لقاء كار,ثي

ايمي…..اخر همي صدقيني اني ارد و اخد حقي و ارد القلم اتنين ده للي يستاهل بس في ناس كده بيمروا في حياتنا هما مش حاجه اصلاً عدم الرد عليهم قيمه كبيره لينا

ليله…..تمام و لو مردتش و عملت اللي بتقولي عليه و رجعت ظهرت تاني و نكشتني

ايمي….وقتها محدش يقدر يلومك انا نفسي هعمل معاكي اللي يريحك و اوعي عقلك يسوحك و يخليكي تقولي ما انا لو مردتش هتعتبر اني ضعيفه مريم عارفه يا ليله انك قويه و جداً كمان عارفه انك خدتي اللي هي مقدرتش تاخده عشري

بصي يا ليله هقولك حاجه من خبرتي يعني في الحياه دي عشري مهما كان بيحبك و عارف قيمتك و عارف ان معاكي كل الحق في اي حاجه هتعمليها بس هو بينه و بين نفسه هيبقي حابب انك متعمليش ده الراجل لما بيشوف في حرب عليه بيشوف نفسه جايز عشري نظريته تبقي مختلفه لان مشكلتكم و موضوعكم كان مختلف بس اوعي تفكري تدخلي حرب عشان راجل

خليكي ديماً في نظره فوق خليكي ديماً غامضه في رد فعلك و خلي ثباتك الانفعالي ديماً عالي اوي الرجاله بيحبوا ده و يمكن ده اصلا اللي لفت نظر عشري ليكي انك مختلفه متعمليش زيها يا ليله هي بتحاول توقعك في غلط عشان تجذبه ليها و انتي هتقعي في غلط وهو هيبقي تايهه مقصدش انه يفكر فيها انا واثقه انه مستحيل لان اللي مريم عملتوا مكانش بسيط بس اقصد هتبقي في عينه اه حبيبته و مراته و كل حاجه بس عاديه زيك زي غيرك حتي في اخد الحق

ليله…..هو انتي فاكره يا ايمي اني هعمل كده عشان عشري انتي عرفاني يا ايمي انا مش كده انا لو عايزه حقي عيزاه في غلطها فيا و في امي في كل حاجه وحشه عيشتها الفتره اللي فاتت

ايمي…..هنردم عليها يا ليله حق امك ربنا مش هيسييوا حقك رجع تالت و متلت الفتره اللي فاتت لو مانت وحشه فا هي خلصت و بيتهيألي ان عشري طلع عين اللي خلفوا عشان يعوضك و هيعوضك يا ليله لان عشري بيعشقك مش بيحبك بصي انا عشان عرفاكي فاهمه دماغك اوي

و عارفه يعني ايه ليله متقدرش تنام غير وهي جايبه حقها بس مش من دي علي فكره سهل اوي نرازي مريم انا و انتي و البنات و انتي اكيد عارفه كويس ان اللي يجي علي واحده فينا يبقي ليلة اللي خلفوا سوده بس احنا اكبر منها بكتير

خليكي ديماً نجمه في السماء يا ليله محدش يقدر يطولها خليكي صعبه الوصول و الاستفزاز خليها اما تشوفك تبقي بتتنطط عشان تجرك ناحيتها و متعرفش و بعدين انا اللي هعلمك انتي عملتيها كتير قبل كده البرود في المواقف اللي زي دي احسن كتير من الدم الحامي والحمقيه يا ليله سيبيها تغلط و صدقيني حقك هيجي لو مش منك من عشري و اهلوا و لو فكرت تقرب تاني سيبيها علينا انا و البنات حتي انتي متدخليش متنزليش نفسك ليها