هي فضلت مكمله حتي وهو بيقولها الرقم غلط يعني صدقه تسمه وانه راجع من طريق صدفه كمان ان صوته نفس صوت الشخص اللي بتكلموا و في الاخر البنت قالتلوا اسفه شكلي غلطت وقفلت مستنتش كأنها هي كمان اتوترت او فهمت انه مش عارف يرد و بعد كل ده بيطول لسانه و بيزعق و متعصب و عايز يطلعني مجنونه