لقاء كارثي

يبقي هي شايفه ان ليها حق فيك خبطته في دماغه بهدوء ركز و اهدا عليها البت بتحبك وانت عارف و لو عكسنا الموقف انت مش هتسكت فا سيبها تهدا و تعمل اللي علي كيفها لحد ما تجيب اخرها و بعدها ابقي اتكلم معاها بهدوء

فضل…. ماشي يا ست الحكيمه اما نشوف اخرتها معاكي ومعاها

نجود…بضحكه جميله اخرتها حضنك ياولا يلا تصبح علي خير انا ارزح اسخنها عليك

فضل…..بضحك طيب ما تكملي جميلك و قولي كلمتين في حقي ده انتي لسه قايله كلام زي الفل الوقت دي مش ناقصه تسخين هي بوتجاز لوحدها

نجود….بضحك لو رجعت وقفت في صفك هتعرف انك بلفتني بكلمتين وقلب الام حن ورق لكن لو روقتك معاها و جيت انت اللي دخلت بالحنيه مش بعيد تيجي تقولي ما كفتيه بقي يا جوجو خفي علي الواد اللي حيلتي شويه

فضل….بضحك مشكلتي اني بحبك

نجود…بضحك وانا بحبك يا قلب امك تصبح علي خير

فضل….وانتي من اهل الخير يا حبيبتي .

………………….

عند ايه و سلامه طبعاً رجعوا كانوا مهدودين ايه تعبانه و واخده دور برد قوي مع تعب الجيوب الانفيه اللي هدها خالص فا نامت بعد ما خدت شاور وغيرت علي طول

وسلامه نام بعدها هو كمان كان مقتول بقاله يومين تقريبا مرتاحش خالص طول الوقت واقف علي رجله مع ميدو و مش سايبه لحظه مع سهر ومجهود وسفر عالطريق فا هو كمان كان خلصان يادوب حط دماغه جنب ايه طار هو كمان و راح في سابع نومه..

علي الساعه خمسه الصبح ميلو كان واقف وراء الباب بقالوا اكتر من نص ساعه عمال يهوهو و يحفر و يخربش في الباب بطريقه مش طبيعيه مكانش ساكت و طبعا ايه نايمه تعبانه مش دريانه و سلامه نايم هو كمان بس حاسس انه سامع صوته او بمعني اصح التعب والارهاق كانوا مخلينوا فاكر انه بيحلم فين نص ساعه كامله لحد ما فتح عينه فضل باصص ثواني في السقف بيستوعب ان ده مش حلم

لما ركز عرف انه فعلا ميلو بيهوهو حرك نفسه بضيق بسيط من صوته اللي مش ساكت

سلامه….اووووف في ايه يا ميلو بقي

فضل يهوهو جامد

سلامه…ياااااه شششش بس بقي مش هتسكت انا عارف

عدل نفسه بهدوء كان واخد ايه علي دراعه لما قام شويه و ركز اكتر حس ان دراعه مولع بص بصدمه علي ايه و بسرعه حط ايده علي راسها كانت مولعه مش سخنه بس

سلامه…..يا نهار اسود ايه ايه ايه

فضل يخبط علي وشها مكانش في استجابه خالص مش فاقده الوعي بس ضايعه فتحت نص عين و رجعت غمضت