لقاء كارثي
لقاء كارثي 39/40/41
لقاء كارثي
أميره أسامه
صاحبة البطل الواحد
~° البارت الاربعون°~
……………….
بدأت ليله تختار كام فستان و دخلت تقيسهم.
عشري كان قاعد قدام البروڤا و مستنيها تفرجوا خرجت بعد دقايق بأول فستان بصلها بصدمه و شاورلها علي جوه
بصتلوا بسخريه و دخلت غيرت دقايق تانيه و خرجت بتاني فستان
عشري….لفي
لفت بهدوء اول ما شاف الضهر اتصدم
عشري…..علي جوه
دخلت ليله لبست تالت فستان و خرجت
هز راسه بلأ
رفعت وشها لفوق و هي هتعيط خلاص و بعدين دخلت رجعت خرجت تاني برابع فستان
حط ايده الاتنين علي وشه ضحكت ليله و دخلت بسرعه علي جوه.
لبست خامس فستان و خرجت
رفع عشري حاجبه و بصلها باصه كأنه هيشتم ضحكت و جريت علي جوه.
خرجت بسادس فستان كان ارحم شويه من اللي لبستهم بصلها بنظره اللي هو بيفكر شاورلها بايدها يعني نص نص
ليله….بهمس هبتدي اشتم
سابته ودخلت و هو فضل يضحك
غابت شويه و بعدين خرجت بسابع فستان اول ما شافها وقف شاورتلوا بأيدها بمعني خلاااص جريت علي جوه و غابت تاني خرجت بثامن فستان و بان علي وشه الرضا كان فستان طويل و مقفول و بس ضيق فا قرر انه مفيش مانع
عشري…..حلو
بصتلوا بقرف و هزت راسها بلأ وكأنها بتعند معاه اشمعني انت بترفض من بدري أرفض مره من نفسي
رفع حاجبه بغيظ و قعد تاني
خرجت بتاسع فستان هز راسه بلأ
سندت علي باب البروڤا و هي هتعيط خلاص و مش عايزه تدخل تاني
ليله…..مش داخله و مش عايزه فساتين
عشري…..بابتسامه عشان خاطري كملي
ليله….تعبت و الله تعبت
عشري….وحياتي يلا بقي
دخلت تاني و لبست عاشر فستان كان لونه اسود طويل و ليه كم بس نازل من علي كتافها و كان نوعاً ما الملفت فيه الجزء اللي فوق بصلها و هو قلقان يقولها لأ
ليله…..ايه
عشري…..اااا حلو بس نص نص
ليله…..طب بص اما اقولك و الله يا عشري ما هقيص فستان تاني انا لحد الوقت قايسه عشر فساتين و كل اللي اختارته معجبكش
عشري…لا والله عجبني واحد
ليله…..بغضب بس معجبنيش انا و قدامك حل من اتنين يا تختار واحد من الفساتين دي كلها معادا اللي معجبنيش يا اما والله ما عايزه فساتين و لا خطوبه ولا حاجه زهقتني و تعبتني و فرهدت من اللبس والقلع
عشري….بأبتسامه طب خلاص اهدي
ليله….اهدي ايه طلعت عيني يا مفتري حرام عليك والله ما قادره و خلاص مبقاش ليا نفس لحاجه
عشري…..طيب هختار خلااااص
ليله….اختار و خلصني يلا
عشري….اللي انتي لبساه ده حلو
ليله…طيب يلا خلينا ناخده و نمشي
عشري……طيب عاجبك
ليله….لا مش عاجبني بس هاخده عشان تعبت
عشري….وانا مش هخليكي تاخدي حاجه مش عجباكي
ليله….وانا والله ما هقيس تاني موافث علي اي واحد غير ده و اللي معجبنيش
عشري…..لا كلهم مسخره
ليله….خلتص يبقي هو ده و مش هختار غيره انا هدخل اغير و البس هدومي و مشيني من هنا
عشري….بضحك طب مالك متعصبه كده ليه
ليله….اسكت خاااالص
عشري….بأبتسامه قلق منها ماشي ماشي سكتنا
غيرت هدومها ودفع عشري حق الفستان و بعدين راح معاها جابلها الهيلز و بعد كده مشيوا.
عشري….بضحكه مكتومه مبسوطه يا قلبي
ليله…..بص هتستفزني هزعلك
عشري….انا عملت ايه بس
ليله….هو انت بتعمل حاطه يا برئ يا طيب بقولك ايه صحيح انا كل ما اجي اقولك انسي حساب تصليح العربيه كام و بص لو قولتلي كلمه في الموضوع ده هيبقي نهارك اسود عشان انا مش طيقاك و علي اخري
عشري…..بصلها بغضب و اختفت ضحكته طب اسكتي انتي عشان انا اللي هخلي نهارك اسود
ليله….اعوذ بالله هو انتي يا ابني طبيعي يعني بلطجي كده علي طول انا بقيت اقلق منك و اخد كل حاجه عافيه معايا ليه
عشري….بضحك عشان انتي مش بتسكتي ولو مطلعتش فيكي كده مبعرفش اسيطر عليكي
ليله….بكرهك يا عشري
عشري….طب احلفي
ابتسمت بغيظ و بصت قدامها و رجعت بصتلوا تاني
ليله….طيب انا بتكلم جد يا عشري
عشري…..بطلي عبط بقي عشان مزعلكيش والله
ليله….يا سيدي انت مالك هو انت اللي خابطها
عشري….اه انا اللي خابطها و اسكتي شويه
ليله……طب انا جعانه
عشري….بأبتسامه حاضر
ليله….ايه مش عاجبك جبتلي هبوط اقلعي البسي اقلعي البسي
عشري….بضحك انا قولت حاجه الوقت بألف هنا يا قلبي حاضر هأكلك عايزه تاكلي ايه
ليله…..حاجه تكون انت مش بتاكلها عشان متاكلش معايا
عشري….طب انا جعان ههون عليكي
ليله….اه
عشري…..بس انا اللي هدفع
ليله…..عنك ما دفعت مستنياك تأكلني ان شاء الله
عشري….بضحك خلاص اعزميني
ليله….لا والله قال يعني هيوافق اوي طب انا موافقه
عشري….وانا مش موافق
ليله….شوفت عايش معايا بالدراع اروح سوبر ماركت يدفع العربيه تبوظ يدفع اروح معاه اي مشوار و اجيب اي حاجه يدفع زهقتني لا وايه البسي ده ده لا خدي ده ده لا اعملي ده و متعمليش ده ايييييه مبقتش عارفه اتعامل براحتي بسببك و اخدها عافيه حضرتك
عشري…..بنبره حاده عاجبك و لا لأ
ليله….اهو حتي صوتك المرعب ده كمان بيوترني عامل زي الظباط
عشري….بضحك كان فين عقلك لما حبتيني
ليله…..وانا ايش عرفني ايه اللي رماني الرميه دي
عشري….بحب قلبك
ليله….ما هو انا قلبي ده اصله …… يا ابني اسكت هتخليني أخرف و اقول كلام مينفعش
عشري…..بضحك ايوه صح قلبك كده بالظبط
بصتلوا بغيظ و بعدين ضحكت
ابتسم بحب و مسك كفها باسه
عشري…..و الله بحبك
ليله….وانا يا رخم
عشري….قوليلي بقي عايزه تاكلي ايه
ليله….امممم معرفش انا عايزه اكل مكرونه
عشري….مكرونه ازاي
ليله….معرفش اي مكرونه وخلاص
عشري….هأكلك احلي مكرونه يا ستي
ليله….اما نشوف
……………
عند نادين و عسال الوضع كان مختلف اختارت ثلاث فساتين و الثلاثه عسال مكانش راضي عنهم بس في واحد من الثلاثه كان عاجبها اكتر و احد
عسال…..طيب انتي جربتي اتنين قيسي التالت
نادين…..وحياتي يا ميدو ده اكتر واحد عاجبني
عسال…..بس عريان يا عمري
نادين….وحياتي
عسال….حاضر بس هتخسري ايه يعنؤ لو لبستي التالت انتي لبستني التاني و قفشتي فيه زي الاطفال
نادين….عشان عجبني و بعدين انا عارفه ان الثالث عاجبك اكتر
عسال….مين قال الثلاثه بالنسبالي مش مناسبين بس مرضتش ازعلك
نادين….طيب ده حلو والله حلو
عسال….بابتسامه هاديه ماشي
نادين…..بأبتسامه موافق يعني
هز راسه بابتسامه بسيطه
نادين….طيب ليه شكلك زعلان
عسال….مش زعلان يا روحي بس مش موافق
نادين…..لا انت هزيت راسك و قولت موافق
عسال…..عشانك عشان متزعليش
نادين….اممم طيب خلاص مش هاخده
عسال….بس هو عاجبك
نادين….بس انت زعلان
عسال….بضحكه جميله خلاص مش زعلان اختاري اللي يعجبك و انا موافق عليه و بعدين عايزين نخلص عشان تختاري بالمره فستان كتب الكتاب زي ما اتفقنا
نادين….انا خلاص اختارت لكتب الكتاب في حاجتين عجبوني هقيسهم بس خلينا نخلص الاول الفستان بتاع ليله
عسال….بصي لو عاجبك انا معنديش مشكله خلاص بس يعني ايه رأيك لو نجيب عليه جاكت او بلطو او اي حاجه فرو تليق عليه او ممكن شال
نادين…..امممم طيب انا عندي حاجه تليق عليه جداً
عسال….طيب تمام
نادين….يعني موافق
عسال….موافق يا عمري يلا بقي خلينا نقيس فستان كتب الكتاب
نادين…..بس مش هوريك
عسال…..بردوا ماشي
نادين…عشان تكون مفجأه
عسال….بنظره حنينه و تجنن تمام يا عمري
ابتسمت نادين و دخلت علي جوه غيرت و بعدين قاست كام فستان و بعدين استقرت علي چامب سوت لونها ابيض تجنن و قررت انها تلبسها
في كتب الكتاب.
خلصوا و بعدين خرجوا من المكان و مشيوا…
…………..
في مساء اليوم أجتمع الكل في المطعم و بدأ التيم اللي شغال يظبط المكان لاستقبالهم تاني يوم
وقف الشباب معاهم و كانوا بيوجهوهم و بعد شويه سابوهم يكملوا تجهيز و راحوا قعدوا فوق شويه كل اتنين كانوا ماسكين ودن بعض بيتكلموا و يضحكوا و يهزروا.
ايمي…..طيب انتي شوفتي المنيو
ليله….اه شوفته
ايمي…..طيب مش عايزه تزودي حاجه تشيلي حاجه
ليله….لا خالص حلو اوي بس اسألي عشري بردوا يمكن يكون في حاجه حابب تكون موجوده انتي عارفه انا مليش في الجو ده اوي بصراحه
ايمي….و من امته و انتي بتريحيني
ليله…..بضحك طب اقولك ايه طيب
ايمي….وسعي كده انت يا عم عشري
عشري…..في ايه
ايمي…..بصلي كده باصه علي المنيو ده كده و قولب عاجبك و لا حابب تزود او تغير حاجه
عشري…..طب ما تشوفي انتي و ليله
ايمي….بقولك ايه انت وهي انا علي اخري أسالها تقولي شوفي عشري اسألك تقولي شوفي ليله ما تخلص
عشري…..بضحك ايه يا رشيد المعامله دي انت مطرقعلها ولا ايه
رشيد….بضحك مقدرش بس انتوا تعبتوها ما تشوفوا تخلصوا
عشري….والله شوفته وحلو خلاص
ايمي…..يعني مش عايز تضيف حاجه
عشري….هو كده زي الفل بس لو حابين تزودوا حاجه تمام اهم حاجه يبقي في قهوه
ايمي….قهوه تركي اكيد لكن العربي بتاعتك دي مش عندي او تجيب انت بقي و تعرف الشباب تحت يعملوها ازاي
عشري…..بضحك علي فكره دي مش معامله
ايمي….بضحك جننتوني علي فكره
رشيد….بقولك ايه تعالي اقعدي و سيبك منهم دي عيال رخمه
رن موبايل ليله
ليله…..الووووو ايوه يا وليد
وليد….ايه الاخبار يا ليله
ليله….زي الفل انت عامل ايه
وليد….بخير بقولك ايه انا جايلك انتي صاحيه لسه صح
ليله…..انا صاحيه اه بس انا مش في البيت انا في المطعم
وليد….ايه ده بجد
ليله….والله انا و البنات والشباب بنشوف تجهيزات المكان انت ليه طيب مقولتليش يا حبيبي انك جاي
وليد…..مممم معرفش بقي هي جات كده طب خلاص مش مهم
ليله…..طيب قولي في حاجه
وليد…لا لا مفيش كنت عايز بس اديكي حاجه
ليله….طيب بقولك ايه ما تيجي علي المطعم
وليد…..المطعم
ليله….اه كلنا هنا تعالي اقعد معانا شويه و بعدين امشي ولا اروح انا واجيلك لو في حاجه مهمه
وليد….لا لا خلاص هجيلك طيب
ليله….طيب يلا مستنياك يا حبيبي
وليد….ماشي يا ليله يلا سلام
ليله….باي.
عشري….بهدوء في ايه
ليله…..معرفش ده وليد كان رايح علي البيت بيقولي هيديني حاجه
عشري….جاي يعني
ليله….اه جاي خلاص
عشري….طيب كويس
عدي حوالي تلت ساعه وصل وليد قدام المطعم كان باين ان مفيش اي حد و مفيش غير التيم واقف يظبط المكان جوه و بره اتصل عليها وليد.
وليد….الووو
ليله….ايه يا حبيبي وصلت
وليد…اه بس مش شايفكم
ليله…..طيب استني هجيلك أحنا فوق في المكتب
وليد….طيب خليكي انا طالع
ليله…..اوك باي
عشري….وصل
ليله….اه استني هروح اشوفوا
عشري…..خليكي انا هشوفوا
ليله….ماشي كملت بهمس بقولك ايه عرفوا ان نعيمه متعرفض احسن يدخل يقولها
عشري….هو ميعرفش
ليله….عارف بس احسن ينسي و يغلط بلسانه
عشري…..طيب تمام
خرج عشري وقف فوق لمح وليد داخل.
عشري….وليد هنا تعالي
وليد….اهلاً بالعريس
عشري…..بابتسامه حبيبي
قرب منه و ليد و سلم عليه
وليد….ايه الاخبار
عشري….زي ما انت شايف بنجهز الدنيا هنا
وليد….لا بس الله ينور كله تمام
عشري….تعالي الكل جوه بقولك ايه ليله بتقولك اوعي تقول قدام نعيمه
وليد….لا لا متقلقش ما انا عارف
عشري….طيب يلا.
دخلوا علي جوه
وليد….بابتسامه مساء الفل عليكم جميعاً
ايمي…..يا لوووودي اخبارك ايه
وليد….عروستنا القمر الحمد لله بخير
قربت منه ليله وضمتوا
ليله….اخبارك ايه يا قلبي
وليد….الحمد لله يا حبيبتي مبروك يا عروسه
ليله….الله يبارك فيك تعالي بقي اعرفك علي الشباب انت متعرفش غير فضل
فضل…..ازبك يا وليد
وليد…..الحمد لله يا فضل انت تمام
فضل….زي الفل.
ليله….ده بقي رشيد خطيب ايمي و زوجها المستقبلي وليد اخويا يا رشيد
رشيد….اهلاً يا باشا اخبارك حبيبي
وليد….حبيبي مبروك مقدماً
رشيد…الله يسعدك يارب عقبال البنات
وليد….في حياتك يا حبيبي
ليله….حسان خطيب سلمي
حسان…..ازيك يا وليد
وليد….بخير الحمد لله مبروك عقبال الليله الكبيره
حسان….الله يخليك تسلم
وليد….ازيك يا سلمي
سلمي….ازيك انت يا وليد مبسوطه اني شوفتك والله بقالي كتير مشوفتكش
وليد….وانا والله انتي وايه مشفتكوش بقالي كتير
ايه….بضحك انت ايه اللي جابك عندنا
وليد….بضحك معلش بقي رخم اعمل ايه
ليله….ده سلامه خطيب المجنونه
وليد….بضحك الله يعينك علي مابلاك
سلامه….بضحك دعواتك اتشرفت بيك والله
وليد….الشرف ليا يا حبيبي
وليد….نودي يا قمر عامله ايه يا عروسه
نادين…..بأبتسامه الحمد لله يا وليد انت عامل ايه
وليد…..زي الفل اكيد بقي ده خطيبك
ليله….بابتسامه ده عسال خطيب نادين صح و يبقؤ ابن خالة سلامه
وليد…..اتشرفت بيك يا حبيبي
عسال…..بابتسامه الشرف ليه والله
وليد….وبردوا الله يعينك علي ايه خلتص انتوا اتدبستوا فيها
عسال….بضحك نعمل ايه بقي
ايه….بضحك لا والله اتفقتوا عليا والله اتصل بمراتك اقولها اني قفشتك مع واحده
وليد…قوليلها مش هتصدقك
عشري….تعالي اقعد يا وليد
ايمي…..تشرب قهوه ولا شاي ولا عصير
وليد….والله ولا حاجه يا ايمي
ايمي….لا هتشرب
رشيد…بقولك ايه اشرب عشان اختك و خطيبها جننوها انهارده فاهي علي اخرها
وليد….بأبتسامه لا وعلي ايه قهوه يا ايمي
راحت ايمي اتصلت عليهم و بلغتهم ورجعت قعدت معاهم
ايمي….بناتك عاملين ايه يا وليد
وليد…..مطلعين عيني والله يا ايمي بس اهو الحمد لله
ايمي….يا شيخ حرام عليك دول عسل و خصوصاً البت تقي بموت فيها كلها عمتها
ليله….عمتها في عينك
وليد….بابتسامه اهي هي دي بقي اللي مطلعه عيني عشان كلها عمتها
ليله….قصدك ايه بقي يا سي وليد مالها عمتها إن شاء الله
وليد…..والله نسختك بالظبط عنديه و راسها ناشفه و قياديه و عايزه الكلمه اللي تقولها تتنفذ و شخصيتها قويه و لسانها طويل مش بتسكت
عشري….بضحك وشهد شاهد من اهلها
ليله….ومالك مبسوط كده ليه
حسان…..بضحك الكلام لمسه يا ليله
ليله….طب والله صاحبك مفتري يا حسان.
عشري….بابتسامه قول يا وليد قول وايه تاني
ليله….بضحك بصت لوليد انا بقول تمشي لمراتك و ولادك بدل ما اخليها ليله طين عليكم
رشيد….اوعي تهددك اعترف
وليد…..بضحك لا بص هي صحيح فبها كل الطباع دي بس والله قلبها طيب
عشري…بضحك ما انت كنت ماشي كويس يا عم وليد
وليد….انت مش شايف بصالي ازاي
ضحكوا كلهم بصوت عالي علي وليد
وليد….لا والله بجد ليله جدعه و بنت بلد و وقت الشده تلاقيها هي صحيح خلقها في مناخيرها بس مفيش اطيب من قلبها
ايمي…..صراحه اه دي قمر والله انتوا ظالمينها
ليله….سبيهم ليهم يوم و خد بالك الكلمتين الحلوين دول مش هياكلوا معايا
وليد….علي فكره عشري هو اللي نكشني عشان اقول عيوبك
عشري….بضحك اله وانا مالي
عسال….اهو جاب وراء هو كمان يا ليله
ليله….بضحك بعد ايه بقي انا عندي ذاكره قويه مش هسيبهم هما الاتنين
دخل واحد من التيم معاه القهوه بتاعت وليد حطها وخرج.
كلهم كانوا بيتكلموا و بيضحكزا
ليله كانت قاعده جنب وليد
طلع وليد سيجاره و قربها منها
ابتسمت بصدمه و بصت بطرف عينها علي عشري لاقته باصص و مبتسم و مستني يشوف رد فعلها
ليله….احممم لا لا مش عايزه اااا قولي صحيح حاجه ايه بقي اللي كنت عايز تديهالي
نعيمه…..ايوه وانا كمان عايزه اشوف
ليله….انتي مالك يا حشريه هو اخوكي ولا اخويا
نعيمه…..اخويا انا كمان ولازم اشوف جايبلك ايه صح يا وليد
وليد…..بضحك صح يا نعيمه
ليله…..طب تصدق بقي اني هقوم تخدك و نطلع بره عشان الرخمه دي متشوفش
ايه…..انا كمان عايزه اشوف
ليله….يالهوي عليكم بتحبوا تقعدوا علي الخبر
سلامه…..بابتسامه وليد ليله مجنونه كده في العادي
وليد….بضحك انتوا عايزين تودوني في داهيه شكلكم
ليله…..قول يلا
وليد….بضحك اقول ايه وانا مالي هو اللي سأل
ليله….رد عليه
وليد….دي ست العاقلين
رشيد…..صحيح ما جمع الا ما وفق بلطجيه و راعبه الكل
ليله….بضحك والله ما اتكلمت انا بقولوا يرد
وليد….بص ليله من صغرها وهي نفس الشخصيه دي بالظبط بس بصراحه هي هديت كتير اوي بعد وفاة امي الله يرحمها
عشري…..نعممممم مين دي اللي هديت
ضحكت ليله و ضحكوا كلهم
وليد….يا عيني مش مصدق انتي عامله في الراجل ايه
ليله…..بضحك خير مالك معترض ليه
عشري…..معترض علي شهادة الزور دي ايه يا وليد انت راجل كبير قول الحقيقه
وليد…..بضحك ما هو انت لو كنت شوفتها قبل كده كنت صدقتني
عشري….ليه والاول كانت عامله ازاي
سلامه…..بالمطاوي و بتشكل اكيد
وليد…..بضحك ماشاء الله سمعتك سبقاكي
ليله….بضحك علي فكره بقي ولا واحد فيهم شافني بالشكل ده يعني كلكم رايحين علي نار جهنم علي كدبكم
وليد…..لا والله بجد الاول كانت بتاعت مشاكل انا فاكر امي لما كان حد يسألها معاكي ولاد قد ايه تقوله اربعه ولدين و بنتين
عشري…..بضحك الله يرحمها كان ليها نظره
عسال….بضحك لا حرام والله دي عسل
وليد…..بس كانت متشرده و محدش يقدر عليها و طول عمرها لسانها زي المبرد تقولها كلمه متعجبهاش تديك عشره بكل هدوء تحرقك
ليله ابتسمت ورفعت عينها لفوق
رشيد….ايه ياليله اخوكي لو قاصد يبوظ الجواز مش هيقول كده
ليله….سيبوا ما انا لما اقعد علي قلبه هيقول ان الله حق
فضل….طب الراجل صريح و مش عايز عشري يتدبس
حسان…..لا بس احياناً بصراحه في ناس تستاهل طريقه ليله
وليد….هو بصراحه عشان مظلمهاش رغم انها مكانتش بتسكت بس ولا مره عملت مشكله من غير سبب يعني ديماً هي بتبقي رد فعل بس انا بقي كنت ديماً بتناقر معاها و بضايق من طريقتها لان انا هادي و ليله دمها حامي
ليله….شوف مين اللي بيتكلم مين ده اللي هادي ده لولا فرق السن اللي بينا كان الناس فكرونا توأم في نفس الطباع
عسال….هو الفرق بينكم قد ايه
ليله….14 سنه
عسال….اوووف بس مش باين اوي
ليله….اه بس اوعي تصدق انه كان هادي
رشيد….بس باين علي فكره انه هادي غيرك يعني
وليد…..والله دي مفتريه انا مكنتش زيها و بعدين انا كنت شاب يعني وارد انفعل اتعصب لكن هي لا لو شوفتوا بقي اميمه و قمر مستحيل تقولوا انهم اخوات ليله
نعيمه….بضحك وانا اشهد
سلمي….بضحك حصل
ليله….اه يا كلااااب
ايمي…..صراحه اميمه و قمر مختلفين عنكم انتوا الجوز و بالذات انتي
ليله….بابتسامه نودي بزمتك انا كده
نادين….لا يا قلبي انتي قمر
وليد….اهي سابت الكل وراحت للطيبه اللي هتطبلها
نادين….بضحك مش بطبلها والله بس لولي جميله و طيبه اوي صحيح اميمه و قمر هادين بس دي شخصيتها يا جماعه
ليله….هو انا بحبك من شويه
فضل…..بس فرق السن ده يا وليد يعني مخليكم صحاب ولا مش اوي
وليد….انا وليله عمرنا ما اتفقنا اصلاً
ليله….بضحك يا ختاااااي حطت ايدها علي عينها
اميمه…..بس فرق السن مش موضزع علي فكره دي شخصيات يعني اميمه اكبر من ليله ب16 سنه بس هي اقرب واحده ليها
ليله….اميمه دي امي و اختي و بنتفق جداً مع بعض
رشيد….عشان ست يعني الراجل بردوا بتبقي طباعه مختلفه
ليله….لا والله وليد علي فكره قريب اوي من اميمه و قمر و بيتفق معاهم جداً
عشري…..عشان بيسمعواوالكلام وهادييين هاااا هاديين
ليله…..بضحك انت عايز ايه قولي و انت كمان مش يلا بقي تشرب قهوتك و تتكل
نعيمه…..طيب نشوف جابلك ايه
فضل….فضوليه اوي اخوات في بعض انتي مالك
ليله….رخمه و حشريه
وليد….بابتيامه حط السيجاره في بوئه و مسك شنطه جلد صغيره بتاعت ايده طلع منها عليه صغيره
نعيمه…..اوبااااا شكلها هديه
وليد….بابتسامه معلش بقي يا عشري انا قولت اسبقك و اخطب اختي قبلك معرفش انك هنا
عشري….بأبتسامه جميله اااا بتعلم عليا ماشي يا عم وليد يلا مسامح
ليله….اختفت بهدوء ابتسامتها وبصت لوليد ايه ده
اداها العلبه وابتسم.
وليد…..حاجه بسيطه يا لولي مبروك يا قلب اخوكي
مسكتها بهدوء و فتحتها و قلفتها بسرعه.
نعيمه…..اشوف
ايه….فرجينا
ليله…..سكتت ثواني و بصتلوا وليد تعالي معايا شويه
ايمي….بابتسامه ايه ده في ايه ؟
وليد…بصلها بهدوء ايه مالك
ليله….قوم معايا عشان انا بصراحه مش فاهمه ايه اللي انت عامله ده
وليد….طيب اقعدي بس
ليله….طيب قوم
عشري مكانش فاهم اي حاجه و مش عارف هي ليه اتضايقت و محبش انه يتدخل او يسأل و ده كان نفس شعور الشباب.
ليله….يلا تعالي
وليد….طيب حاضر قاعد مع الناس هشرب واقوم معاكي
مسكت ايمي من ايدها العلبه و لمحت خاتم شكله شيك و رقيق
ايمي….ده خاتم قمر امال في ايه ليه حسيت انه جايبلك قتيل
وليد…..بابتسامه قوليلها والنبي يا ايمي عشان صاحبتك دماغها تعبانه
ليله….انا اللي دماغي تعبانه طيب انا مش هتكلم الوقت يا وليد الا لما تقوم عشان مش هينفع نتكلم هنا امسك العلبه دي كده و اشرب بسرعه و تعالي.
وليد….بنظره جاده و نبره هاديه طيب شيلي العلبه دي في شنطتك بس كده
ليله….لا يا وليد
ايمي….هو ايه يا بت فيكي ايه دي هديه من اخوكي
ليله…..اسكتي يا ابمي انتي مش عارفه حاجه
وليد….قوليلها والنبي يا ايمي عشان صاحبتك شكلها عيزاني امسك في خناقها
عشري…..طيب بصوا انا مش فتهم في ايه و مش اكيد معنديش فضول اعرف لان دي حاجه بينكم و بين بعض بس من امته يا ليله حد بيقدملنا هديه و بنرفض و خصوصا لو الحد ده مش غريب ده اخوكي
وليد….بابتسامه الله ينور عليك يا عشري ليله عيزاني ازعل منها
ليله….وليد متعصبنيش و بلاش تطلعني غلطانه قدامهم لان محدش يعرف حاجه و عشان كده بقولك قوم ننزل تحت و نتكلم
عشري….طيب خلاص روح معاها يا وليد و اتكلموا
وليد…لا انا مش هروح و معنديش مشكله اتكلم قدامكم لا انتوا بقيتوا غرب ولا انا عندي حاجه اخجل منها
ليله….انت بتعمل ايه اسكت يا وليد و نتكلم بعدين
عشري…..طب ممكن تسكتي انتي شويه الراجل بيتكلم عيب
وليد…..بص يا عم عشري
ليله….وليييد
عشري….ليله اخوكي بيتكلم متقاطعيهوش
وليد….بابتسامه انتي زعلانه ليه انا مش هقول حاجه انا بس عايز اوضح سبب الهديه اللي مزعلاكي دي و طبعاً لو مش هاكل دماغكم
عشري…خد راحتك
رشيد….احنا قاعدين مش ورانا حاجه
وليد….انا من فتره طويله يعني من حوالي 15 سنه كنت شغال في شركه شحن توصيل خارج و داخل البلد و كنت بسافر مع المندوب المسؤول عن استلام و توصيل كل شحنه و كان لازم يكون معايا لغه لان احياناً كنا بنسافر بلاد اجنبيه و انا كنت في معهد و كانت دراستي زي ناس كتير عاديه المهم خدت كام كورس لان الشغلانه كانت داخله دماغي اوي و مع الممارسه بقيت الحمد اله معايا لغه و الحقيقه ان وضعي المادي بعد الجواز كان حلو جداً و طبعاً ربنا رزقني بالبنات و كنت حابب اخليهم يعيشوا في مستوي معين دخلتهم الحمد لله احسن مدارس و وضعنا المادي كان حلو اوي بعد ال15 سنه دول صاحب الشركه اللي هو الاب مات و حصل خلاف بين الأخوات اللي هما ولاده المهم انتهت الخلافات دي بتقسيم الشركه كملت فيها سنتين كمان بس كتر الخلافات بينهم فضلت مستمره لحد ما فضوا الشراكه خالص و كلنا مشينا بعدها و الشركه مبقتش موجوده قعدت حوالي سبع شهور تقريباً من غير شغل بس مكنتش شايل هم لان معايا اللي يكفيني الحمد لله لحد ما لاقيت شغل في مصنع ملابس كبير و كنت بشتغل مدير مخازن مسؤول بردوا عن استلام و توريد و ليله كبيره كده.
المرتب كان اقل شويه بس كان احسن من اني افضل اصرف في اللي معايا.
شويه شويه الشغل مكانش اوي يطلع شويه ينزل شويه و طبعاً اللي خد علي مستوي معين ميقدرش يعيش غير فيه الوضع المادي مبقاش احسن حاجه كان كل همي اني اوفر مصاريق المدارس لان مصاريق البنات كتير اوي اوي
حسان….اكيد طبعاً الاوليه لولادك واحتياجاتهم
وليد….بالظبط وانا كان وقتها في رقبتي ثلاث بنات وامهم حاولت مقصرش خالص و قررت اشتغل شغلانه تانيه تسد شويه مع شغلانة المصنع بس وقعت علي ضهري و جالي انزلاق غضروفي فا اضطريت اقعد شويه و لما رجعت اقف علي رجلي من تاني قولت مش هقدر علي شغلانتين بس لما رجعت المصنع مستحيل طبعاً تلاقي شغلك مستنيك انت في النهايه مش بتشتغل في ملكك
رشيد….هتقعد يومين بالكتير غيرك هيجي
وليد…..وده اللي حصل و جابوا حد غيري بس اشتغلت موظف تحت ايده فا بالتالي المرتب قل النص بس قولت تمام هكمل لحد ما ادور علي شغل و اهو افضل من اني استني شغلانه لاني عايز بس مصاريف البنات تكمل كان صعب عليا اخرجهم من مدارسهم لمدارس تانيه اقل في المستوي و الكبيره طبعاً جامعتها بفلوس كتير فا كنت بموت نفسي في الشغل و من ناحيه تانيه بشوف غيره لحد ما الدنيا باظت خالص فوق دماغي من حوالي شهرين وده اليوم اللي حصل فيه الكارثه اللي كلنا عارفينها.
فضل…..ناس كتير شغلها اتدمر اصلاً
وليد….خربت خالص والله يا فضل المايه دخلت علي المصنع دمرت المكن و عملت قافله و حريق في جزء من المصنع و الجزء التاني كل اللبس باظ من المايه والسيول و بالتالي المصنع خرب علي الاخر.
الكل كان مركز معاه و ليله بصاله بتأثر واضح و مش عيزاه يكمل اي حاجه تاني عشان مهما كان متحبش ان اخوها يكون مكسور.
وليد…..وزي ما قولت انا وليله عمرنا ما كنا قريبين من بعض و علي فكره ده ملهوش علاقه بالحب و الغلاوه خالص هي عارفه هي غاليه عندي قد ايه و يمكن انا سري كله مع أميمه و قمر اكتر منها بس ربنا يعلم يمكن الفرق بينا ميخلنيش أخلفها بس انا بحسها بنتي
حسان…..علي فكره ملهاش علاقه فعلاً درجة قربكم من بعض بحبكم هو بس عدم توافق عقلياً
وليد….بالظبط طباعنا الي حد كبير فيها من بعض فا عشان كده ديماً انا وهي في صدام بينا المهم يعني ليله مكانتش تعرف كل ده و يمكن هي سمعته لاول مره من اميمه اختي لما رجعت من سفرية دهب او لما كانت مسافره حكتلها و علي قد ما انا وهي مش بنتفق بس لما سمعت من اميمه ظروفي مترددتش لحظه
ليله…..بهمس مسموع و هي قاعده جنبه وليد لو بتحبني اسكت ورحمه امك يا شيخ ما تكمل
وليد….ليله انا مش بقول حاجه غلط و لا عيب و لا حاجه تضايقني لان اللي هقوله الوقت انتي اول مره هتعرفيه حالاً وهيبسطك اوي انا واثق
ليله….طيب خلاص نتكلم بعدين.
وليد….بابتسامه جميله صدعتوا مني يا شباب
عشري…..خالص والله كمل و ملكش دعوه بيها
رشيد…احكي احنا معاك بس لو في حاجه تضايق خلاص وقف كلام
وليد….بالعكس والله
عسال…..بصي يا ليله هو انا تقريباً فهمت وليد هيقول ايه و فهمت رد فعلك بس بيتهيألي عادي انه يتكلم لو هو حاسس ان الوضع فعلاً بقي احسن
سلامه….بضحك ايه مخاوي ياعم عسال
وليد…..بابتسامه هو شكله مخاوي لانه واضح انه فهم المهم يعني اميمه كلمتني و قالتلي ليله هتيجي و هنقضي اليوم سوا و تعالي وقتها ربنا كان عالم بيا لان أذمة الشغل دي كان بقالها حوالي اسبوع و كنت علي اخري فا قولت لاميمه مش هقدر و كده قالتلي بس ليله عيزاك و قالتلي اكدي عليه يجي لاني عيزاه ضروري فا روحت و طبعاً كالعاده ليله طول عمرها بتظهر في حياتي وقت الازمات.
ليله….وليد
مسك وليد كفها و ابتسم و كمل كلامه
وليد…..يمكن انا مفتكرش اني وقفت جنب ليله في مره
بصت بتأثر واضح و كانت ساكته خالص.
وليد…لما اتجوزت ليله كانت صغيره لسه و كانت عايشه مع امي و بتدرس لسه و طول عمرها بتشتغل من اعدادي تقريباً عمرها ماقالت لاي حد انها محتاجه طول عمرها عندها عزة نفس فظيعه حتي امي مكانتش بتاخد منها غير بطلوع الروح اعتمدت علي نفسها اعتماد كلي كأنها كبيره و مسؤوله و لما كبرت شويه انا كنت خلفت تقي الكبيره و بعدها البنتين التانين فا طبيعي اي واحد عنده بيت و اطفال غصب عنه حياته بتختلف فا عمري ما وقفت مع ليله لانها عمرها ما احتاجتني و كمان يمكن ليله جدعه زياده عن اللزوم و في كلمه بضايقها طول عمرها بس هو طبع فيها هي حقيقي بميت راجل يعتمد عليها و مسؤوله و تقدر تجيب القرش مكنتش بقف معاها لاني عمري ما حسيت انها محتاجه بس الحقيقه ان ليله هي اللي كانت ديماً تقف معايا و مش انا بس انا واخواتي حتي لما كنت بشتغل يعني مثلاً كانت تعرف اني عليا مصاريف مدرسه للبنات و لسه مقبضتش بمجرد ما تعرف تيجي تديني و تقولي لما تاخد فلوسك سدهم براحتك فكانت ديماً بتشيل عني .
و لما بقي حصل مشاكلي الأخيره دي روحت عند اميمه و قضينا اليوم و اتفاجئت انها عرفت كل حاجه و كان معاها مبلغ كبير قالتلي خليه معاك لحد ما تلاقي شغل وقتها انا كنت ناوي ابيع العربيه بصراحه و رفضت اخدهم بس هي صممت و مرضتس ابيع العربيه و كان كل همها اني محسسش البنات بمشاكلي و مضغطتش علي مها مراتي يمكن اكتر سبب كان مخليني مش قادر امد ايدي واخد الفلوس دي مش فرق السن ولا ان انا الكبير و المفروض ان انا اللي أساعد وانا اللي ابقي واقف في ضهرها بس السبب الاهم ان حقيقي مكانش ليا عين امد ايدي و انا عمري ما وقفت جنبها
ليله….وليد انت لو مسكتش انا هقوم امشي
مسك ايدها اوي و كمل كلامه.
وليد…..ليله كانت فاكره المبلغ ده بسيط بس الحقيقه ان المبلغ ده كان خطوه مهمه في حياتي عشان ابدأ من جديد و يكون فتحة خير عليا و انهارده يا ليله الخاتم ده حاجه بسيطه اوي بالنسبه للي انتي عملتيه معايا و تقدري تعتبريه فرحه او سعاده مش بس بخطوبتك لا ده بالنجاح اللي بدأت احس بيه لما خدت منك المبلغ انا مكنتش عارف اعمل بيه ايه و حقيقي مكانش في اي فكرة مشروع في دماغي ابدأ بيه كنت خايف احط المبلغ في حاجه و تخسر و في نفس الوقت مش عارف لو فضلت اصرف منه هيكمل معايا لحد فين.
و بما ان ربنا رزقني ببنت نسخه من عمتها جدعه و مسؤوله و بميت راجل زيك تقي هي اللي فكرت في المشروع عندها صاحبها جدعها عنده مزارع فاكهه و خضار و فكرت اننا ناخد منه و نعمل بيدچ و نخرج الخضار ده متنضف و متظبط علي الشغل علي طول و خاصتاً لو في موظفين او ناس بتحتاج الحاجه علي طول عشان شغلها وعملنا كده و حتي الفاكه اللي مش موسم بتاعها كانت متوفره و يمكن ده ساعدنا كتير و بعدها باسبوعين في مطعم طلب مننا نورد خضار جاهز و متنضف علي العمايل ده غير طلبات كتير في توفير اكل معين و فجأه لاقينا الدنيا بتوسع مننا و الشغل بقي كتير الحقيقه انا اتفاجئت مش من الشغل اتفاجئت من الفكره نفسها و بصراحه البنات صدموني كنت متخيل انهم مستحيل يفكروا في حاجه زي دي او يتكسفوا خصوصاً بعد المستوي اللي طول عمرهم عايشين فيه او يتحرجوا من صحابهم خصوصاً تقي لان هي انسه كبيره بس زي ما قولت هي ورثت الجدعنه من ليله و طلعت بميت راجل و مش بس كده في تلاته من صحابها انضموا لينا لان الشغل كتر شويه شابين و بنت و الحقيقه ان كل ده بفضل ليله
ليله….متقولش كده والنبي
وليد…..بس دي حقيقه انتي وقفتي جنبي في اكتر وقت كنت فيه تايهه و مش عارف هقدر ابدا منين في السن ده و في المسؤوليات دي كلها و الهديه دي ابسط حاجه افرحك بيها زي ما انتي فرحتيني انا مرضتش اسددلك الوقت اول جزء من الدين اللي عليا لحد ما اقف علي رجلي اكتر بس كان لازم اشاركك فرحتي
ليله….دين ايه يا وليد انت مجنون انا اختك انت ليه عملت كده وليه قولت كده اصلاً
ولبد….لاني وقفت علي رجلي من تاني و مش عيب اني اقول اني وقعت ورجعت وقفت ولا عيب اني اقول ان وقعتي كان ليها سانده من اختي الصغيره
حسان…..بابتسامه بين الاخوات يا وليد مفيش صغير ولا كبير و لا راجل ولا بنت الاخوات نعمه في حياة بعض
سلامه….دي حقيقه علي فكره انا سبب اي حاجه فيها الوقت كان عسال و لولا اللي هو عملوا مكنتش هبقي سلامه اللي انتوا شايفينه الوقت
ابتسم عسال و مسك كف سلامه
رشيد….متضايقيش يا ليله لان زي ما هو قال وقف علي رجله من تاني و مش عيب ان الواحد يقع او يتسند و يلاقي حد قريب منه او من دمه هو اللي يسنده و لا عيب انه ياخد منك لو احتاج عشان احنا موجودبن في حياة بعض عشان نقوي بعض
ايمي…..شوف مين اللي بيتكلم طب خلب حد.غيرك يقول كده يا بتاع المهر
رشيد…..بضحك والله هسكتك قدامهم
ايمي….بضحك لا وعلي ايه بص يا وليد اختك بتحبك و انت بتحبها و ده شئ مفروغ منه يمكن ليله كانت سبب بس في النهايه ده اللي ربنا كاتبه و هي مجبوره غصبها عنها مش برضاها تقف معاك انت لا عاطل و لا اسفه يعني عويل و لا قاعد في البيت الستات اللي بتصرف عليك كلنا عارفين ان طول عمرك شقيان و عملت نفسك بنفسك و نزيه و حنين و انا واثقه ان لو ليله في نفس الموقف انت اول واحد هتقف في ضهرها
وليد….ده اكيد
عشري….هو ده بقي اللي مزعلك يا ست ليله
ليله…..محبش اشوف اخويا مكسور او حاسس بضعف وليد طول عمره حنين و اللي في ايده مش ليه و اللي بيقولك انه عمره ما وقف جنبي ده طول عمره بيعمل حجات تفرحني رغم اننا عمرنا ما اتفقنا بس هو طبعه حنين يمكن اميمه وقمر اقرب ليه بس انا ابقي معنديش اصل لو نكرت حجات كتير عملها عشاني و يمكن هو مش حاسبها وفاكرها بسيطه متتقالش لكن بالنسبالي كانت كبيره اوي.
كانت بتتكلم و عيونها كلها دموع
ليله…..وليد مكانش في عيد ميلاد يعدي عليا وانا صغيره غير لما يعمله و يفرحني كان عارف اني بحب الصور اوي كان لازم كل عيد ميلاد ياخدني يصورني صور كتير و انا فاكره كويس لما كنت اروح الحضانه كان لازم هو اللي يجي ياخدني و يجيبلي شنطه حلويات قد كده كان عاملي مصروف غير مصروف امي لما كان يعرف اني نفسي في اكله معينه لو اخر فلوس في جيبه و هيقضي لاخر الشهر من غير فلوس كان يروح يجيبها.
امي كانت تقوله محدش هيبوظ ليله غيرك كان يقولها محدش ليه دعوه بيها
في رأس السنه افتكر انه كان بيروح يجيبلنا اكل وحلويات و يروح يأجر فيلم او مسرحيه و نقعد نتفرج سوا
كل اسبوع يوم الاجازه بتاعت مدرستنا كان يخرجنا كان بالنسبالي هو ابويا كنت وقتها في ابتدائي و مش مستوعبه لسه اللي حصل بين امي و ابويا كان هو اللي بيمضيلي شهادات امتحانات الشهر.
ولما امي كانت تقولي مش هجيبلك شنطه مدرسه شنطتك لسه سليمه و الفلوس اللي معانا يادوب نقضي بيها الشهر كان يبصلي و يغمزلي و تاني يوم يروح يفتح حصالته و يزود عليها حاجه بسيطه و يجيبلي شنطه جديده عشان مبقاش اقل من زمايلي في العيد امي كانت تروح تجيب لكل واحده فينا طقم و بچامه كان هو وقتها بيشتغل اي حاجه زياده كانت بتجيله بمناسبه العيد كان يروح يزود لبس لينا احنا الثلاثه و مكانش بيجيب لنفسه و لا كان بيرضي امي تجيبله امي عمرها ما رضيت توديني رحله في المدرسه عشان الفلوس و عشان كانت بتخاف عليا نزل دموعها و ابتسمت وافتكر ان لما كنت في اولي اعدادي كان في رحله هموت واروحها هو اللي دفعلي الفلوس و اتفاجئت بيه معايا في المكان راح عشان امي توافق تخليني اروح و تبقي متطمنه عليا.
لما مياده صاحبتي اتوفت و امي عملت فيا كل ده بسبب اني كدبت وخبيت كان مخبيني وراه عشان متطولنيش في حجات كتير و تفاصيل اكتر لو قولتها هتبان انها بسيطه بس الحجات دي ليها ذكري كبيره عندي كنت حاسه بأمان و يمكن فضلت حاسه بالامان ده لحد ما وليد اتجوز طول عمري مكنتش مدركه اوي ان ابويا مش موجود لان هو كان سادد مكانه يمكن خلافاتي انا و وليد بدأت من اول ثانوي و لما بدأت افهم اللي حصل مع امي بس اللي مش هقدر انكره ان طفولتي لو وليد مكانش فيها مكانتش هتبقي كويسه ده غير ان وليد وقت جوازه كان بيجهز نفسه و بيجهز اميمه و لنا جات قمر تتجوز هو كمان ساعد كتير في جوازها و كمان كان سبب في اني اكمل دراستي امي كانت عايزه تجوزني و تطمن عليا باي طريقه و مكنتش هكمل زي قمر و اميمه بس هو قالها لا ليله هتكمل زيي هتساعد نفسها بشغاها ولو قصرت في حاجه انا هساعدها ودي كبيره اوي عندي حتي لو مساعدنيش في اي مصاريف بس كفتيه اني حسيت ان في حد بيدعمني بصتلوا بتأثر و هي دموعها نازله فا انت لو فاكر انك عمرك ما وقفت جنبي او ساعدتني ده عشان انا بدأت شغل من زمان و كنت مكفيه نفسي بس انا واثقه اني لو مكنتش قدرت كنت هلاقيك جنبي فا اوعي تفكر اني ليا خير او جميل عليك ده رد جميل بسيط علي اي حاجه عملتها معايا زمان.
ابتسم وليد وضم ليله من قلبه غمضت ليله عينها بقوه و كانت لاول مره تحس بالامان الفظيع ده طول عمرها محتاجه الحضن ده و ما صدقت لاقته.
ايمي…..بدموع اعمل فيكم ايه ياللي منكم لله تنكدوا عليا وانا داخله علي جواز.
نعيمه…..بدموع ضحكت الاتنين نكد
مسحوا البنات دموعهم في صمت الكل كان متأثر و الشباب كان باين عليهم التأثر مع ابتسامه هاديه.
رشيد….ربنا يخليكم لبعض يارب
عشري…..اخوكي لا اتكسر يا ليله ولا حتي ضعيف بالعكس ده قوي و بعدين عايز اقولك حاجه محدش في القاعده دي خصوصاً الشباب حياته كانت وردي او اتولد في بوئه معلقه دهب حسان ورشيد بدأوها من الصفر اوي سلامه و عسال انتي اكيد عارفه قصتهم كويس و عارفه انهم مبدأوش يشموا نفسهم زي ما سلامه قال غير لما عسال كبر و قدر ياخد ورثه انا وفضل يمكن ظروفنا كانت مختلفه شويه اتولدنا اه و كان في املاك و شغل و اللي تعب بجد ابويا و عمامي و ابو فضل بس كمان احنا مكبرناش بالساهل
و عوايد العرب الراجل يموت نفسه في الشغل و يبدأ من الصفر حتي لو اهله عندهم جبال دهب و الشاب مننا ينحت في الصخر و لو هينام من غير عشاء ينام بس يكون راجل
لو هيقضي شهر بعشر قروش يدبر روحه فيهم بس ما يطلبش يبان مستور و هو العالم بيه ربنا يقول معايا وهو مش عارف بكره هيمشي ازاي .
و انا حكيتلك اللي حصل معايا عشان بس ابني شقتي و استقل بنفسي و قضيت سنين تساوي عمر بحاول اشطب و ارفع اساس و وقتها اخويا الصغير محمود هو اللي قال هيقف معايا و نبني لسليم يعني مش عيب الصغير يقف مع الكبير لو قادر بين الاخوات كل شئ متاح نتعروا قدام بعضنا بس ميدخلش بينا غريب و يسترنا فا اللي بينك و بين اخوكي لا يكسف و لا يضايق
و الراجل وقف علي رجله و شايف ان حقك عليه يقول بكل فخر مين اللي كان سبب في وقفته من تاني
فضل……بينكم في دم يا ليله متفقين او مختلفين طباعكم اشبه بعض او عكس بعض بس في النهايه انتوا اخوات و وقت الضيقه الدم اللي بينكم هو اللي بيتحكم فيكم.
ايمي…..خدي من اخوكي الخاتم يا ليله
ليله…..طيب يخليه معاه و كأني خدته هو الوقت محتاج كل جنيه و بما انك بدأت تقف علي رجلك حافظ علي اللي معاك
وليد….وانا قولتلك ان ده زياده و مش محتاجه
ايمي….ليللللله خدي من اخوكي و اسمعي الكلام بقولك
بصتلها ليله و سكتت
ايمي……يلا خدي الخاتم و اوعي تزعليه اخوكي فرحان افرحي معاه
قامت نادين بهدوء راحت وقفت علي الشباك تعمل مكالمه.
وليد….بابتسامه يلا بقي عايز اخطبك قبل عشري يابت
عشري…..بضحك تستاهلها يا عم وليد و انا راضي يلا يا ليله البسي شبكه اخوكي
ابتسمت ليله بهدوء و خدت منه العلبه و بعدين ضمتوا بحب
ليله….ربنا يخليك ليا يا حبيبي و يوفقك و علي فكره بناتك لازم تفتخر بيهم لان انا نفسي اتفاجئت باللي قولته يمكن انا عارفه ان تقي مش من البنات اللي تتكسف او تضايق من شغل ابوها بس متخيلتش انها تكون هي صاحبه الفكره و مراتك كمان جدعه و اصيله اوعي تزعلها عشان انت عارف كويس مين اللي هيوقفلك ساعتها
وليد….بضحك من غير ما تقولي هي عارفه طريقها كويس و عارفه اني لو زعلتها مين اللي هيقف في صفها.
قربت نادين بابتسامه و قعدت قدام وليد.
نادين……بقولك ايه يا لودي فاضي بكره الصبح الساعه تسعه
وليد…..خير
نادين….معلش بقي مش ليله لوحدها اللي جدعه صحابها كمان جدعان و بميت راجل
بصلها عسال بابتسامه تجنن و فضل شارد معاها و مش فاهم ايه التحول اللي في شخصيتها اللي كل شويه يبهره ده.
وليد….بايتسامه خير مش فاهم هنروح فين و بعدين بكره ليه انتي ناسيه ان بكره خطوبه ليله
نادين…..لا بقولك ايه انا بقول الساعه تسعه و حتي لو مش تسعه سيبك من ليله خالص ده شغل
وليد…..بضحك طب قوليلي شغل ايه
نادين…..بص انا مؤمنه اوي بالاشارات و الرسايل اللي بيرتبها القدر من يومين اتصل عليا واحد بيتعامل معايا و قالي انه عنده مزرعه في المنصوريه للبيع و بعتيلي صورها في الحقيقه ان المزرعه دي كانت هتطلع من عيني اولاً هي مش ناقصها حاجه و ماشاء الله لا في خضار ولا فاكهه مش مزروعين فيها ده غير ان في مكان مخصص لتربيه مواشي وطبعاً هي عجبتني كا شكل و مكان يريح الاعصاب بس انا لا ليا في الزراعه و لا اقدر اهتم بحاجه زي دي و إلا كنت خدتها انا والبنات انت عارف مكنتش هقول لا بس طنشت الموضوع و قولت هعرضها و اشوف لو في مشتري و معملتش كده عشان زب ما انت عارف كلنا مشغولين الفتره دي و بننزل كتير و كل واحده فينا بتجهز لمناسبه خاصه سواء ليها او لينا كلنا بس لما انت اتكلمت الوقت و قولت علي المشروع و قولت كمان انكم بتاخدوا حاجتكم من جد صاحبه تقي قولت طب وليه تاخدوا من حد غريب وبسعر عالي لما ممكن يبقي عندكم مكان خاص انا اتصلت الوقت علي الشخص ده و سألته لو ينفع نروح نشوفها و عرفتوا ان المزرعه دي هتبقي ليا قالي تعالي بكره شوفيها علي الطبيعه و هنتكلم في السعر فا ايه رأيك نروح الصبح نشوفها.
رشيد….اوباااااا نودي سخنت و ما صدقت الشغل وقع تحت ايديها
فضل…..طب والله حلو وفكره
وليد….استني بس هو حلو وفكره و كل حاجه بس مزرعه و في المنصوريه و انا لسه بقولك انا يادوب ببدأ يعني مستحيل اقدر اوفر واحد في الميه حتي من تمنها
نادين….ملكش دعوه بتمنها انا هشاركك بتمن الارض و انت بشغلك و المجهود يمكن مش معايا المبلغ المطلوب بس هنظبطها و هدخل البنات معايا باللي يقدروا عليه.
وليد….بابتسامه صدمه ايوه بس يا نادين انا شايف ان خطوه زي دي لسه بدري عليها اوي يمكن دي حاجه حلوه و يمكن هتساعدني كتير بس كمان انا لسه معنديش الشغل او الطلبيات اللي احتاج عليها مزرعه.
ايمي…..حلو و بما ان مش ليله و نادين بس اللي جدعان اختك في ضهرك و انا جدعه اوي خد بالك و بما ان انا والبنات عندنا المطعم بتاعنا و بجيب طلباتي من اكتر من مكان اعتبر اني مضيت معاك عقد طويل الامد بأن انت اللي هتوردلنا كل طلباتنا في المطعم من خضار لفاكهه و بما ان هيبقي في مواشي يعني هنحتاج منك لبن زبادي للعصاير و جبن و حجات كتير و حتي اللحوم و من بكره مؤقتاً لحد ما نشوف موضوع المزرعه ده هبعتلك قايمه باحتياجاتي للمطعم طل اسبوع من فاكهه لخضار و هسالم منك كل بوم جمعه اشطا
وليد…..بابتسامه اشطا اوي علي الشغل بتاع المطعم بس المزرعه بردوا لسه.
عشري…..بابتسامه طيب نوسع الشغل اكتر عشان طلبياتك تبقي اكبر انا عندي نفس المزرعه دي بس بتورد لسيناء للمافيهات بتاعتنا هناك و دي خاصه بيا انا وفضل و يادوب بتوفر طلبات الكافيهات هناك وهنا احنا بندبر نفسنا بالعافيه و بيني وبينك انا عانل مخزن ثلاجات في كل كافيه واخده مساحه و المساحه دي انا محتاجها جداً في توسيع المكان يعني لو في حد ثقه يقدر يوفرلي طلباتي دي يومياً مش هحتاج المخازن و المساحه هتنفعني في توسيع المكان اللي شغال حالياً ثلاث كافيهات و قريب الرابع و ده هيبقي اكبر مساحه و هيحتاج خزين كبير و انا زي ايمي من بكره هبعتلك قايمه المشتريات او الحجات اللي بنحتاجها و هيبقي التعامل بينا دايم
فضل….بابتسامه وليه بكره القايمه معايا علي التليفون هبعتهالك
عشري….ولو موضوع المزرعه ده مشي زي ما نادين قالت هعملك جزء ثلاجات نفس النظام اللي عامله في الكافيهات عشان نحفظ بيها فاكهه الموسم و انا بستهلك لبن و زبادي كتير اوي يعني فكرة نادين مش وحشه خالص لو قدرتوا تعملوا في المزرعه دي جزء خاص بالطيور تبقي حلتلنا ازمه تانيه لاننا بنستهلكهمش كتير و بنستهلك بيض كمان
نادين….بابتسامه موجود يا عشري مكانهم و مش بس كده العمال اللي شغالين في المكان هيفضلوا اولاً مش هنقطع رزقهم ثانياً هما عندهم خبره
عشري….حلو محلوله
وليد…..بابتسامه يا جماعه كل ده حلو بس يعني انا اخاف اتحمس و المشورع ميظبطش او يبقي اكتر من احتياجاتنا
نادين….بص يا وليد ادام ناويت انك تغير جلدك و تشتغل في مجال مش مجالك يبقي تدوس بقلبك قبل رجلك المشروع كا بدايه انت قولت تمام و حلو و اهو عندك اربع اماكن جداد واحد لينا وتلاته ليهم
عشري….تلاته مؤقتاً الرابع شهر بالكتير
نادين….اهو و ليك عليا اعملك احلي دعايه ماهو التسويق ده لعبتي يعني اقل من سنه و بدل ما تكون شغال علي كام مطعم وكافيه هتبقي مش ملاحق
حسان…..طيب نصلي علي النبي كده
الجميع….عليه الصلاه و السلام
حسان…..انا هقترح اقتراح و ده طبعاً لو نادين والبنات وافقوا و انت كمان يا وليد
نادين….قول يا حسان
حسان….انا كلمتك من فتره علي شقه عشان معايا مبلغ حابب يعني احطوا علي جنب طبعاً انتي نفضتيلي بس مش مهم
نادين….بضحك لا والله بس اللي قدامي مش مناسب اوي
حسان…..تمام هي يمكن يكون التأخير كان ليه سبب و بما ان لسه محصلش نصيب فا انا لو موافقين هدخل معاكي يا نادين بالمبلغ ده شريك في المزرعه
نادين….بابتسامه تجنن موافقه طبعاً ايه يا وليد اياك ترفض الموضوع متسهل اهو و صدقني انت اكيد عارف اني مش.بتحمس لاي حاجه غير لما بكون واثقه منها
عسال….طيب ضيفوا معاكم كافيه تاني بتاع مصطفي اخويا
نادين….انتوا استقريتوا علي المحل اللي قولتلك عليه
عسال….مصطفي اختار واحد بتاع مصر الجديده و عحبوا و المفروض اننا هنمضي معاه العقد و شهر ونص بالكتير و يكون المكان مفتوح و بما ان مصطفي تخصصه حلو وبس يعني الفاكه كلها عليك و اللبن و البيض يعني مكان جديد اهو
نادين….قولت ايه ياوليد اوعي تفكر كتير ده رزق و شغل
وليد….بأبتسامه و لغبطه قولت لا إله إلا الله انا مش عارف اقول ايه بجد
ايمي…..قول موافق ابويا و بما ان الكل متحمس و بما ان في واحد مطلع عيني و مش راضي يسمع كلامي فا انا هدخل انا ورشيد معاكم بمليون جنيه
رشيد….ابتسم مالك ومال رشيد الوقت دي فلوسك و مليش علاقه بيها
ايمي….لا ما احنا هنبقي شركاء في كل حاجه مش جواز بس و خد بالك انا رخمه في شغلي يعني الدلع مليش فيه قولت ايه يا عم وليد خد بالك ابويا وامي هيفرحوا اوي بالمزرعه دي و هتلاقيهم هناك علي طول
ايه….وبابا والله بيحبك الجو ده هو وانكل عادل صح يا نوني
نعيمه….صح يعني من الاخر كده هيبقي في مراقبه علي طول للمكان
عسال….بابتسامه هاديه و رزانه تجنن و انا و سلامه هنشارككم بحاجه ممكن تكون تاهت عن بالكم هنوفرلكم اربع عربيات تنقلوا فيها الشغل و لما الدنيا توسع اكتر هنزود اكتر و هتبقي خاصه بس بالشغل
نادين….بابتسامه صح العربيات
بص وليد لليله اللي كانت ساكته و مبتسمه و قلبها ده طاير من جدعنه صحابها و جدعنه الشباب
وليد….انتي ساكته ليه قولي حاجه
ليله….اقول ايه البنات قالوا كل حاجه هما و الشباب و لو انت مصدوم شويه فا انا مصدومه اكتر من جدعنتهم تقولي مبلغ و مش عارف ايه شايف الجدعنه اللي بجد بقي
ايمي….احنا اخوات يابت و طول عمرنا بنتشارك
نادين……بابتسامه ودي هتبقي اول مره نتشارك كلنا مع بعض يلا قول موافق خلينا نروح الصبح نشوفها عشان نلحق ناخدها ونمضي العقد قبل ما حد ياخدها مننا
وليد….انا مش عارف بصراحه اقول ايه
عشري…..موافق طبعاً و انا بكره هاجي معاكم لو حابين
نادين…..هو انا عايزه بصراحه اقولك تعالي عشان موضوع الثلاجات اللي قولت عليه ده بس مش عارفه اجيبهالك ازاي خايفه ليله تموتني انت بكره عريس
عشري…..لا عادي لو هتروحوا فعلاً الصبح بدري يبقي تمام
نادين….بضحكه جميله علي فكره في نخل و في تمر عشان القهوه بتاعتك
عشري…..طيب حلو اوي و بما ان في نخل يبقي كده انضم معانا اهم شريك في الليله دي كلها التمور اللي هتطلع من النخل ده هتكون لله و المبلغ اللي هيطلع من بيع التمر هيروح لله كله و اي تمر انا هحتاجه في شغلي هدفع تمنه موافقين
نادين….طبعاً
ايمي….اكيد
وليد….بيتهيألي كده واضح ان هيبقي المشروع ناجح بعد اهم شراكه دي
عشري….بابتسامه اللي فيها لله مبتغرقش
حسان…..و انا خلال اسبوع بالكتير هكون حاضر بالمبلغ
نادين….هو كده كده قالي ممكن المبلغ يتدفع علي شهرين يعني اللي معانا هندفعوا لحد ما نكمل المبلغ
عشري…..كام المبلغ يا نادين المطلوب و المساحه قد ايه
نادين….لا هي كبيره حوالي الفين فدان
عشري….ماشاء الله حلو اوي طيب السعر
نادين….هو قال 18 مليون و اكيد هينزل شويه و المزرعه جاهزه بالكامل فيها بير مايه و فيها خط ري جاهز و كمان فيها محطه توليد طاقه شمسيه
عشري…..مستحيل تتساب دي لو بالمواصفات اللي بتقولي عليها عموماً مش هنحتاج شهرين ولا حاجه شوفوا المبلغ اللي معاكم هيكون كام و الباقي انا هدفعه
فضل…..معاك يا خوي
وليد…..بابتسامه تجنن هو انا اللي اتحمست ولا انتوا
عشري…..انت رزقك واسع و هقزلك سر فلوس ليله حلال هي مرزقه من وقت ما عرفتها و الله مش كلام و يمكن قولت الكلام ده لفضل و انا كل يوم احسن من اللي قبلوا
عسال….بضحكه جميله هو عشان نكون حقانين اكتر البنات وشهم حلو علينا كلنا و اكيد الشباب ملاحظين ده
ايمي….بصحك بقولك ايه لو معاك فلوس تاني مش عايزها هاتها مس هقولك لا ده انا طلع وشي حلو عليك و معرفش يعني ليا نصيب في رزقك
رشيد….بضحك عاجبكم كده اهي طمعت
ضحكوا كلهم و بصت ليله بحب لعشري و فضلت ساكته.
نادين…..تمام يبقي اتفقنا و بكره هتيجي معانا يا عشري و اكيد ميدو و طبعاً اللي فاضي فيكم و بيفهم في الموضوع ده يجي
حسان…..هروح معاكم
رشيد….انا مش هقدر
سلامه….وانا مفهمش اوي بس معاكم في اي حاجه
ايمي…..خلاص كفايه عشري و ميدو و حسان و وليد
عشري….علي خيره الله طيب بقولك ايه يا نادين عرفتي ايه الورق اللي معاه ولا لا انا كده كده هسألوا بكره يعني بس لو في حاجه عرفيني
نادين….هو اكيد في عقد ملكيه و الضرايب و كل الحجات دي
عشري…..طيب عقد ملكيه مسجل في الشهر العقاري و لا ده عقد ابتدائي.
نعيمه….هي بتفرق
عشري….طبعاً بتفرق
نادين…..اكيد بتفرق لو عقد ملكيه يثبت ان الارض بتاعته بتبقي متسجله عادي في الشهر العقاري انما لو كان عقد ابتدائي يبقي لازم نعرف تسلسل الملكيه من اول نالك للارض لحد البايع الحالي و هو الحاج نصر
عشري…الله ينور مركزه يا نودي
ابتسم عسال بهدوء و هو مبسوط بيها اوي
ليله….لا بقولك ايه نادين قرده في الموضوع ده احنا كلنا بنمشي وراها واحنا مغمضين
نادين…..متقلقش يا عشري كل حاجه تمام واللي انا متأكده منه ان الارض دي بتاعته و هو قالي علي اوراق كتير اوي
عشري……تمام المهم كمان يكون كشف ضريبي للارض ده بيبن لو يعني الارض عليها نزاعات او مرهونه او لو عليها تحكام قضائيه
و كمان هحتاج كشف مساحي عشان نتأكد من مساحة الارض بالظبط و نشوف لو فيها تعدي من الجيران اللي حواليه كده يعني.
نادين…..انا عموماً عندي محامي متقلقش هسأله في كل الحجات دي عشان لما نعمل مخالصه نبقي متطمنين من كل حاجه
عشري…..وانا كمان عندي محامي عموماً هنشوف مع بعض
فضل….طيب محتاجين اجي معاكم بكره او حاجه
عشري….لا خليك انت يا فضل انا بروح وبرد ثاني
فضلوا يتكلموا و يتناقشوا.
وليله بصاله بنظره تجنن قربت منها ايمي بهمس.
ايمي…..بأبتسامه هتاكلي الراجل بعينك يا منيله اخوكي قاعد
بصتلها ليله و ابتسمت
ليله….عليه واحده فضل هتجيب أجلي يا ايمي مش بيقول فضل زينا عادي لا لا هيموتني
ايمي….بضحك والله انتي مصيبه طيب وقفتي علي فضل عديتي كده ثاني اللي قالها
ليله…..بضحك لا وقفت والله عندها احنا بنقول تاني عادي هو لا بيقول الحروف المظبوطه يا ايمي هموت منه
ايمي…..بضحك انا بقول نخلي بكره كتب كتاب ودخله بدل ما حالتك تدهور اكتر من كده
ليله….اه شوفولكم حل بقي احسن انا مش مسؤوله علي اللي هعملوا فيه او اقولك خدوا من قدامي الفتره دي
ضحكوا هما الاتنين بصلهم عشري بابتسامه و هو رافع حاجبه و مال بضهره لقدام عليهم و همس بهدوء.
عشري…..مش عارف ليه مش متطمنلكم انتوا الجوز بتنموا علي مين
ايمي…..بضحك عليك اكيد
عشري…..بأبتسامه بص لليله خير
ليله….عليك واحده وفضل يا بلطجي هتوقف قلبي
ضحك عشري بهدوء و بصلها بنظره تجنن
عشري….ايه حلوه
ليله…..ارحم امي
ايمي…انا بقولك نجوزكم و نخلص البت حالتها بقت في النازل
عشري…..بضحك وانا موافق .
………
ايه بصت علي سلامه لاقته ماسك الموبايل و بيضحك
ايه…..خير بتضحك مع مين
سلامه….مفيش والله ده واحد صاحبي باعتلي نكته
بصتلهم نعيمه و ابتسمت بهدوء
ايه….نكته ايه.
سلامه…..بضحك اسمعي يا ستي واحد محشش كان معجب بجارته اللب جوزها مات راح خبط عليها في نص الليل فتحتله و شافها من غير ميك اب من الصدمه معرفش يقولها ايه قام قالها مفيش اخبار علي المرحوم.
سمعت نعيمه النكته رنت الضحكه كلهم بصولها و ابتسموا و بصلها فضل بغضب
ايه……. بضحك مرحوم مين
سلامه….بضحك ماهو محشش بقي
ايمي…..العب يا وحش
فضلت تضحك نعيمه مع سلامه و ايه و في نفس الوقت كانت مرعوبه من نظره فضل ليها اللي بصلها و منطقش..
مر الوقت بسرعه و قام وليد سلم عليهم عشان يمشي
قرب من ليله بهمس .
وليد….ايه انتي مش ماشيه ولا ايه
ليله…..لا خلاص هنمشي هشوف بس ايمي هتعمل ايه
وليد….طيب يلا و لا عجباكي القاعده
ليله…..بابتسامه ايه يا لودي غيران عليا ولا ايه
وليد….بابتسامه اه يا اختي غيران عليكي و اخلصي بلاش دلع بنات
ليله….بضحك ماشي يا سيدي همشي خلاص متتأخرش علبهم بكره
وليد…..لا متقلقيش
سلموا علي بعض مشي و ليد و بعد كده الكل بدأ يمشي واحد وراء التاني مفضلش موجود شويه مع الشباب غير ايمي و رشيد.
و مشي فضل مع عشري من غير ما يعلق ولا يقول حاجه لنعيمه.
بعد حوالي ساعه اتصل فضل عليها.
نعيمه….الو
فضل….ايوه يا نعيمه انا وصلت خلاص البيت
نعيمه….طلعت
فضل…..بقولك وصلت البيت ابقي طلعت ولا لا
نعيمه….طيب براحه شويه كنت بحسبك هتفضل شوؤه في الكافيه
فضل…..لا طلعت خلاص
نعيمه….هتعمل ايه
فضل….خاد دش وانام
نعيمه…..امممم طيب هو انت مالك
فضل…امممم هنقضيها استعباط وكده اقفلي احسن لان انتي عارفه مالي كويس
نعيمه….بضحك والله سلامه اللي ضحكني
فضل…..يعني عارفه اهو انا مالي
نعيمه….عارفه اكيد و بصتك دي وترتني بس والله سلامه قال نكته و ضحكني
فضل….طيب تمام مش انتي مبسوطه و النكته عجبتك خلاص
نعيمه…..بطل رخامه بقي و بعدين دي ضحكتي يا فضل اعمل فيها ايه
فضل…..ولا حاجه متعمليش
نعيمه…..طب انت هتفضل زعلان
فضل…..مش زعلان هزعل من ايه اظن احنا اتكلمنا في الموضوع ده قبل كده و عرفتي انه بيضايقني و بتكرريه تاني يبقي زعلي مش فارق معاكي
نعيمه….يا فضل والله العظيم مش عارفه اغير ضحكتي يعني ربنا خالقني كده اضحك ازاي طيب
فضل…..اتحكمي في نفسك يا نعيمه ووطي صوتك مش تضحكي زي الرقاصين كده
نعيمه…..بابتسامه انا رقاصه يا فضل
فضل….اه ماهي دي مش ضحكه حد طبيعي
نعيمه…..تفتكر انا كنت هطلع رقاصه و منفعش
فضل…..انتي بتهزري صح
نعيمه….بضحك طب اعمل ايه عايزه افكك شويه
فضل…..طب يلا امشي خليني اروح اشوف هعمل ايه
نعيمه……طيب قولي انك مش زعلان
فضل….لا مش هقول عشان زعلان
نعيمه…..يعني هتنام و تسيبني زعلانه
فضل…..لا والله هو مين اللي المفروض يزعل
نعيمه…..انا عادي هو مش انا بني ادمه
فضل…..طب امشي يا نعيمه خليني هادي كده عشان مزعلكيش
نعيمه…..طيب بحبك
فضل….شكراً
نعيمه….لا بقولك بحبك
فضل….وانا كمان
نعيمه…..بموت فيك
فضل….بهدوء و تنهيده وانا كمان
نعيمه….هات بوسه
فضل….اموووه
نعيمه…بابتسامه قولي متزعليش
ابتسم غصب عنه و سكت
نعيمه….بضحك يلا قول و متضحكش انا شيفاك
فضل….انتي عارفه انك رخمه صح
نعيمه….بابتسامه هاديه ممكن شويه بس والله بحبك و مش بحب اشوفك زعلان
فضل….طيب عشان خاطري لو مش لتحبي تشوفيني زعلان بجد يبقي تحاولي تتحكمي في ضحكتك دي
نعيمه….حاضر اوعدك احاول بس كمان مش كل مره تزعل مني لان دي حاجه غصب عني
فضل….تمام بس تقدري توطي صوت ضحكتك بلاش ترني الضحكه للاخر نعيمه انا مش عايز اي حد يبصلك بصه مش حلوه يمكن الموجودين كلهم صحابنا بس كمان انا محبش انك تحطيني و تحطي نفسك في الموقف ده تاني ممكن
نعيمه…..حاضر متزعلش بقي
فضل….ماشي يا ستي مش زعلان و بحبك يا رقاصه
نعيمه….بضحك و انا بموت فيك يا قلب الرقاصه.
فضل….يلا هروح اخد دش وانام تصبحي علي خير يا قلبي
نعيمه…. انت من اهل الخير باي يا حبيبي
فضل…..باي.
………………
نادين…..يعني ايه متفاجئ ؟
عسال….يعني متفاجئ يا قلبي ليكي شخصيات كتير بتبهرني جد في المواقف اللي بتحتاج تكوني فيها جد عمليه و سيدة اعمال قد الدنيا وقت اللزوم اكتشفت كمان انك بجد بتحبي شغلك وذكيه و بتعرفي حجات كتير انا نفسي مش عارفها او مش بركز فيها اوي كمان اتبسطت من موقفك مع وليد انا عارف انك جدعه بس شوفت ده انهارده و الاهم من كل ده انك بريئه وطفله معايا يعني ميكس كده بحبه اوي
نادين…..بابتسامه بجد
عسال….بجد يا عمري و فخور بيكي اوي يا احلي بنوته في الدنيا
نادين….بحبك يا ميدو
عسال…..وانا كمان ياقلب ميدو
نادين….يلا روح نام بقي عشان بكره تقدر تيجي بس لو مش هتقدر متجيش و بيتهيألي يبقي احسن
عسال….بابتسامه ايه ده القلبه دي انتي مش عيزاني اجي
نادين….بضحك لا مش كده بس يعني بكره هيبقي الموضوع عملي جداً و انا في الشغل ببقي جد و مركزه و انت في العادي بتوترني و خايفه اتوتر بسببك
عسال….بابتسامه لا مش هوترك ولا هبصلك ولا هتكلم خالص اتفقنا
نادين….ماشي اذا كان كده يبقي اتفقنا
عسال…..يلا روحي نامي بقي و الصبح هعدي عليكي
نادين….تمام يا عمري تصبح علي خير يا احلي بابي في الدنيا
عسال….وانت من اهل الخير يا قلب و عمر بابي باي يا تويتي
نادين….باي
………………….
في صباح يوم جديد اتقابلوا كلهم وراحوا علي المزرعه عسال عدي علي نادين و عشري عدي علي حسان و وليد كان وراهم
قعدوا مع صاحب المزرعه اتكلموا معاه عرفوا سبب البيع و بدأ عشري يسألوا عن كل الورق و اتفاوضوا شويه في السعر و طريقه الدفع.
و عسال كان مبهور اكتر بنادين قد ايه هي جد و عمليه جداً و عندها درايه و خليفه فظيعه في مجال البيع والشراء و التسويق بشكل عام فاهمه في كل حاجه عارفه ايه المطلوب و ايه اللي المفروض تهتم انها تسأل عليه.
عشري….طيب ياحاج نصر احنا مبدأياً كده موافقين و اكيد مش هنختلف بس لو زي ما بتقول بكره ممكن نتاقبل مع المحامي و نخلص الورق فا انا حابب الاول اسألك علي شويه ورق مهم المحامي قالي عليهم يعني لازم يكونوا معانا عشان منرجعش ندوخ عليهم
نصر…..مش هتدوخ علي اي حاجه انا معايا مل الورق اللي يطمنك و يثبت ان الارض لا عليها مشاكل ولا في اي حاجه انت هتخلص معايا و هتستلم المزرعه زي ما انت شايفها كده كامله من مجاميعوا يادوب هتحط رجلك فيها بس هي مش محتاجه اي حاجه تاني.
نادين…..طيب يا حاج نصر حضرتك قولت ان كان في اكتر من مالك و معاك مخالصات تثبت انها بقت بتاعتك فا انا محتاجه معلش اشوف سندات الملكيه السابقه بتسلسل الملكيه واكيد حضرتك عارف ان من حقي اتاكد اني هستلم المزرعه من المالك الحقيقي اللي هو حضرتك و ان مفيش انقطاع او بيع باطل في السلسله دي
نصر….طبعاً حقك وادي يا ستي الللللورق اهووووو شوفيه براحتك هي اتنقلت من اثنين كانوا اخوات وانا اشترتها منهم سنه 2000 كله قدامك بالتواريخ.
لبست نادين نظاره نظر كان شكلها يجنن نظرات عسال ليها كانت نجنن اكتر
بصت نادين علي الورق و هزت راسها بهدوء و مدت ايدها بالورق لعشري.
نادين…..طيب في ورق إفاده من الجمعيه الزراعيه ؟
نصر….اه موجود امسكي اهو وبيثبت قدامك ان المزرعه لا عليها رهن و لا عليها قروض
بصت نادين علي الورق و بعدين مدت ايدها تاني لعشري
نادين…..طيب لما اشتريت الارض دي كان في توكيلات بيع
نصر…..كان في توكيل بيع من واحد من الاخوات لان التاني كان مسافر و هو كان معاه توكيل من اخوه بيوافق فيه علي بيع الارض دي
نادين….طيب معاك لان زي ما انت عارف يهمني اشوف اذا كان تاريخ التوكيل ساري لحد الوقت ولا لا
نصر…..اه معايا بس متقلقيش التوكيل مش ساري خلاص و بعدين بقولك انا واخد المزرعه من سنه 2000. و من وقتها خلاص معرفش عنهم حاجه
نادين…..تمام ممكن اشوفه
نصر….اهو اتفضلي
عشري…..طيب في شهادة براءة ذمه من الضرايب
نصر….اه في كله خلصان و المزرعه مش عليها اي ضرايب بفضل الله اتفضل
بص عشري عليها و بعد ما اتطمن مد ايده بالورق لنادين.
نصر…. ده كمان كشف رسمي من الضرايب بتثبت كلامي ان الارض سليمه و مش عليها اي حاجه
نادين…..الورق ده كله متنساش منه اي حاجه لاننا هنحتاجه بكره كمان هنعمل محضر تسليم فعلي عشان نقدر نستلم منك المزرعه بشكل طبيعي
نصر…..مفيش مشكله مش هنختلف قوموا بقي كده بصوا بصه تانيه علي المزرعه و اتاكدوا من كل حاجه بنفسكم و طبعاً تقدروا تزوظوا او تعملوا اي حاجه فيها زي ما تحبوا بقي تعالوا يلا خليني افرجكم عليها
عشري….طيب الاول خلينا نتفق علي طريقه الدفع زي ما قولتلك هتاخد المبلغ علي دفعتين دفعه اولي بمجرد ما نكتب العقد و ورقنا يكون رسمي و متسجل و الدفعه التانيه هتبقي بعد اسبوع بالكتير يكون المبلغ اتحول احسابك لان اكيد حضرتك عارف مبلغ كبير زي ده محتاج موافقات بنكيه
نصر….وانا قولتلك مش هنختلف يا استاذ عشري يعني ده مش اول تعانل بيني و بين الانسه نادين هي عارفه كويس اني بثق فيها و شهادة حق هي التعامل معاها زي السيف
نادين….بابتسامه شكراً يا خاج نصر اكيد مش هنختلف طبعاً يلا خلينا نقوم نشوف المزرعه
قام الجميع و بدأوا يتفرجوا عليها مساحتها كانت كبيره موقعها كان يجنن المنظر نفسه كان فظيع.
بعد ما خدهم نصر فرجهم اتفرقوا كلهم و كل واحد فيهم كان بيتحرك براحته و بيتفرج
قربت نادين من حسان بابتسامه
نادين….ايه يا حسان ايه رايك
حسان….تجنن والله انا مكنتش متخيلها كده خالص
نادين….يعني عجبتك
حسان…..جدا جدا جدا و علي فكره هي يتعمل فيها حجات كتير و ماشاء الله المحاصيل اللي فيها محتاجه كافيها ومطاعم كتير مس بتوعنا بس
نادين….دي بتاعتي انا بقي حتت التسويق دي و قريب بأمر الله هنبقي محتاجين نزود المحاصيل اصلاً
حسان….بابتسامه بس اقولك علي سر
نادين….قول
حسان…..انا خوفت منك و اتفاجئت ده انتي طلعتي شاطره اوي
نادين….بضحك لاني بحب شغلي و بعدين انا في المجال ده من سنين يا حسان
حسان….لا بس بجد براڤو عليكي
نادين….بضحك بقولك ايه دوقت الفراوله
حسان….بضحك تجنن والله اصلا كل الفاكهه اللي حاطتها تحسي طعمها مختلف عن الفاكهه العاديه بتاعتنا
نادين….لانه مش بيرش كيماوي و لا بيستخدم اي مبيدات يعني كله بيور
حسان….بضحك بقولك ايه انا عايز اجي مره اقطف الخضار من الارض شكله حلو اوي
نادين….بحماس وانا كمان هنيجي ان شاء الله كلنا و نقضي يوم هنا
حسان…..ان شاء الله
قربوا الشباب منهم عشري و وليد و حسان.
عشري….ايه الاخبار
حسان…..صراحه تجنن يا عشري
عشري…لسه بقول لوليد يعني لحد امبارح كنت شاكك شويه في الصور اللي فرجتنا عليها نادين و بعدين كنت شايف ان المساحه مع الصور دي مستحيل تكون بالتمن ده بس طلع كله مظبوط
وليد….انا كمان بصراحه اتفاجئت و كنت قلقان يكون فيها مشكله في الورق بس واضح ان الورق كله سليم انا لو عندي مزرعه زي دي بصراحه مش هفرط فيها
عسال…..هو قال انه تعب و محتاج يرتاح و كمان ولاده حابين يعملوا شركه هندسيه و هو محتاج يتطمن عليهم
عشري….بصراحه هي لقطه و متتسابش مبروك علينا يا شباب و تسلم ايدك يا نودي طلعتي مجرمه و مش سهله زي ما البنات قالوا
نادين….بابتسامه الله يبارك فيك يا عشري مبروك علينا كلنا المهم قولولي في اي حد عنده استفسار او تعليق
وليد…انا لا بصراحه
حسان….ولا انا عجبتني اوي و حاسس ان الشغل من وراها بصراحه هيكون مميز اوي
عسال…..وانا كمان لو المزرعه دي اشتغلت صح هتنقل شغلنا في مكان تاني
نادين……ثلاث سنين بالظبط ده التارجت اللي انا عملته في دماغي و هنقدر نرجع المبلغ بالارباح
عشري…..لا خلاص بقي انا مش هفكر تاني معانا عقل جامد ماشاء الله
نادين….بابتسامه طب ايه مش يلا بقي عشان تلحق ترتاح يا عريس
عشري…ماشي بكره هيكون معانا المحامي و هنتقابل بدري مش عايزين نتأخر عشان انتي عارفه ان ليله و اهلها هيكونوا موجودين
نادين….متقلقش مش هنتأخر يلا بينا
مسك عسال كفها و مشيوا سلموا علي الراجل و اتفقوا و بعدين اتحركوا.
…………….
في مساء اليوم علي الساعه ثمانيه و نص الكل كان موجود في المطعم معادا عشري و ليله و نعيمه و فضل
راحوا عشان يجيبوهم و بحكم ان نعيمه قاعده معاها فكانت طبيعي تبقي معاهم.
عشري وصل اهلوا علي المطعم و عرف والدته علي اهل ليله و الجميع و عرفهم كمان علي اخواته و اهل نعيمه اتعرفوا علي والدته و اخواته
و الجو بينهم كان جميل و بعدها مشي عشري و فضل راحوا يجيبوا البنات.
ليله كانت متوتره جداً و مش علي بعضها و مستنيه عشري.
وقت بسيط و وصل عشري و وفضل و طلعوا ياوا البنات كان شكلهم يجنن و عشري و فضل كان شكلهم يقتل ليله كانت متوتره و مش عايزه تنزل و هما قاعدين يضحكوا عليها كان باين علي نعيمه كمان التوتر لانها هتتعرف علي اهله لاول مره مكانتش تعرف ان هي كمان هتتخطب و بعد محاولات من عشري لليله هداها و نزلت معاه و راحوا علي المطعم.
وللحديث بقيه………
