لقاء كارثي

نعيمه….عارفه من غير ما تقول و اقولك انا بقي مش عايزه اعرفك تاني يا فضل

فضل…..احسن يا نعيمه ريحيتيني عقبال ما ارتاح من امي كمان يابت هو اللي في حياته اتنين زيكم يطيق يبص في وش النسوان

نجود…ضربته و احنا مالنا يا وسسسسخ ها ده انت تحمد ربنا ليل نهار و تبوس ايدك وش وضهر اننا متحملينك

فضل…..شكرا ياستي متتحملونيش تاني بقي و يلا لو سمحت من اوضتي عايز اتخمد يمكن انام و مقومش و انتي كمان اقفلي اتكلي علي الله و لو جرالي حاجه وربنا ما هسامحكم يلا بقي

نجود….بت يا نوني اقفلي و انا هكلمك

نعيمه….ماشي باي يا جوجو

فضل….باي يا جوجوووو

قفلت نعيمه الموبايل في وشه و بص لنجود بغضب

فضل….انتي ايه حوارك بجد طيب بوتجاز و فهمتها انما في مثل بيقول ادعي علي ابني و اكره اللي يقول امين بتقولك هتدعي عليا قدام الكعبه و انتي ساكته

نجود…. بابتسامه متقدرش بتحبك يا حمار قلبها مش هيطاوعها

فضل….لا يا حنينه

نجود….والله بتحبك بقولك ايه ما تجيب سيجاره

فضل….بصدمه انتي شاربه ايه عالمسا انتي لسه كنتي واقفه في صفها

نجود…..امال اقف في صفك

فضل….علي رأيك ده انا حيالله ابنك و دي يمكن يكون فيها شك لسه متأكدناش يا وليه ده انتي حتي مفهمتيش ولا قولتلها انتي غلطانه او اسمعي او حتي افهمي

نجود…هتعيش وتموت حمار

فضل…طب ليه الغلط

نجود….ده مش غلط دي حقيقيه ولع سيجاره خليني اقولك الكلمتين وادخل اتخمد

طلع علبه السجاير و هو باصصلها بغيظ ولع سيجاره وادهالها

نجود….خدت نفس و بعدين بصتلوا

فضل…..يلا قهمي الحمار

نجود….بضحكه جميله افهم يا حمار الست وهي متعصبة ما بتسمعش يا فضل

فضل… يعني أسيبها تظلمني؟

نجود… مين قال تسيبها تظلمك؟ أنا بقولك استنى عليها تهدى.

فضل… وأنا مالي بقى؟ أنا معملتش حاجه أصلاً.

نجود… ما هو ده اللي إنت مش فاهمه هي دلوقتي مش بتفكر مين غلطان ومين اللي صح هي متغاظة ومخنوقة وخايفة.

فضل… خايفة من إيه بس؟

نجود… خايفة تتوجع يا فضل البت بتحبك ولما سمعت واحدة بتناديك باسمك وبتسألك راجع من السفر إمتى دماغها راحت لمية حتة.

فضل… طب ما كانت تسمعني.

نجود… وتسمعك إزاي وهي مولعة؟ إنت أول ما لقيتها زعلانة قعدت تقولها فهمتي غلط وفاهمة غلط ومش فاهمة و متعصب و بتعلي صوتك و كأنك بتصب بنزين على النار.