لقاء كارثي
لقاء كارثي
خلصوا صلاه و بصتلوا بهدوء ابتسم و حط ايده علي مقدمه راسها و بدأ يدعي بصوت مسموع..
عسال….. بابتسامه اللهم إني أسألك خيرها و خير ما جبلتها عليه وأعوذ بك من شرها و شر ما جبلتها عليه.
اللهم بارك لنا في زواجنا واجعل بيننا المودة والرحمة اللهم اجعلنا عوناً لبعضنا على طاعتك اللهم ارزقنا السعادة والسكينة والذرية الصالحة
اللهم اجعل بيتنا عامراً بالإيمان والمحبة والبركة.
شال أيده و مسك كفها باسه بحب
عسال…..تقبل الله
نادين….بضحكه توتر و تأثر و لغبطه منا ومنكم
قام وقف و مسك كفها سحبها بهدوء شال المصليه طبقها وحطها علي جنب وهي قلعت الاسدال بهدوء و بصتلوا
عسال….يلا تعالي اشربي
نادين….طيب
قربت قعدت جنبه علي كنبه صغيره
ولع سيجاره و اداها الايس كوفي بتاعها و خد هو قهوته كان ملتمحه مبتسمه طول الوقت وهاديه.
نادين…اااا تويتي بره
عسال…بابتسامه اه بتلعب انا دخلت العلبه بتاعت الرمل علي فكره عشان متبهدلش الدنيا
نادين…..طيب احسن كده
بدأت تشرب و هو كمان بدا يشرب قهوته ثواني و سندت راسها علي الكنبه و هي حاضنه الايس كوفي عينها كانت بتقفل بطريقه فظيعه كانت مرهقه و عايزه تنام و تعبانه جدا غمضت عينها بهدوء
عسال بابتسامه مد كفه خد منها الايس كوفي فتحت بسرعه ومسكته فكرت انه هيقع
نادين…ايه
عسال…..بضحكه جميله متخافيش مش هيقع انا اللي بمسكه انتي بتنامي
نادين…لا لا انا صاحيه معاك
عسال….بضحك صاحيه ايه ده انتي سافرتي ثانيه ورجعتي
نادين….بابتسامه لا والله معاك
عسال….شكلك تعبانه اوي و مرهقه يلا يا حبيبي تعالي قومي معايا عشان تنامي
نادين…ااا لا لا انا معاك مش هينفع
عسال….بضحكه تجنن ليه مش هينفع ؟
نادين…اااا كده
عسال…. بابتسامه ليه كده قوليلي
نادين…ااا ليله و ايمي قالولي يعني
عسال…..ابتسم بهدوء حبيبي ممكن ننسي اي حاجه اتقالت الوقت انتي تعبانه و انا عارف انك مرهقه و اصلا بقالنا يومين تقريبا مش بننام كويس و بنعمل مجهود فظيع و عارف انك مش قادره و كنتي بتقاوحي النوم واحنا راجعين فا يلا يا حبيبي قومي
ارتاحي و نامي و انا كمان يا روحي هنام معاكي و بعدين احنا بقينا مع بعض مش هنطير يعني
نادين…. بابتسامه ااا يعني لو نمت مش هتزعل
عسال ….بنظره تجنن ضحك لا طبعا مش هزعل انا عايزك ترتاحي و بعدين عايز القمر ده يكون فايق و مرتاح ماشي
