لقاء كارثي

سلامه….ياريتني كنت بدالك

ايه…بهمس بعد الشر

حنان….بعد الشر عليك وعليها يا حبيبي ربنا يشفيها يارب بكره تقوم تبقي زي الحصان صح يا يويو

ايه…بابتسامه هاديه صح

سلامه….في حاجه بتوجعك

ايه……عايزه انام بس مش قادره

حنان….معلش استني شويه الدكتور قال خليكي صاحيه معانا

سلامه…بصي خليكي سانده كده بس متناميش

ايه…..مش قادره والله

سلامه….طيب ايه يا امي تنام

حنان…طيب خليها تغمض شويه و كل شويه كده نصحيها تتنبه بس معلش البرد والسخونيه بيهدوا الجسم و هي اصلا ملحقتش تنام

سلامه…..طيب نامي يا قلبي نامي طيب استني احنا لما رجعنا مكالتش حاجه و هي واخده حقن تقيله مش المفروض تاكل

ايه…لا لا مش عايزه

حنان…..طيب اسمعي كلي زبادي خفيف لحد ما اعملك اكل و لما تصحي تاكلي

ايه….مش عايزه والله يا حنون مش قادره

حنان….طيب سيبها تنام شويه خلاص شويه ونخليها تاكل

سلامه…..انا هقول لمصطفي يجيب زبادي معندناش اصلا

حنان…طيب كلموا وخليه يجيب

سلامه….ايه يا مصطفي لسه مطلعتش صح

مصطفي …لا قول عايز ايه

سلامه…معلش تعدي علب السوبر ماركت تجيب زبادي

مصطفي…طيب ماشي عادي ولا بطعم

سلامه….اااا معرفش هات من كل اللي موجود

مصطفي…طيب تمام حاجه تاني

سلامه…لا تسلم يا حبيبي سلام

مصطفي….سلام

خرجت حنان خرجت المايه و الفوط و رجعت تاني بتلج و قعدت جنب ايه سلامه كان قاعد جنبها باصصلها وماسك ايدها

حنان… بابتسامه عصرت الفوطه متقلقش هتبقي زي الفل حطتها علي راسها بهدوء فتحت ايه عينها بضعف وغمضت تاني

سلامه……رعبتني والله يا امي انتي مش متخيله هي كانت سخنه ازاي

حنان….شكلها كان باين واحنا في الفرح اصلا قولتلها تطلع تريح في الاوضه مرضيتش

سلامه…..واحنا جايين في العربيه كانت سخنه بقيت احط مايه علي المناديل واحطها علي راسها بس مكانتش سخنه بالشكل ده انا صحيت حسيت ان دراعي مولع

حنان….يا قلبي باين علي عينها و وشها كويس انك حسيت بيها اصلا

سلامه….بابتسامه مش هتصدقي والله انا عرفت ازاي

حنان….هي اللي صحيتك

سلامه….لا انا نايم بحلم اني سامع ميلو بيهوهو جامد وعمال يخربش في الباب و انا اصلا فاصل و حاسس اني مش قادر حتي افتح عيني فين انتبهت لاقيت ميلو بجد بيهوهو مكانش حلم قومت فتحتلوا جري عليها وبقي عمال يلحس فيها ويشم فيها