لقاء كار,ثي

و الفريق اللي يكسب حقه يحكم علي الفريق التاني حكم يتفقوا مع بعض بقي و يختاروا عقاب او اي حاجه يحبوها ننسي خالص فكره الكابلز عشان اللعبه تبقي حلوه

ليله…..طب لحظه بس الله يباركلك انت قولت كده ان اللي هيلعب يسأل ايه اللي موجود في البوكس هو في حيوانات حضرتك

مصطفي…..بضحك ايه بتخافي

ليله…..بضحك لا سلام عليكم مش لاعبه

مصطفي….اوباااا ليله هتخسر فريقكم من قبل ما تلعب

سلامه….الله الله طلعتي جبانه ولا ايه يا ليله

فضل…..وفاتحه صدرها و عامله فيها جامده و بلطجيه

ليله…..بضحك اسكتوااااا مش انا توبت

عشري….بضحك العبي يا خوافه عيب

ليله…..لا مع نفسكم انا هتفرج

مصطفي….لا والله هتبقي عيب في حقك انتي جريئه حتي

ليله….جريئه بوء لسان يعني انما انا اعمل كده ضحكن لا مقدرش

مصطفي…..بضحك بتتكلمي جد بتخافي

ليله…..مش حكايه بخاف فكرة اني احط ايدي و مبقاش عارفه همسك ايه دي توتر اوي يعني انا لو بخاف من حاجه و حطتها قداكي مممن اقاوح مع نفسي و اجرب امسكها انما احط ايدي كده عمياني بالظبط زي ما اسمع صوت و اقوم ادور في ايه انا عندي اشوف عفريت و اجري منه و يجري ورايا بس مروحش ادور عليه لا يا عم

مصطفي….بضحك والله ما تخا…..في كلها حجات بسيطه و عبيـ,ـطه

ايه…..استنوا بس هو انت اصلا معاك حيوانات بجد طيب كنت حابسها ازاي كل ده دي تمو؟؟؟؟؟ت

مصطفي….يا ستي متخافيش انا مظبط الدنيا

نسمه….هو مستحيل يكون جايب حيوانات اصلا محدش فينا شاف حاجه

ريهام….متديش الامان اوي لمصطفي ده بني ادم غير متوقع والله و بعدين كان عمال يجهز شنطتين في اوضته و مش عايز حد يعرف هو حاطت ايه

امنيه…..طيب ازاي حطهم في الشنـ,ـطه بجد دول اكيد ما؟؟؟؟تو

مصطفي….بضحك لا متقلقيش مكانوش في الشنط مكنتش قافل عليهم

ليله….هو ده اللي فارق معاكم و انت بتأكد علي المعلومه بتقولهم مكنتش قافل عليهم

حسان…..بابتسامه انتي بتخافي يا ليله

ليله….مش خوف والله يا حسان بس في حجات معينه بقرف من ملمسها و في حجات اكيد بخاف منها

مصطفي…..طب والله كلها حجات هبله و يلا خلونا بقي نلعب و بعدين هتشوفي بنفسك اللي هيلعب قبلك

ليله….اه اشوف و العب ماشي.

مصطفي….طيب تاني بقول و بجد والله عشان متبوظوش اللعبه محدش يغشش و مهما كنتوا شايفين تردوا بس علي قد السؤال اللي هيتسأل من اللي هيلعب