لقاء كار,ثي

حنان …بابتسامه و انا بحبك انتي والبنات و يعلم ربنا اني بعتبركم ولادي و مش عايزه اشوفكم غير مبسوطين

ايمي….انتي قمر يا حنون و يسلم لسانك علي كل كلمه قولتيها و علي نصيحتك لليله اللي انا عن نفسي استفادت منها يمكن انا من جوايا كنت عايزه ارضيها لاني عارفه انها مش مرتاحه بس كمان كنت حابه اوي انها ما……تِنساقش وراها و تركز في حياتها بهدوء بس بصراحه اتبسطت انك شاركتيني الحوار ده عشان ليله تاخد برأي الاغلبيه

حنان …..هي مش محتاجه صدقيني ليله عاقله و دماغها حلوه و ذكيه يمكن هي بس مكانتش مركزه او محتاجه حد يشاور علي النص الصح اللي هي بتفكر فيه ليله شخصيتها جميله و بيتهيألي عمرها ما هتدي فرصه لاي حد يبوظ حياتها مهما حصل خليها تتعرضلك تستفزك تعمل اللي تعملوا انتي خلاص المفروض فاهمه هي بتعمل ده ليه اوعي تديها الفرصه ماشي يا ليله و بجد اسفه اني اتدخلت والله

ليله….متقوليش كده بالعكس انا مبسوطه والله ان حضرتك اتكلمتي معايا انا بحبك و بحترمك و رأيك و كلامك و نصيحتك جايز اوي يكونوا جم في وقتهم و وعد هعمل بيهم

حنان…..ربنا يا بنتي يبعد عنك اي شر و يوفقك في حياتك و يجعل كل خطواتك سهله و جميله و يارب تبقي ديماً في رحمة و كرم ربنا انتي وايمي و كل البنات و الشباب

ليله….يارب يارب يا حبيبه قلبي و يديكي الصحه و يخليكي لينا يا احلي حنون في الدنيا.

ايمي….يارب يا حنون يارب

………….

بعد وقت بسيط الشباب نادوا عليهم كانوا منضفين المطبخ و محضرين عشاء و كل واحد فيهم شاف طلب حبيبته و عملوا فشار و اندومي و بطاطس و قطعوا فاكهه و عملوا كل حاجه.

دخلوا كلهم اتعشوا و قعدوا مبسوطين مع بعض و شويه و دخلت حنان نامت و هما كملوا قعدتهم مع بعض..

………………

في صباح يوم الاحد صحيوا كلهم فطروا و هزروا و ضحكوا و جزء منهم نزل البيسين الجو كان حلو شويه.

تقي كانت واقفه مع امنيه و عمرو عمالين يضحكوا و يهزروا و راحوا وقفوا علي الباب بره عمرو خد امنيه كانوا هيتمشوا فضلت تقي تضحك معاهم و خرجت معاهم علي بره..

بعد حوالي تلت ساعه رجع عمرو و امنيه دخلوا وقفوا مع الشباب و البنات هزروا شويه و بعدين بدأت تحس ليله ان تقي مش موجوده

حتي عدي بعد ما خرجت معاهم طلع ياخد شاور بعد ما طلع من البيسين و مخدش باله من غيابها كان فاكرها موجوده عادي