لقاء كارثي
(لقاء كارثي) 47
حسان….هظبطها انا وهو مع بعض متقلقش.
ايه…..بقولكم ايه بدل كل القلق و المرمطه دي ما تقفلوا بيتكم قبل ما تسافروا و انا هاخده عندي المحل و بعدين انت عارف انا كده كده عندي في المكان استضافه للكلاب
سلامه….بتريقه اه فندق خمس نجوم
ايه….بضحك بس يا ابو شبشب
ايمي….بضحك ايه ابو شبشب دي
ايه…امبارح نازل بوصلنا تحت للعربيه ولابس شبشب زي المركب في رجله.
سلامه….طب ماشي حلو الكلام ده
رشيد…استني ياعم بجد ينفع
ايمي….ايه عندها استضافه اه
حسان….يا عم سيبه انا هاجي عادي مفيس تعب ده البيت جنب البيت
ايه….حرام يا حسان الجو برد عليه و افرض مطرت ولا حاجه
حسان….هو مش ليه بيت يقعد فيه
ايه…..بس هيفضل محبوس طول اليوم
فضل….يعني هو انتي فب المحل هتسيبيه يتمشي ماهو هيفضل محبوس
ابه….بضحك ايه ده في ايه مالك ما براحه همشيه ياعم فضل
رشيد….ايه رايك
ايمي…والله انا مع ايه عشان حسان و محمود ميشيلوش همه
رشيد…ايه يا حسان
حسان….زي ما تحبوا لو عليا انا مش هتعب عادي بس لو هيبقي تحت عينها طول اليوم وهي في شغلها خلاص
عسال….خلوه مع ايه احسن اه
ايه….هاخده بقي احميه و اروق عليه و لما ترجعوا هتلاقوه عريس
رشيد….طيب خلاص اشطا خديه بليل و انتي ماشيه بس هتاخديه ازاي معاكي عربيتك
ايه….بضحك لا انا جايه مع سلمي
سلمي….بضحك مش هيركب ورايا انا مش ناقصه توتر
عسال…..خلوه معايا انا و انا هوصله ليكم لحد المحل
ايه….اهي اتحلت يا بومه
ايمي….طب كفايه كلامي علي استاذ كوبر ويلا كلوا انا مليش في العزومه و الجو ده اتعاملوا انتوا بقي لولي يلا كلي يا قلبي
ليله….حاضر يا ايمي.
بداوا ياكلوا كالعاده عسال همه الوحيد هو نادين ياكلها ويهتم بيها
و كلهم بداوا يتعاملوا ليله معدتها كانت بتتقطع لا قادره تشوف اكل ولا تشم ريحته بتشرب قهوه من امبارح و سجاير بس علي معده فاضيه مع زعلها كانت مش قادره
حطلها عشري اكل في طبقها و قرب منها بهمس
عشري….يلا حبيبي كلي
ابتسمت ليله من غير ما تبص ليه و هزت راسها.
عشري….ليله انتي فيكي ايه
بصتلوا ليله نظره طويله اوي وابتسمت
ليله….مفيش تعبانه شويه
عشري….ده مس تعب يا ليله انتي غريبه فيكي حاجه مش عارفها دي مش ليله
ليله….بابتسامه ايه اول مره تشوف حد جاله برد
عشري….لا بس ساكته هاديه من امبارح بحاول اقنع نفسي انك تمام بس مش قادر في الاول اقتنعت انك عايزه تنامي و انك مش زعلانه انهارده هاديه جداً وانا عمري ما شوفتك كده مش بتتكلمي اصلاً مع اي حد غير الاسود اللي انتي لبساه يعني اتعودت اشوفك بالوان ميك اب شعر حتي لو لبستي اسود كان بيبقي مختلف عن كده ليه حاسس انك حزينه يا ليله.
ليله….بصحكه هاديه كل ده عشان تعبانه و بعدين مش لبسي ديماً بيضايقك يعني لما البس لبس عادي ومحترم و ميبقاش مضايقك بردوا تضايق
عشري….لا يا عمري انا بعترض علي الحاجه اللي تخليكي ملفته اوي و تبين جسمك بس كمان مقصدتش خالص انك تكوني عامله كده
ليله…ايه شكلي مش عاجبك انهارده
عشري….بابتسامه انتي عارفه انك عجباني بكل حالاتك و عارفه كمان اني مقصدش كده بس عايزك تكوني براحتك بردوا
ليله….ما انا براحتي و اللبس مريحني اكيد انا بس حاسه ان جسمي تاعبني من البرد مقدرتش البس غير طقم سريع
عشري…بابتسامه مش مهم البسي اللي يريحك بس انتي بجد كويسه
ليله…..انت شايف ايه
عشري….انا شايف انه لا فيكي حاجه
ليله….لا متقلقش انا زي الفل زي ما قولتلك تعب بس و انا عموما مش بحب التعب خالص لانه بيضعفني و انا مش بحب اكون ضعيفه فا بأريف مش اكتر
عشري…..هو انتي مش ضعيفه اكيد دول شويه برد بس بصراحه انا عن نفسي متمناش اي وقت اشوفك تعبانه مس عشان مش هتحملك و الجو ده بس لانك مش موجوده معايا و انا حاسس اني تعبت علي تعبك
ليله…..بابتسامه لا بعد الشر عليك و متقلقش انا بس عشان كمان نمت كتير شويه كده هتلاقيني فوقت و بقيت تمام
بصلها عشري و هو مش مصدق ولا كلمه ابتسم بهدوء و هز راسه
عشري….طيب يلا عمري كلي
ابتسمت ليله و هزت راسها و مسكت الشوكه حطتها في السلطه و بدأت تاكل غصب عنها و بقت تعمل نفسها بتاكل
قعدوا يتكلموا و يضحكوا و ياكلوا
وهي بتحاول تكون معاهم في الجو.
بعد الاكل شالوا كل حاجه و جابت ايمي و البنات عصاير و حلويات و عملوا شاي و قهوه و طبعاً ليله شربت قهوه و هي مكالتش اي حاجه غير شوكه سلطه فضلت تاكل فبها بهدوء عشان يبان انها بتاكل.
ايمي….لولي بلاش القهوه دي اشربي عصير انتي مكلتيش كويس
ليله….كلت بس انتي عارفه اني مش باكل بدري كده كمان معدتي تعبانه لسه
ليله…..سلامتك ياعمري ان شالله انا وانتي لا
ليله….بابتيامه بعد الشر
كملوا كلامهم و ضحكهم و هزارهم
حسان….بضحك بس كنت فاكر اني رايح ارخم عليها شويه خرجت من عندها بحشو عصب.
رشيد….طيب بصراحه بقي ايديها خفيفه و بلاش تطبيل الله يباركلك لاني عارف دكاتره السنان
حسان……و الله ابداً خفيفه جداً انت عارفني مش بكدب انا مفيش بيني و بين دكاتره السنان عمار
نعيمه….بصراحه سلمي ابديها والله خفيفه و شغلها يجنن
ايمي…انا مقدرس اروح احد غير سلمي
سلمي….بابتسامه يالهوي علي القمر ربنا يخليكم ليا
سلامه….فرحانه انتي بالتطبيل
حسان…..لا والله دي حقيقه
فضل…..طيب سلمي قوليلي رأيك في الڤينير بفكر اعملوا
سلمي….لا منصحكش طبعاً وبعدين انت سنانك ماشاء الله مش محتاجه ڤينير
عسال…..الڤينير بيتهيألي غلط علي السنان
سلمي….طبعاً لانك مش بتركب مجرد كڤر ده انت بتبرد السنان الاصليه عشان تقدر تركبهم و ده بيضعفهم جداً لو الاسنان كويسه ليه تلعب فيها حرام
فضل….اصلي بحس انها من السجاير لونها بيغير
سلمي….لا في حلول كتير للون بس ڤينير اوعي ايمي كانت عايزه تعمل انا مرضتش
فضل….بس ايمي بتشرب سجاير كتير و ماشاء الله سنانها لونها كويس اوي
ايمي….ده شغل لومي بقي
سلمي….انا قولتلك في حلول كتير
حسان….روحلها طيب و ظبط الدنيا
فضل….بضحك اسلمها سناني كده عادي
حسان….بضحك خدي بالك فضل كمان جبان زيي
سلمي….بابتسامه لا والله متقلقش خالص مش هتحس بحاجه و بعدين تعالي جرب سيشن ارتحت و محستش بحاجه كمل
فضل….هي بتبقي كام سيشن
سلمي…..كل حاله بتختلف علي التانيه بس مبدأياً انت لون السنان عندك شيفاه كويس يعني ممكن يحتاج اتنين تلاته بالكتير
فضل…..طبب انت رايح تاني امته
حسان….انا السبت اخر سيشن صح يا سلمي
سلمي….اه مفيش شغل تاني خلاص
فضل….خلاص لو كده ممكن اجي معاك
حسان….تمام كلمني و نروح سوا
فضل…اشطا
عشري…..طيب ايه سبب ان الهواء ممكن يتعب السنان يا سلمي
سلامه….ليه انت بتحط بوئك في المروحه
ضحكوا ماهم علي سلامه و حدفه عشري بعلبه المناديل
سلمي….بضحك استني هو بيتكلم صح علي فكره
عشري….انا اقصد لو بتكلم لو سايب الشباك مفتوح في العربيه و الهواء جامد بحس ان في وجع في ضرسي
سلمي….بص الهواء المايه سواء بارده او سخنه الاكل لو بتحس بكهرباء كده يبقي عصب
عشري….اه فعلاً زي الكهرباء كده في دماغي بس انا معنديش حاجه بايظه
حسان….انا كمان كنت فاكر كده طلع في كسر بسيط
سلمي….اكيد في حاجه انت مش شايفها.لو قدرت تيجي معاهم يوم السبت تعالي و انا اكشف عليك
حسان….بضحك نروح نعمل عامره كلنا بقي
عشري….ماشي هشوف والله لو كده هاجي معاهم.
بعد كلام و مناقشات ووقت طويل عدي بينهم بضحك و هزار
خدت ايمي البنات و طلعوا معاها علي فوق يحضروا الشنطه مع بعض
كل البنات طلعوا كل واحده فيهم ظرف في مبلغ كبير نقطه ليها يعني
ايمي….بصي انتي وهي انا مليش في الجو ده نهائي محدش فيكم يعمل كده والنبي
نعيمه….بضحك بت احنا محدش فينا رضي يجيبلك حاجه عشان كل حاجه عندك انتي بقي جيبي اللي يعجبك
سلمي….خلصي بقي متبقيش عيله
ايمي…..بابتسامه هعيط والاه يابت انتي وهي احنا مفيش بينا الجو ده
ايه….با اختي امسكي وانتي ساكته انا ليا عادي هتجوز عشان تنقطوني خدي يابت
ايمي…..بضحك خدت منهم و باستهم و باركولها تاني ادتها ايمي شنطه صغيره فيها مبلغ و باركتلها و الشباب تحت هما كمان نقطوا رشيد
وقفوا البنات ساعدوا ايمي في تجهيز شنطتها نص ساعه بالظبط و نزلوا و اول ما نزلوا قربوا الشباب من ايمي عشان ينقطوها كانت هتعيط و عماله تجري منهم و رشيد يضحك عليهم.
ايمي…..رشيد بجد انا مليش في المواقف دي لم صحابك عني
رشيد….بضحك انا مليش فيه انتوا احرار مع بعض
حسان….بابتسامه طيب انا خدي مني هديتي الاول يارب تعجبك و امسكي بقي عشان اشرب سيجارتي
خدت منه ايمي علبه صغيره كان فيها انسيال دهب بس شكلوا يجنن
ايمي…..ميرسي يا حسااااان والله هعيط
حسان….مبروك يا ايمي و ربنا يكمل فرحتكم علي خير يارب
ايمي…الله يبارك فيك
عسال كمان هو و سلامه كانوا جايبنلها دهب شكرتهم و باركولها
اما عشري و فضل كانت هديتهم مبلغ زي رشيد
عشري…..بابتيامه خدي واخلصي و مش عابز ولا كلمه
فضل….اه مش ناقصين جري و فرهده و صداع
ايمي….بضحك يالهوي بلطجيه يا ناااس انا مش عارفه اقول ايه بجد
عشري….ولا اي حاجه الف مبروك يا ايمي
ايمي….الله يبارك فيكم
جه الدور علي البنات
قربت منه نادين و هي معاها عسال
عسال….بضحك بص خد من نودي علي طول و اياك تنطق معاها بكلمه
نادين….بضحك اه والنبي يارشيد انا مليش في الجو ده بيوترني
رشيد….يا خبرررررر استنوا بس انتوا بتهرجوا يا جماعه لا لا بطلوا ع
نعيمه….بقولك ايه خلصنا من الموقف ده
ايه….بضحك طب بصي انا مرضتش اعمل زبهم فلوس والجو ده عشان عارغه انك هتستصغرني و جو النقطه ده هيبقي محرج انا جبتلك امسك كده دول ثلاث انواع برفيوم بس اوريچينال هااااا
ضحك رشيد من قلبه
ايه….بضحك بس علي فكره لما اتجوز انا باخد فلوس عادي
رشيد….بضحك بموت فيها والله يا جدعان
ايمي….مجرمه دي
رشيد….انا مش عارف اقول ايه بجد يا بنات الموقف مش مستاهل
سلمي….بص اخلص وخد مننا عشان نقعد بقي يلا والنبي
رشيد….اووووووف ماشي يا بنات تسلمولي و بجد مش عارف اقول ايه
نادين….مبروك يا رشيد
نعيمه…..ولا حاجه ياعم انت صاحب مسؤوليات الوقت
رشيد….بضحك هتشحتي عليا يابت
ماتلم خطيبتك يا عم فضل
فضل…..ماهي معاها حق احنا قولنا نقف جنبك بتمر بمرحله صعبه
رشيد….بضحك انا بيتشحت عليا بجد قربت منه ليله بابتسامه هاديه
ليله….انا مجبتش حاجه يا سيدي تحرجك بس انا عارفه انها هتعجبك دي حاجه بسيطه يارشيد مبروك يا عريس
رسيد….يا عمري الله يبارك فيكي يا احلي ليله في الدنيا و افرح بيكي انتي وعشري قريب
عشري….بابتسامه ما انت لو مطولتش في السفر و رجعت بسرعه هتفرح بينا
رشيد…ياعم هما كلهم اربع ايام
سلامه….طب انا عندي فضول اعرف الهديه ايه يا لولي
ليله…بابتسامه هو يفرجك بقي.
رشيد…استني هفرجك بدل ما نحط عينك فيها من غير ما تعرف
فتح رشيد الهديه و اتصدم و بصلها و ضحك
رشيد….يا بنت اللذيييييينه
ابتسمت ليله بهدوء
سلامه….ايه فرجني
رشيد…بضحك لا حط عينك من بره عشان لو شوفت عينك هتضيعني انا شخصياً جبتيه ازاي ده
ليله….بابتسامه و صيت عليه من فتره و وصل من كام يوم
فضل….باعم فرجنا ارحم الفضول
طلع رشيد من الشنطه علبه فيها ايفون 17 احدث ايفون لسه منزلش السوق.
سلامه…قلبييييييي
فضل….اوبااااااا
عسال….بضحك لولي انا متجوز علي فكره و كتبت الكتاب
رشيد….اهو حتي عسال نطق لا لا انتي بتهرجي يا ليله بجد كتير كتير اوي
ليله….مفيش حاجه تكتر عليك يا رشيد مبروك
رشيد….الله يبارك فيكي بص لعشري و ابتسم طب ايه
عشري…بضحكه جميله انا مالي و الاه ما قالتلي هتجيب ايه بس انا كمان يا لولي هتجوز هااا عايز ايفون
ابتسمت ليله بهدوء و سكتت.
ايمي…..بت خدي فلوسك وهاتيلي ايفون انا كمان
لياه….بضحكه جميله هجيبلك يا عمري .
بعد توزيعات الهدايا و النقطه رجعوا قعدوا تاني و كملوا سهرتهم مع بعض بضحك و هزار و حب ليله كانت معاهم بعينها لكن عقلها وقلبها مش معاهم كانت عماله تبصلهم و تسأل نفسها ازاي قدرتوا تعملوا فيا كده. طيب انتوا بجد حلوين و نضاف اوي زي ما كنت شيفاكم ديماً ولا ده مجرد قناع ضحكتوا بيه عليا طب البنات كمان عارفين و سابوني كده علي عمايا قبلوها عليا ده انا عمري ما قبلت عليهم الهواء كنت بفضل اجرحهم بالحقيقه شويه ولا انهم يعيشوا في كدبه طول عمرهم.
ولا هما كمان ميعرفوش زيي و اتغشوا في القناع اللي الشباب لابسينه بقت عماله تروح وتيجي تبصلهم و ترجع تسرح مش عارفه تعمل ايه تقول ولا تسكت و تختفي بس هي محتاجه تفهم محتاجه تسأل سؤال واحد بس للكل عشان تشوف رد فعلهم عشان تعرف مين كان عارف ومين ميعرفش عشان متاخدش حد بذنب حد و بعد تفكير و وجع كتير قامت بهدوء
عشري…..حبيب يرايحه فين
ليله…..التويلت
ايمي….روحي يا قلبي اكيد عارفه المكان ما انتوا شوفتوا كلكم الشقه قبلي
ليله…بهدوء ابتسمت اه عارفه خليكي
دخلت ليله الحمام غسلت وشها مانت حاسه ان في نار طالعه من جسمها و راسها في فوران جواها مش بيهدأ نشفت وشها و فضلت واقفه تبص شويه و حطت ايدها علي قلبها .
ليله…بهمس انا هقولك الكلمه اللي طول عمرك بتكرههيها بس المرادي لازم تسمعيها مني انا انتي قويه يا ليله انتي بميت راجل اوعي تضعفي واجهي الكل اوعي تعيطي خليكي جامده كملت كلامها بدموع مش لازم يشوف دموعك يا ليله خدي حقك و اوجعيه بنفس الطريقه اللي وجعك بيها مسحتها دموعها بسرعه
مش لازم تعيطي مش وقت عياط اجمدي هتقدري خدي حقك بطريقه متبينيش ضعفك عشان خاطري ساعديني ..
غسلت وشها تاني و نشفته بالمناديل و فضلت تاخد نفس و تخرجه تاخد نفسه و تخرجه حاولت تفضي جزء من الشحنه اللي جواها عشان تقدر تتكلم و بعد وقت طويل خرجت رافعه راسها و مبتسمه
ايمي و البنات كانوا قاعدين جنب بعض كلهم نعيمه و نادين وسلمي علي الكنبه و ايمي وايه كل واحده فيهم علي ايد الكنبه بيتفرجوا علي الصور .
عشري…..ايه يا ليله اتأخرتي كده ليه مالك يا عمري؟
ليله….مفيش كويسه اديني جيت اهو.
عشري…..علي فكره بكره لازم أخدك للدكتور
رشيد…اه يا ليله لازم شكلك تعبان و مرهق و مش دي ليله اللي اعرفها
ايمي…ياريت يا عشري متسمعش كلامها احسن دور البرد يقلب اكتر.
ليله….بهدوء ابتسمت ابتسامه تموت و ده اروح اقوله انا بشتكي من ايه
حسان…..عادي عرفيه الاعراض اللي انتي حاسه بيها و هو هيكشف عليكي اكيد
ايمي….بضحك انتي اول مره تروحي لدكتور يا لولي
ليله….لا بس كل مره كنت بروح كنت ببقي عارفه الاعراض اللي عندي و حاسه بيها و بلاقي ليها علاج بس المرادي اعراض تعبي مختلفه و ميتهيأليش ان ليها علاج
رفعواوالبنات كلهم راسهم و بصولها باستغراب و حتي الشباب ركزوا معاها
عشري…..ليله فيكي ايه انا صح انتي مش كويسه
ليله…بوجع صح انا مش كويسه يا عشري حاولت اكون كويسه علي قد ما اقدر بس خلاص بيتهيألي لازم الوقت اقول انا فيا ايه
ايمي….ايه يا ليله مالك يا قلبي
رشيد…..في حاجه حصلت اخواتك كويسن
نعيمه….هي من امبارح مش طبيعيه انا كنت واثقه وقولت كده لنادين
نادين….مالك يا لولي فيكي ايه.
ابتسمت ليله بهدوء و خرجت منها تنهيدة وجع و رجعت ضهرها لوراء و بصت بهدوء لعشري.
ليله…..عندي سؤال يا عشري.
هنا عشري و الشباب بسرعه مفكروش في اي حاجه غير مريم و بدأ عشري يتوتر و بصلها من غير ولا كلمه.
ليله….احمممم و الحقيقه السؤال ده مش لعشري بس يعني يهمني اوي اني اسأل السؤال ده قدام الكل عشان اشوف رد فعلك رد فعل الشباب و رد فعل البنات كمان
بصوا لبعض تاني باستغراب و لما قالت البنات كمان تخيلوا ان حاجه تانيه غير مريم و ارتاح عشري شويه رغم القلق اللي جواه.
ايمي….اسالي يا ليله
ليله…..بنبره وجع و ابتسامه بصت لعشري مريم تبقي ايه في حياتك يا عشري
بصلها بصدمه زلزلزت كيانه ابتسمت بوجع و كان كفايه عليها صدمته بصت للشباب اللي نزل الفنجان واللي سكت منطقش و اللي ساب السيجاره في بوئه وبدأوا يبصوا لبعض و لعشري وهو كمان بصلهم بصدمه.
كانت بتتابع ردود افعالهم بصمت و ابتسامه هاديه لحد ما وصلت بعينها للبنات كانوا بيبصوا لبعض و باين علي وشوشهم انهم مش فاهمين.
ليله….بابتسامه للبنات كان يهمني اوي يا بنات اني اشوف رد فعلكم و الحمد لله ارتاحت اصل لو انتوا بالذات كنتوا عارفين و خبيتوا وجعي مكانش هيبقي وجع عادي
ايمي…..انا مش فاهمه حاجه مريم مين؟
نعيمه….فهمينا يا ليله في ايه؟ و مين مريم دي ؟
ليله….بهدوء تتكلم انت يا عشري و لا تتكلموا انتوا يا شباب اصل انا لما هتكلم مش هسمح لاي حد يقاطعني فا انا مستعده اسمعكم من غير اي تعليق او مقاطعه مني بس وقت ما يجي عليا الدور اسفه مش هسمع صوت بعدي.
ايمي….هوفي ايه يا رشيد مالكم ساكتين ليه مين مريم دي يا عشري و ايه اللي انتوا تعرفوا احنا منعرفهوش.
رشيد….اااااا ليله اكيد هنتكلم بس
ليله….سمعاك يا رشيد اللي حابب فيكم يتكلم انا سامعه
عشري…..بوجع يقتل و نبرة ضعف غير معتاده ليله تعالي نتكلم لوحدنا بره
ليله….لوحدناااااا ابتسمت بسخريه ليه
عشري….هشرحلك كل حاجه
ليله….ششششششش حتي صوتك مش قادره اسمعه كان ينفع لوحدنا يا عشري قبل ما انا اعرف بنفسي بس فرصتك في الدفاع عن نفسك مبقتش نافعه
عشري…..بس انا لازم اتكلم معاكي
ليله…وانا سمعاك اصل مينفعش يا عشري لما تحس انك بقيت مضطر تتكلم تتكلم كده عادي عارف ليه لان لو انا مكنتش عرفت كنت هتفضل ساكت بس بما ان الموضوع خرج عن السيطره و الكل عارفه فا اتكلم و انا سمعاك لوحدنا دي كانت تنفع لما تيجي من نفسك تحكيلي بس الوقت خلصت يا عشري.
ايمي….ما حد فيكم يتكلم
ليله….ايه معندكوش الجرأه طيب اتكلم انا مريم دي تبقي خطيبه عشري
بصوا البنات لبعض بصدمه و سكتوا
ايمي……نعم يعني ايه ؟
ليله….زي ما سمعتي
نعيمه….ايوه يعني ايه خطيبته مش فاهمه كان خاطب يعني طب ليه مقولتش
ليله….بابتسامه سكتت ثواني و بعدين ضحكت لا انتي فاهمه غلط ده كان خاطبها و هو معايا يعني مش قبلي بفتره
الصدمه زادت و نظرات البنات بدأت تتخول للشباب
حسان…..عشري اتكلم خلصت يا صاحبي مينفعش تسكت
سلمي….لا لحظه يعني ايه الكلام ده بجد انتوا كنتوا عارفين
حسان…..سلمي الموضوع مش زي ما انتوا فاهمين في سوء تفاهم ما تتكلم يا عشري
ايمي….رشيد انت ساكت ليه ما تقول حاجه
رشيد….ساكت يا ايمي عشان الكلام ميخصنيش صاحب الكلام هو اللي المفروض يتكلم
ايمي…..بس هي بتقول انكم عارفين يعني انتوا كمان لازم تتكلمو
عشري…بوجع عرفتي ازاي يا ليله
ليله…بابتسامه من غير ما تبصلوا يفرق معاك ده اللي شاغلك عرفت ازاي
عشري….اكيد لا انا هشرحلك كل حاجه بس حقي اعرف مين قالك
ليله….بابتسامه حقك هزت دماغها بوجع و غمضت عينها بجح بججججججح حقك تعرف مين قالي و مشوفتش ولا مره انه حقي انا اعرف
رشيد….طيب عشان خاطري انا روحي انتي و عشري بره اسمعيه و هتفهمي كل حاجه و بعدين احنا كمان هنتكلم
ليله….انا مش قايمه من هنا يا رشيد ولا هسمع اي حد لوحده عارف يا رشيد ايه اللي واجعني اوي ان انتوا كمان كنتوا عارفين بيحصل فيا و بيتعمل معايا ايه و محدش فيكم فكر يقولوا لأ اللي بتعملوا ده غلط طب هو جايز كان عنده اسباب تمنعه و انا لسه معرفهاش مع انه لو قال من هنا لاخر العمر اسباب يقنعني بيها هو واثق اني مش هقتنع
لان البني ادم ده عرفني كويس. بس اللي واجعني انتوا لاني اعتبركم اخواتي و اهواتي دي مش مجرد كلمه لا خالص ربنا واحده اللي عالم غلاوة كل واحد فيكم في قلبي
انا محترمه اوي انكم صحاب وارد تخبوا علي بعض تداروا علي بعض تحفظوا اسرار بعض بس لما السر ده يجرح بنت كان لازم تقولوا لا انت و حسان يا رشيد مستنتهاش منكم لانكم الكبار العاقلين اللي مهما كان صحوبيتكم لعشري مكانش لازم ترضوها عليا وانت يا فضل عشري صاحبك واخوك و ابن خالك بس بردوا كان لازم تقولوه لا يا ابن الاصول
بصلها فضل بحزن وسكت.
ليله…بابتسامه عارف يا عسال يمكن اتوقعها منهم كلهم وعادي هقول صاحبهم بس انت بقي يا نصير المرأه قبلتها عليا قدرت يا ميدو تشوفني في الوضع ده
البني ادم ده اول ما بدأنا نتكلم و ندخل في علاقه و احنا في دهب سألني سؤال قالي ايه اكتر حاجه ممكن تخليكي تبعدي قولتله حاجتين ( الكدب و الخيانه) و اكتر من مره فسرت فيهم سبب كرهي ليهم و مع ذلك عشري عمل الاتنين
عشري…..ليله انا لا خونتك و لا كدبت عليكي انتي فاهمه غلط اديني فرصه أشرحلك
غمضت عينها و هي بتحاول تسيطر علي نفسها و قامت وقفت بغضب غصب عنها مقدرتش تتحمل
ليله….فاااااااجر و بجح اووووووي
و مش مسموح ليك اصلاً انك تنطق و تدافع عن غلطك
حسان….ليله عشان خاطرنا احنا بلاش كده افهمي الاول متبوظيش كل حاجه
ليله….ابوظ كل حاجه هو انت شايف انها مباظتش يا حسان
بصت لعشري بوجع انا قولتلك يا عشري ان اكتر حاجتين ممكن يوجعوني و يخلوني استغني عن الشخص مهما كان روحي فيه الكدب و الخيانه بس انا نسيت يا عشري حاجه كمان مهمه اوي اهانه كرامتي
انا عيشت طول عمري احافظ علي كرامتي و عمري ما سمحت لاي بني ادم يهنني خسرت ناس بعدد راسي لمجرد انهم اتطاولوا عليا
و انت يا عشري مش بس كدبت عليت و خونتني انت سمحت لواحده زي مريم تيجي وسط بيتي و تجوعني و تتهمني بحجات انا معملتهاش ولا يد فيها و مش بس كده دي وجعتني في اكتر حاجه طول عمري بحاول انساها ابويا و اهله اتطاولت علي امي يا عشري
ودي كانت الناهيه يا عشري لحد امي و خلصت انت عارف اني عشانك كان ممكن اعمل حاجه ضد طبيعتي لاول مره و اسامحك في كدبك و خيانتك عارف ليه يا عشري.
لاني حبيتك من قلبي كان ممكن اتنازل عن مبدأ عشت طول عمري عليه عشان مخسركش كنت لاول مره هوافق اني اكمل مع شخص كدب و خان بس شخص غفلني لدرجة انه يسمح لحد يهين كرامتي لا يا عشري مش انا.
وقف عشري بصدمه وبصلها.
عشري….مريم اللي قالتلك مستحيل لا مريم متعملهاش
ليله….بنظره وجع ووقرف بجحححح اوي يا عشري اوي ايه واثق فيها اوي كده لدرجه انك مش صدق كلامي واثق فيها لدرجة انك كنت ضامن سكوتها عن قرفك
عشري….لا يا ليله انتي مس فاهمه حاجه انا كان ممكن اشك في اي حد غيرها مش عشان ثقه ولا حاجه لسبب مفيش غيري انا وهي بس اللي نعرفه اديني فرصه اشرحلك.
رشيد….ليله انتي خلصتي كلامك خلينا احنا نتكلم انا شايف من كلامك ان في حجات كتير انتي فهماها غلط
ليله….تمام اتكلم يا رشيد
عشري….لحظه يا رشيد انا بس في حاجه مهمه لازم اقولها مش عشاني و لا عسان ليله عشانكم انتوا يا بنات نفيس واحد فيهم قصر في الكلام معايا زي ما ليله فاكره الكل اتكلم و الكل نصح محدش قصر انا اللي كنت رافض و انا اللي اتأخرت اوي زعلت انا وعسال في مره بسبب الموضوع ده لانه كان مصمم اقولك و المره دي اللي جينا فيها عند نادين وقعدنا احنا الاربعه و اتصالحت انا وهو كنت فاكر كلامه معايا تهديد اني لو مقولتش هيقولك وزعل مني وقتها.
عسال…..انا مش هكدب عليكي يا ليله انا مكنتش هقولك و زعلي من عشري انه شك فيا و تخيل اني ممكن ابيعه اللي حصل غلط بس انا مكنتش هقدر ابوظ الدنيا بينكم ده صاحبي يا ليله بس والله العظيم لا انا ولا حد.فينا رضيها عليكي حتي عشري انا اكتر واحد كنت عارف هو بيمر بأيه.
ليله…..و تفتكر ده كفايه يا عسال عشان اصدق يعني خلصت كده لما قولت انكم اقنعتوه و اتكلمتوا و زعلتوا مع بعض عشاني طب حط نفسك مكاني انت مصدق يا عسال كل ده طيب اديني مبرر يخليه يكدب انه خاطب اديني مبرر لكدبكم انتوا كمان لا و المصيبه الاكبر ان اهل عشري كلهم عارفين و محدش فكر في مره يغلط حتي قدامي بصت لعشري عملتها ازاي دي بجد فضولي هيقتلني من امبارح منمتش مقدرتش بحاول الاقي مخرج طيب انتوا صحاب اهاليكم عارفه هما كمان ازاي كدبوا هنقول محصلتش صدفه مكانش في بينا كلام مكانش في داعي ان حد فيهم يقولي ده عشري خاطب طيب ازاي عملتها بجد اقنعتهم بأييييييييييييييه عشان يوافقوا ان يبقي في فحياتك اتنين اقنعت ازاي امك تقولي اني اول ست تدخل شقتك
عشري….يا ليله اديني فرصه اتكلم من فضلك مفيش الكلام ده مكانش في غيرك والله العظيم لما اتخطبنا مريم مكانتش في حياتي خلاص و نهيت معاها الموضوع و الله العظيم يا ليله انا مش بكدب انا مش عارف هي قالتلك ايه بالظبط و وجعتك بايه بس وغلاوتك في قلبي انا صادق اسمعيني
ليله….كداب اصدقك ازاي طب ماشي هعمل نفسي عبيطه و هصدقك لما كنا في دهب و بنحب في بعض و بنقرب يا عشري مش كنت خاطب لما رجعنا يا عشري مكنتش معاها تاني يوم علي طول في عزاء عمها
حط عشري ايده علي راسه و بقي يلف في المكان و هو خلاص بيموت
ليله….طيب كنت بتقولها اللي بتقوله ليه قربت منه بغضب و ضربته في صدره بكل قوتها كنت بتحب فيها زي ما بتحب فيااااااا لما كنت بتطلع تنام بليل يا عشري كنت بتسهر معاها علي التليفون و تصحي تكمل يومك معاااااااايا كنت بتقولها ايه هااااااا قولي كنت بتقولها ايه انطق متسكتش مش عايزني اسمعك انا سمعاك هااااا لمستها يا عشري قربت منها زي ما كنت بتقرب مني
عشري….بوجع مش عايزها تقول كده قدام الشباب اسكتي يا ليله
ليله….حضنتها مسكت ايدها بوستها يا عشري
عشري….ليله اسكتييييييييييي
نعيمه….اسكت انت و اوعي تزعق سيبهااااا
فضل…نعيممه متدخليش بينهم
نعيمه….انت منطقش انت كماااااااان ايه زعلان عليه و هي مش صعبانه عليك
فضل….نعيمه يا تسكتي يا تمشي
نعيمه…انت اللي هتسكت و صوتك مش هيترفع ايه خايف مخبي ايه انت كمان يلا وقعوا ملكم الاقنعه بتاعتكم خلينا نكتشف مين صادق و مين كداب.
فضل….كدب ايه و اقنعة ايه افهمي و بعدين اتكلمي انتي كده بتولعيها اكتر يا غبيه
رشيد….نعيمه اسكتي واقعدي من فضلك
نعيمه….انا لا هقعد ولا هسكت ما هو واضح ان كلكم ضحكتوا علينا ايه يا رشيد انت كمان عندك سر
ايمي…..بغضب نعيممممممممه اقسم بالله العظيم لو سمعت صوتك طلع تاني لا بأوسخ جزمه عندي و هديكي و كلامي ليكم كلكم اللي هتنطق فيكم عارفين كويس انا هعمل معاها ايه صوتك ميطلعش كل واحده فيكم عندها كلمه تكتمها عشان مش وقتها و اللي حابب فيكم يعرف حاجه هيعرفها بس بهدوء بيتهيألي الصوره قدامك واضحه مش محتاجه ان الدنيا تبوظ اكتر من كده ليله لييييييله اقعدي و اسمعي و بعد كده اللي انتي عيزاه اعمليه محدش هيقدر يلومك
بصتلها ليله بهدوء تاني و سكتت و قعدت تسمع
حسان….ليله انا هقولك الموضوع من البدايه
بصتلوا ليله من غير ولا كلمه
حسان…..مريم دي تبقي بنت صاحب ابوه علاقتهم كويسه من زمان يشهد ربنا و غلاوة بنتي و غلاوة سلمي ان اللي هقوله ده يا ليله ما في اي كدب
عشري مفيش حد دخل قلبه غيرك ارتبط زي اي حد كتير و فركش كلنا كنا كده و قبل ما نسافر بحوالي شهرين فتحوا معاه موضوع الجواز و عشري مكانش معترض لان مكانش في اي حد.في حياته ولا عنده اي مانع انه يتجوز و يعمل عيله امه و ابوه زي اي اهل حابين يفرحوا بيه اخوات الكبار متجوزين و اللي اصغر متجوز ووالثلاثه الثانين زي اي شاب مرتبطين الا هو فا وافق عشان ميزعلوش و ابوه اقترح عليه مريم و بما انه يعرفها و عارف أهلها معترضتش اتفقوا كلهم و كانت قرايه فاتحه عائليه مش خطوبه حتي و اللي راح مننا احنا الخمسه فضل لان فضل مش بس صاحبه ده ابن عمته يعني لازم يكون جنبه.
ليله…..بسخريه اه شوفت انا الصور حلوه.
بصلها عشري بوجع و منطقش
حسان….تمام المهم هما اتفقوا ان دي تبقي قرايه فتحه و هيعملوا شبكه و دخله و كتب كتاب بعد ثلاث شهور و بس اسبوع بالظبط و بدأ عشري يقول انه هيسيب مريم طب ليه في ايه حصل ايه مفيش انا مش قادر مش عايز حاولت ومش عارف
فضلنا شهرين علي نفس الموال مره يعمل نفسه اقتنع و مره يقول مش هقدر و انا تقريباً انا و مريم اتفقنا علي كده و بعدها تاني نحاول معاه لحد ما فات شهرين و بعدها سافرنا كان فاضل بالظبط علي جوازهم شهر و الله العظيم والله يا ليله السفريه دي كانت سفرية اقناع لعشري
رشيد….بهدوء كنا بنحاول يا ليله نعرف سبب تغير عشري لان في البدايه بصراحه اول كام يوم او قبل قرايه فتحتهم كان متحمس عادي بس بعدها اتغير خالص قولنا يمكن معجبهوس طبع فيها معنهم يعرفوا بعض من زمان قولنا يمكن حصل حاجه متكلمش قال انا اتفقت معاها وخلاص طيب في حاجه او سبب احنا منعرفهوش و انت مش حابب تقوله قال اه احترمنا رأيه بس مكناش بردوا مقتعنين و كل اللي كنا فاهمينه انه محبهاش محسش انها تنفع تكمل معاه و بس
سلامه….بجديه غير معتاده هقاطعك يا رشيد اسف من اول ماشوفناكم اول يوم يا ليله وعشري في البدايه كان عادي عدي بس كام ساعه و بدانا نقعد مع بعض و بداتي انتي وهو تناقروا في بعض و شويه تضحكوا وشويه تتكلموا كلنا حسينا ان عشري غريب مش هو ده مبسوط اوي بدل الكآبه اللي كان فيها نفسيته متغيره تماماً و من تاني يوم بدأت علاقتنا تبقي اقوي و اتعرفنا تقريباً كلنا علي بعض اول حد فينا اعترف باللي جواه عشري قال ليله هي دي اللي بدور عليها زمان
هي دي الست اللي عايزها في حياتي فضلنا نتكلم يا ابني طب يهديك يرضيك و مريم قال لا انا في كل الاحوال مش هكمل هي ليله
عسال….بحزن ليله انا عارف انك موجوعه وحقك بس اللب بيتقال الوقت ده و رحمه امي و ابويا اللي مالحقت احفظ ملامحهم هو ده اللي حصل زعلي من عشري مكانش بس عشانك يا ليله زعلي كان عشانه هو لان انا في حياتي مشوفتش عشري فرحان و مبسوط و بيحب من قلبه كده اللحظه اللي بدأت اتكلم فيها مع عشري بعصبيه لما اتكلم وطلب مننا منقولكيش خالص الوقت لما حسيت انا خايف يخسرك كنت عارف انه لو متكلمش عشري هيتوجع زيك واكتر منك خوفت عليه لان عسري حبك حب كبير اوي
نادين….بهدوء طيب ايه السبب اللي خلاه ميتكلمش ليه مقالش
ايمي….هو انا مش قولت مش عايزه حد فيكم ينطق
ليله….ليه خليها سؤال حلو ليه مقالش كلنا قعدنا و اتكلمنا و فتحنا قلبنا لبعض من قبل اي حاجه عرف اني بكره الكدب و الخيانه ازاي كمل ازاي قدر
عشري…..خوفت يا ليله اخسرك كام ساعه قعدتهم معاكي كانوا كفايه اوي اني افهم ان مش انتي البنت اللي ترضي تدخلي في علاقه مع حد مرتبط خوفت تفكري اني هعمل كده بسببك و تحسي مجرد احساس ان انتب سبب في خراب العلاقه اللي كانت خربانه من غيرك ليله انا لما شوفتك اول مره كان في اعجاب مش هقول حب طلبي من الشباب انهم ميتكلموش او بجيبوا سيره مريم لاني زي ما قولت كنت بحاول الاول افهمك اعرف نظامك ايه في اعجاب منك ولا لا طب لما هصارحك هتوافقي و لا هترفضي مكنتش لسه ضامن رايك ولا عارف انتي ممكن تكوني معجبه بيا زي ما انا اعجبت بيكي ولا لا.
ليله….بوجع انت بتقوووووول ايه ده اللي انت بتقوله ده كفيل يخليني مش طايقه اشوفك اكتر يعني انت كنت بتجربني يا عشري يعني لو كنت انا صديتك مثلاً او مبادلتكش نفس الشعور كنت هتكمل مع مريم
يعني ايه كانت استبن و انا كنت تجربه هو انا رخيصه اوي كده في نظرك
عشري……لا يا ليله انا في كل الاحوالي مكنتش هكمل مع مريم و الله العيظم مكنتش هكمل واساليهم يا ليله انا قولتلهم اني تاني يوم علي طول نوصل و هقابلها واخلص معاها الموضوع لاني كنت خلاص اعترفتلك بحبي و كنت عارف انا عايز ايه بس اخر يوم كنا فيه هناك عمها اتوفي مقدرتش اتكلم و قولت هستني شويه يكون الموضوع عندهم هدي واقدر اتكلم لاني مكنتش هقدر في الظروف دي افاتحها في الموضوع و يعلم ربنا الفتره دي عدت عليا ازاي ليله انا قولت هستني اسبوع عشر ايام اسبوعين بالكتير بس متحملتش كل يوم كنت بقرب منك فيه ببقي عايز اخلص بسرعه من مريم ليله انا حاولت اقولك كتير و كل مره كان بيحصل حاجه تبوظ الموضوع حاولت اقولك لما روحنا المقطم بس لما قولتي ان كل مكان روحنا سوا ليه ذكري عندك مقدرتش ابوظ اللحظه دي كنت هقولك واحنا في دهب بس خوفت المقلب اللي عملناه فيكي انتي والبنات و رد فعلك علي الكدب و انك فضلتي تقولي لايمي عن انك تكدبي عليها خلاني اتراجعت لاني خوفت اخسرك كلامك عن كدبتك علي صاحبتك خوفتني لما كنا اتقابلنا اخر مره في المطعم بردوا كنت هقول بس اللي حصل من ابن البواب في عربيتك وعربيه نور جارك خلوني رجعت في كلامي قرارك انك تسيبي البيت خالص في مقابل انك متفضليش في وش واحد كداب خلوني خوفت كل مره يا ليله كان بيبقي في مني محاوله اني خلاص خدت القرار وهقولك ارجع في كلامي مش هقولك انتي السبب بس هقولك ان رد فعلك كل مره كانوا بيخلوني اتراجع لحد اخر موقف ده بتاع بتاع العربيات ونور قولت لا مش هقول اصل في النهايه مريم انا كنت واخد قرار في موضوعها لا كان في حب ولا كان في اي حاجه بينا كانت مجرد معرفه سطحيه بيكي او من غيرك مكنتش هكمل معاها لياه انا معرفش انتي فاكره ولا لا لما كنا في دهب و خرجتي علي الباب وانا واقف و سرحان قولتيلي بضحك مالك سرحان وشايل الهم ليه قولتلك معلش اصلي عريس جديد انتي خدتي الكلام علي انه تهريج بس كمان لما بدانا نتكلم مع بعض قولتي بلاش نتكلم في حجات شخصيه و مش هكدب عليكي عشان حسيت اني معجب بيكي قولت تمام منتكلمش في حاجه شخصيه وهزرنا وقتها احنا والشباب وقولتلهم اصل ليله لما انا حبيت اتعرف عليها قالتلي بلاش نتكلم في حاجه خاصه بعدها كمان عرفت من الشباب ان كل واحد فيهم معجب ببنت و لاحظت ده علي البنات الموضوع بينا كان بيتطور بسرعه هوفي وقتها مكانش انب اخسرك بس خوفي كان علي الشباب اللي اجبرتهم يشاركوني في كدبه ملهمش ذنب فيها كنت عايز اصارحك لما كلهم علاقتهم تبقي اقوي كنت عارف ان اليوم ده هيجي و مستحيل بعد الحب اللي بينهم ده يسيبوا بعض بسببي كنت اناني شويه وقولت لما اليوم ده يجي رد فعلك انا عارفه بس هلاقي اللي يقف جنبي و يساعدني سواء الشباب او البنات صدقيني حاولت كتير و لما دخلنا في علاقه قويه اكتر كل ثانيه حبي كان بيزيد جوايا ليكي خوفي كان بيكبر اكتر من انك تبعدي عني
مريم انا سيبتها بكل هدوء و محصلش بينا اي خلاف او مشاكل و كانت متفهمه جداً و انا مستغرب ان هي بنفسها اللي عملت كده مريم كدبت عليكي يا ليله انا وهي مكانش في بينا حب مكانش في بينا كلام كتير بعد قرايه الفاتحه خرجت معاها مرتين المره التانيه انا وهي خدنا القرار اننا هنستني شويه وبعدها هنقول متفقناش عرفتي ليه انا كنت واثق ان اي حد يقولك الا هي لان كان في بينا اتفاق و علي اساسه مريم عمرها ما دخلت الشقه و غلاوة ليله عندي انتي كنتي اول ست تدخلي البيت قبل امي حتي امي مكدبتش عليكي لما قالت كده يمكن الكل كان عارف و يمكن طلبت منهم نفس الطلب انهم ميتكلموش
ويمكن ابويا وامي اعترضوا كتير وقالوا ان لو صادفت وحصل اي حاجه في الكلام عن علاقاتي قبل كده هيقولوا ليكي كل حاجه و مش هيخبوا بس قالولي كتير و نصحوني بس انا كنت خايف أخسرك لان انا الوحيد اللي كنت عارف رد فعلك
مريم مشافتش البيت انا اللي عملته بأيدي انا اللي اختارت كل حاجه انا قولتلك اصلا اني خلصت البيت قبل ست شهور من سفرنا ومريم انا قريت فتحتها قبل شهرين يعني كانت خلصانه من اربع شهور صدقيني يا ليله كل كلمه سمعتيها انا عارف انك واثقه انها صادقه حتي لو هتكابري.
ليله انا خوفت اخسرك
ليله….بوجع خوفت عشان جبان انت حسبتها غلط مع الشخص الغلط يا عشري كلامك ده يوجعني اكتر ما يفرحني المشكله يا عشري انك كدبت و مستحيل اقدر اصدقك بالسهوله اللي انت متخيلها دي لاني مش شايفه ان الحوار كاه من البدايه كان يستاهل كان لازم اعرف يمكن لو كنت خاكب و سيبت من بدري و مقولتش مكانش هيفرق معايا بس انت كنت خاطب وانت معايا و دي كبيره في حقي يا عشري
كنت فاكر ان كل ما الوقت يعدي و كل ما هتمسك بيك اكتر هتضمن وجودي كنت فاكر ان علاقتنا كل ما هتطور كل ما هيبقي صعب عليا استحمل بُعدك عني و هرضي و هسكت كنت فاكر انك ممكن تقولي كلمتين يصبروني و يراضوني زي الوقت كده و انا هسكت و هسمع.
يمكن صحيح كل ما بتنوي تقولي حاجه تحصل تخوفك بس اوعي تنكر انك من جواك كنت بتفرح لانك جبان ومش قادر تواجه يا عشري
انت عملت حسابك لكل حاجه يا عشري تضمن بيها وجودي لكن معملتش حسابك لاهم حاجه ان مش انا الست دي فكرت ازاي تضمن وجودي في الوقت اللي مفكرتش فيه ان فجأه تلاقيني اختفيت من حياتك.
انت عارف يا عشري
انا اكتشفت اني طول عمري قويه عشان حاجه واحده بس عشان كنت بحب نفسي و بحترمها و بقدرها كنت عارفه قيمة نفسي كويس و الانسان يا عشري لما بيحب نفسه وبيعرف قيمة نفسه مبيتكسرش بسهوله.
حب النفس مش أنانيه بالعكس اللي يقدر يحب نفسه و يتصالح مع نفسه بيعرف يعيش بيقدر يحب من قلبه لانه راضي عن نفسه بيجبر الكل علي احترامه و بيعرف يفرض شخصيته من غير اي مجهود.
لكن لما بيبطل يحب نفسه او لما بيبدأ يبدي حد علي نفسه كسرته بتبقي سهله الضربه فيها بتبقي في مقتل و انا حبيتك يا عشري اكتر من نفسي و لما خبيتك اكتر من نفسي بدأت من غير ما احس اتنازل عن حجات ضد طبيعتي و شخصيتي
اللي عارفني كويس يا عشري استغرب ان ليله تبقي كده..
انا عشان حبيتك يا عشري اكتر من نفسي و عشان كنت عيزاك مبسوط معايا بدأت من غير ما احس اتغير لدرجة اني ببص في المرايا من امبارح وانا مش عرفاني متلبسيش ده يا ليله حاضر غيري ده يا ليله حاضر متقوليش كده يا ليله حاضر متشربيش سجاير قدام اي راجل خلقه ربنا غيري حاضر متعمليش و اعملي ده حاضر صوتك ميعلاش حاضر متتعصبيش حاضر متحكميش رأيك متبقيش عنيده متتصرفيش من دماغك حاااااضر
بقيت تابعه ليك في كل حاجه بس وانا راضيه نسيت احب نفسي زي ما كنت وبردوا كنت راضيه
عارف ليه يا عشري طول عمري بكره كلمه انتي ست بميت راجل
عشان كنت ديماً لما أتوجع اقف و اكمل لما كان في اي حاجه تمسني من جوه و تجرحني مكانتش بتأثر فيا كنت ديماً بشوف الكلمه دي علي معناها حلو وبتقويني بس مع الوقت اكتشفت ان معناها الحلو علي قد ماهو حلو علي قد ما تاثيرها عليا بقي بشع
بدأت احس ان اللي بيوجعني و هو قاصد يوجعني بعد وجعه ليا بيستخدم المصطلح ده انتي بت ميت راجل كانوا بيوجعوني و بسرعه و يقولولي كده بسرعه
عشان ميبقاش ليا عين ازعل او اضايق واغضب من جرحهم كنت اقول صح ازعل ليه و اغضب ليه انا زي ما بيقولوا بت ميت راجل سامحي يا ليله
فضلت اتحمل وجع و استخدم الكلمه علي انها دواء لوجعي لحد ما بقيت زي المريض اللي بياخد مسكنات لوجعه و المسكن مبقاش يأثر فيه و كرهت الكلمه و حقبقي مبقتش تأثر فيا بالعكس بقت تضايقني و تعصبني
و بدأ يظهر علي اعراض جديده لما اسمعها في البدايه كانت بتسكن وجعي و تخليني ارتاح و اسامح
بس بعد كده لما خدت عليها و مبقتش تأثر فيا و حسيت ان كل اللي بيوجعني بيتسحل وجعي و بيضحك عليا بكلمه بقيت اتعب ظهر عليا علامات اضطراب وعصبيتي كانت بتبان في ملامحي و في كلامي و ردي و لغبطتي في الكلام زي المدمن اللي الجرعه مبقتش تأثر فيه.
بس انت عارف انا من امبارح يا عشري بحاول اقنع نفسي تاني اني اصبر نفسي بالكلمه دي عشان اسامحك او الاقي سبب يغفرلك
حاولت يا عشري أرجع تاني استخدم نفس المطلح معاك و وصلت لدرجة اني بقيت اسمع لنفسي الكلمه اللي طول عمرها بتوجعني اكتر ما بتريحني و قولت لنفسي حاولي جربي هتقدري انتي بت بميت راجل و جدعه سامحي
وهنا كانت زي ما بيقولوا القشه اللي كسرت ضهر البعير أنفجرت وقولت لا انا مش بميت راجل انا مش جدعه
بصتلوا بوجع و هي بتحاول متعيطش بس دموعها كانت بتجري طول ما هي بتتكلم وهي مش حاسه
من غير صوت باين عليه العياط او ريأكشن دموع بس بتجري
انا مش كده يا عشري انا بنت عندي قلب و مشاعر و من حقي اثور علي اي حاجه متعجبنيش من حقي ارفض اسامح اي حد مهما كانت غلاوته عندي اللي وجع يتوجع و اللي جرح يتجرح العين بالعين مفيش جدعنه و مفيش رجوله في القلب اللي اتكسر يا عشري
انت لو كنت حبتني ربع الحب اللي انا حبيته ليك يا عشري مكنتش قبلت تكدب عليا و تستمر في كدبتك مكنتش هتبقي معايا وانت مخبي دبلتك في جيبك من واحده غيري
مكنتش هتقبل اني اعرف من غيرك و بالشكل ده مكنتش هتقبل اهانتي يا راااااااجل ده انا غلبتها لحد ما بدأت اصدق انها بتقول الحقيقه قولتلها ده مقلب لو اي حد يعمل كده عشري لا غبيييييييه يا ظااااالم يابجحححححح ده انا ثقتي فيك و انا بعرف حقيقتك من خطيبتك كانت اكبر من ثقتك انت نفسك فيا
انت حكمت عليا عشري اني مش هسامح وان هيبقي ليا رد فعل قوي
انت عارف يا عشري لو كنت وثقت فيا قد ما انا وثقت فيك وهي بتحكيلي كنت عرفت ان انا هسامحك و مش هزعل وحتي لو زعلت شويه هرجع تاني لاني حبيتك
بس انت موثقتش فيا ولا في حبي ليك اقولك علي حاجه كمان يا عشري انا ياسيدي مش مضايقه انك كدبت ولا حتي خونت وكنت مقضيها معايا زي ما كنت مقضيها معايا شوفت بقي الموضوع بسيط ازاي.
بس اهانتي يا عشري مش مساحه فيها انها تدخل بيتي و تتهمني اني كنت سبب في خراب علاقتكم مش هسامح فيها انها تقولي اناااااا اني مش هسيبك عشان فلوووسك
كملت بضحكه وجع مش هسامح انها تجيب سيرة امي و ترجحني بأبويا واهل ابوايا وتقولي انا ابوكي زي عشري ابن ناس و حرام اتخدع في امك و مستواها و مستواكي ده انا خسرت كل الناس عشان الست دي خسرت ابويا لما بفكر يغريني بفلوسه عشان من حبه امي كان عايز يكسرها بيا و ياخدني منها عشان ترجعله دوست علي الفلوس عشان امي متتكسرش تيجي واحده زي دي تسمحلها يا عشري انها تعمل فيا انا كده.
خدت نفس طويل و مسحت دموعها و بصتلوا بوجع و هي بتقلع الخاتم بتاعه
ليله….خلصت يا عشري
عشري….ليله ليله لا استني
رشيد…ليله استني ارجوكي اوعي تعملي كده
عشري…..حقك هيرجع وقدام عينك بس انا مليش ذنب اوعي تكوني مفكره اني انا اللي قولتلها اي حاجه عنك او في لينا كلام اصلا
ليله…اطمن هي عرفت بطريقتها ودي مصدقاك فيها قبل ما امشي بقولهالك قدام الكل انا حبيتك و حبيتك اوي و انت عارف و اقولك علي المفجأه يمكن في الوضع اللي احنا فيه ده المفروض مصدقش منك اي حاجه بس انا واثقه انك حبتني لان انا عمري ما دخلت حياة اي حد غير لما سيبت في علامه لا يحبني اوي لا يا يكرهني اوي و انت حبتني بس وحيات حبي ليك يا عشري لا هخليك تندم ندم عمرك.
ربنا يكفيك شر أذايا لما بتوجع من حد بحبه يا عشري.
وانا لاخر لحظه باقيه علي الحب اللي كان جواك ليا من اللحظه دي مش عايزه اشوفك في حياتي ولو صادفت وشوفتك متقفش قدامي كتير بلاش تتأذي مني لان الوجع اللي جوايا ممكن يدمرك و اوعي تحاول تجرب انك تقرب أنا شيطاني كافر يا عشري اووووووووعي تفكر تنكشه لان وقتها لا هفكر في حبي ليك ولا اللي كان ليك جوايا.
عشري….وانتي عارفه كويس اني مش هسيبك يا ليله اعملي فيا اللي انتي عيزاه لو هيريحك اي اذي ليا انا مستعد
ليله…..اللي جربوا قبلك ندموا واولهم كان ابويا يا عشري انا بنت حلال بس اللي يفكر يوجعني باسم الحب ببقي بنت حرام يا عشري نش عايزه اشوفك انت سامع
حاولوا البنات يجروا وراها و يوقفوها
ايمي….ليله مش هتخلص كده ليله انتي ذكيه وعارفه ان هي قاصده توقع بينكم مش انتي يا ليله تبوظي حياتك عشان كلام مقصود من حد بيكرهك عشري صادق يا ليله وانا مصدقاه و عارفه ان انتي كمان مصدقاه.
نادين….عشان خاطرنا احنا
عسال…..ليله متعمليش كده ازعلي واغضبي و خدي وقتك بس اوعي تعملي فيكي ووفيه كده
ليله…..حاولوا علي قد ما تقدروا متخلوش البني ادم ده يقرب مني لو انتوا خايفين عليه بجد خافوا عليه مني و قبل ما امشي انا مش زعلانه منكم يمكن انا لو في نفس موقفكم مش هعمل زيكم بس كمان صحابي لو في مكانكم هيعملوا كده و انا اتعلمت حاجه مهمه اخد صاحبي علي عيبه و عارفه ان الغلط مش غلطكم
نعيمه….طب استني انا جايه معاكي يلا بنات
ليله….محدش فيكم و الوقت بالذات يفكر يقرب مني مفهوم سيبوني في حالي سيبوني في حااااالي وانت حط كلامي في دماغك كويس و افتكر يا عشري انا شيطاني كافر
مشيت ليله فتحت الباب وكلهم واقفين خرجت علي الجنينه ووقفت تاني بكل وجع اول ما سمعت صوته
عشري…..بنبرة وجع ليله
وقفت من غير ما تبصلوا
عشري…..متعمليش فيا كده يا ليله انا مستاهلش منك كده انتي قولتي يا ليله انك ممكن تسامحي لو الغلطه لاول مره و دي غلطتي الوحيده معاكي
بصتلوا ليله بغضب و سكتت شويه.
ليله…..لما اقنعوك تكمل مع مريم ليه انت كنت مصمم تسيبها ايه هو السبب اللي رفضت تقوله و علي اساسه اتفقت انت وهي تبعدوا
عشري….انا خدت عهد علي نفسي مقولش لاي بني ادم و وعدتها بس لو ده هيخليكي متبعديش عني هقواه يا ليله بما انا كدبت عليكي في كل حرف انا عرفت من تاني خروجه معاها يا ليله انها متجوزه عرفي و حامل و هي صارحتني و قالتلي اساعدها تنزل البيبي و انا ساعدتها و قالتلي ان الشاب ده قطع الورق و سابها و هي مقدرتش تتكلم قدام اهلها سترت عليها يا ليله و اتفقنا نفضل سوا لحد ما تتخلص من البيبي ده و تفوق و بعدين هسيبها و علي الاساس ده لا كان في بينا حب او اي علاقه و لا كان في داعي انها تيجي وتشوف البيت كنا متفقين ان الموضوع وقت هي بعد فتره هتقول اني طبعي مش كويس و اين مهتم بيها وانا هقول مرتاحتش و طول الفتره دي كنت بين نارين شويه اقول حرام اسيبها استر عليها وشويه اقول لا رجولتي مش هتسمحلي وانا اصلا مش عايزها لحد ما انتي ظهرتي مقدرتش اكون الراجل البطل اللي مستعد يستر علي بنت و لا قدرت اتخيل حياتي من غيرك و لنا قابلتها قولتلها اني مش هقدر قولتلها لازم تصارحي اهلك افتكرت كلامك يا ليله الصراحه ممكن توجع بس بتريح طول العمر و هي كانت لازم ترتاح و تريحني
يشهد ربنا و حياة اللي زرع حبك في قلبي يا ليله اني صادق في كل كلمه و الشباب دول اول مره يسمعوا اللي بقوله حتي اهلي محدش عرف
انا مش عارف الوقت انا فضحتها و خونت سرها ولا هي كدابه اصلا
بس انا بقولك الحقيقه خدي وقتك يا ليله بس عشان خاطري اوعي تبعدي عني ارجوكي
بصتلوا ليله بوجع وصدمه طب تصدقه ولا تكدبه تعمل ايه مكانتش عارفه كانت ناويه تمشي من عند ايمي تروح لأهلوا تديهم تهدبهم و تواجههم بكدبهم بس هي الوقت تعمل ايه
خرجت من البيت وهي مش مستوعبه اي حاجه ركبت العربيه وطارت من قدام الكل في احظه.
والكل كان واقف مصدوم واولهم الشباب.
وللحديث بقيه………
