لقاء كارثي
لقاء كارثي 39/40/41
لقاء كارثي
أميره أسامه
صاحبة البطل الواحد
~° البارت الحادي و الاربعون°~
……………….
في العربيه عند عشري و ليله
كان ماسك كفها و مشك صوابعها في صوابعه و كل ثانيه يبوس كفها بحب كان مبسوط اوي و كان هيتجنن من جمال ليله كانت حلوه بشكل مش طبيعي في الفستان رغم انه مكانش بردوا راضي عنه اوي.
ليله….بأبتسامه شكلك حلو اوي
عشري….انتي اللي زي القمر بس قوليلي بقي انتي متوتره اوي كده ليه
ليله….بابتسامه باين عليا ؟
عشري….اوي بس ليه كل ده يا قلبي
ليله….اممم مش عارفه حاسه اني متاخده و متوتره شويه بصراحه المواقف دي غريبه عليا
عشري…..امال هتعملي ايه بقي في الفرح
ليله….يمكن اكون خدت علي الوضع شويه و بعدين يمكن عشان دي اول مره هشوف فيها أهلك
عشري….متقلقيش هتحبيهم و خاصتاً امينه
ليله….بضحكه جميله اهي دي بالذات اللي موتراني
عشري….بضحك ليه بس ؟
ليله….معرفش بس يعني اسمع ان الستات الصعيديه بيبقوا شداد كده و بيعملوا فيها حموات و طبعهم صعب و بعدين انا مش بتحمل و لساني طويل يعني ممكن منسلكش مع بعص و هبوظلك الجوازه لاني مبسترش
عشري….ضحك وضربها بخفه علي راسها لسانك هيطول علي امي
ليله….بضحك طب اعمل ايه مبقدرش اسكت
عشري….و بتقولي عني بلطجي يا بلطجيه عموماً يا ستي متخافيش
ليله…..بضحك اخاف لا انت فاهم غلط انا خايفه عليها مني
عشري….بضحك رفع حاجبه ايه هتبلطجي علي امي اياك
ليله….بضحك مش كده يعني خلاص امونه حبيبتي بردوا
عشري….بنظره تجنن ابتسم لا والله هتحبيها امي طيبه يمكن هي صعيديه بصحيح بس صعيديه طيبه و قلبها حنين يعني متقلقيش طبعها مش صعب و بعدين هي لو طبعها صعب كانت اتجوزت ابويا
ليله….بضحك هو انا ليه حاسه انك حاطت ابوك في دماغك
عشري….بضحك لا والله بس بقلق منه مش مضمون اصله
ليله…..انا بقي مبسوطه اني هشوفوا
عشري….بضحكة غيظ اسمعي تسلمي و تبعدي عنه انا بقولك اهو
ليله….بضحك بذمتك في حد يغير من ابوه
عشري….ايوه انا لأني حافظه
ضحكت عليه و بعد وقت مش طويل اوي و صلوا علي الساعه تسعه بالدقيقه بصت علي المكان من بره بتوتر كان باين انه زحمه جوه و في شويه شباب واقفين بره مع بعض بيشربوا سجايؤ
عشري…..وصلنا يا عروسه
ليله….عشري استني انا بجد متوتره اوي
عشري….بضحك خيرررررر يا بلطجيه عيشت وشوفتك كيف القطه
ليله…بابتسامه غيظ خد بالك هزعلك هاااا
عشري….بابتسامه وليد اخوكي جاي علينا اهو
ليله…..ايوه هو وليد اللي هيفك التوتر ده
عشري….اشمعني
ليله….يعني يدخل معايا
عشري….رفع حاجبه بغيره وانا بعمل ايه ان شاء الله
ليله….بضحك لا بقولك ايه مش وقتك خالص و لا وقت غيرتك من خلق الله انا حالتي صعبه
عشري…..بابتسامه ماشي يساويها ربنا
فتح الباب ونزل و قرب من وليد حضنوا بعض و طبطب وليد علي ضهره و كان باين عليه السعاده
وبعدين راح عشري فتح لليله الباب
وليد…..بأبتسامه العروسه القمر
ليله….بابتسامه حبيبي
ضمها وليد بحب و طبطب عليها
وليد….مبروك يا قلب اخوكي
ليله….الله يبارك فيك يا حبيبي
وليد….ايه القمر ده
ليله…..انفع عروسه يعني
وليد…..امال مين بس اللي ينفع يلا تعالي الكل مستني جوه
ليله….بقولك ايه خليك جنبي انا مكسوفه اوي
وليد…..بضحك عيشت و شوفتك مزنوقه الزنقه دي
عشري…..بضحك حتي اخوكي مستغربك
ليله….طب خف انت و هو عسان هزعلكم
عشري مدلها كفه بهدوء و ابتسم
عشري….يلا بينا
ليله…..اااا ماشي يلا
بصت علي فضل و نعيمه قفلوا عربيتهم و نزلوا و قربوا منهم.
نعيمه….بضحك مبروك يا اخو العروسه
وليد….بابتسامه الله يبارك فيكي يا نوني يا قمر عقبالك
نعيمه….في حياتك يا لودي يلا ندخل
مشيوا خطوه بعيد عن العربيه و راحوا باتجاه الجزء الخارجي من الكافيه اخوات عشري و اخوات فضل كانوا واقفين اول ما لمحوهم بيقربوا الشباب الصغيرين كلهم اخوات فضل و سليم و عدي و محمود اخوات عشري و لعوا شماريخ السماء كلها بقت العاب ناريه
وصوتها كان بيسمع في المكان كله و الشكل كان مبهج اوي.
ابتسمت ليله و مسكت اوي في ايد عشري
عشري….بابتسامه متخافيش تحية العروس
ليله…..اخواتك ؟
عشري….اخواتي واخوات فضل بقولك ايه متمديش يدك و تسلمي
ليله….يعني ايه ؟
عشري…..يعني السلام من بعيد دي عوايدنا متمديش يدك عشان الشباب متتحرجش
ليله….وافرض هما مدوا ايدهم
عشري…..محدش فيهم بيمد يده للحريم و احفظي بقي العوايد
ليله….ماشي بس اللي هيسلم همد ايدي و اسلم
عشري….ماشي بس محدش هيسلم.
خلصوا الالعاب الناريه بعد ما الكل جوه انتبه و وقفوا عشان يستقبلوهم اتحرك عشري بليله و فضل بنعيمه و طبعاً وليد جنبهم.
ووقفوا يسلموا علي الشباب فضل وقف يعرف نعيمه علي اخواته و عشري كمان.
قرب منه محمود اول واحد بحب و ضموا
محمود…..مبروك يا اخوي
عشري… حبيبي يا حوده عقبالك يا غالي
محمود….في حياتك
عشري…..ليله اخوي محمود
محمود….باحترام وهو ايده وراء ضهره مبروك يا عروسه الله يسعدكم
ليله….ميرسي يا محمود عقبالك
محمود….في حياتك
سليم….مبروك يا خوي
عدي…. مبروك يا عريس
عشري….بابتسامه سليم اخوي و ده الصغير عدي
سليم…..الف مبروك
ليله….الله يبارك فيك يا سليم
عدي…..مبروك يا عروسه
ليله…..الله يبارك فيك.
عشري…..يلا خلونا ندخل.
راحوا اخوات عشري سلموا علي فضل و بعدين دخلوا كلهم علي جوه.
كان حاسس عشري من قبضة ايد ليله انها متوتره جداً
قرب البنات و اخوات ليله منهم
ضمتها اميمه ضمه حب و سعاده و هي عينها مدمعه وباين علي نبرة صوتها رعشه بسيطه.
اميمه…..مبروك يا نور عيني
ليله…بابتيامه تأثر الله يبارك فيكي يا حبيبي عشري دي اميمه اختي وده عشري يا اميمه
اميمه….بابتسامه مدت ايدها مبروك يا عريس
عشري…..الله يبارك فيكي يا ست الكل اتشرفت بيكي
اميمه….الشرف ليا والله
قمر……مبروك يا ليله مبروك يا قلب اختك
ليله….بحب الله يبارك فيكي يا قلبي دي بقي قمر يا عشري
قمر….الف مبروك يا عشري ربنا يتمملكم علي خير
عشري…..الله يبارك فيكي يا ست الكل
سلمت ليله علي البنات و بعدين سلموا علي عشري و انضم ليهم الشباب كمان باركولهم و سلموا عليهم و بعدين سلمت ليله علي احمد و سامح اجواز اختها و باركوا لعشري.
و بعدين راح بيها علي امه و ابوه و بمجرد ما خدوا خطوه ناحيتهم وقفوا بأبتسامه هاديه.
قرب عشري من امه باس كفها وباس راسها و بعدين ضمها
امينه…..مبروك يا ولدي
عشري….يبارك في عمرك يا ست الكل مسك كف ليله و قربها منها عروسة ابنك يا امي ليله
امينه….بابتسامه الله اكبر زي القمر يحميها ربنا ويحفظها و يجعلها وش السعد عليك مبروك يا عروسه
ليله….بأبتسامه هاديه مدت ايدها الله يبارك في حضرتك
ضمتها امينه و طبطبت علي ضهرها
امينه…..عشري جال انك حلوه بس مجالش انك حلوه جوي
ليله….بابتسامه بصت لعشري و بعدين بصلتها دي عيونك اللي حلوه تسلمي
امينه….مبروك يا بتي الله يسعدك و يبعد عنيكم العين
عشري….بحب قرب من ابوه باس راسه و كفه وضموا و سمعت ليله تخبيط حار علي ضهر بعض
عشري الاب…..مبروك يا محمد عروستك قمر
عشري…..ابتسم ورفع حاجبه و همس ليه بقول ايه امينه واجفه عينك تروح شمال يمين بجولها
عشري الاب….بهمس بتهددني يا ابن الكلب طب صبرك عليا
ضحك عشري و بعد عنه و قرب من ليله.
عشري….ليله يا بااااه عروستك ولدك
عشري الاب….يازين ما اخترت مبروك يا بنيتي الله يجعلك السعاده طريجك
ليله….الله يبارك في حضرتك
عشري الاب….بابتسامه ذوقجك عالي كيف ابوك
عشري…..بضحك ابشر و متنساش امينه هااا
عشري الاب….ايه بجي حرام نمدح في خلجة ربنا عروستك سبحان من صورها
عشري…انا بنجول تجعد چنب امينه افضل ليا وليك
ضحكت ليله بهدوء علي الخناقه الصغيره اللي قدامها.
عشري الاب….لبنا كلام بعدين يا عروسه بعيد عن الواد ده
ليله….بضحكه جميله ماشي اتفقنا
عشري….بهمس ابتسم يومك ازرق
قرب من اخواته ضمهم و حضنهم و بعدين عرف ليله عليهم.
عشري….سليمان اخوي يا ليله وهاذي ملك مرته و ادم و جواد عياله.
ليله…..اهلاً بيكم
سليمان…..مبروك يا عروسه
ملك….الف مبروك يا ليله
ليله….الله يبارك فيكم
عشري…..هاد عمر و هاذي ساره مرته و دولا عياله عدنان و معين
عمر…..بابتسامه الف مبروك يا ليله الله يسعدكم يارب
ليله….ميرسي يا عمر الله يبارك فيك
ساره….مبروك يا حبيبتي ربنا يسعدكم يارب
ليله….الله يبارك فيكي عقبال الولاد يارب.
ساره…..اللهم امين.
قرب عشري من علي
عشري….وهاد علي الكبير هاذي مرته كارين و دولا عياله كارما وكريم.
علي….بابتسامه واسعه مبروك يا غاليه الله يسعدكم يا زين ما اختار محمد
عشري…..بضحك النسوانجي بتاعنا كيف ابوي واجع منه
ليله….بضحك الله يبارك فيك يا علي
كارين….بنطق عربي مكسر مبروك ليله
ليله….ميرسي كارين الله يبارك فيكي
عشري…بهمس مسموع لعلي اتجوز مرتيني قبل كارين مصرين قالك المصريه مش نافعه معايا راح علي اليونان
ليله…..بضحك مش كده يا علي واحده واحده علينا
علي….بضحك اعمل ايه مافي واحده بتفهم دماغي
عشري….انت نفسك مش فاهم دماغك و علي فكره عنده بنت من مرته الاولي بجيت طوله اسمها رهف ومع ذلك ما بيحلش
ليله…..بضحك ربنا يخليهالك يارب هما دول توأم
عشري….لا بينهم سنه ما بيضيعش وجت جولتلك كيف ابوه نسوانچي
ضحكوا كلهم و بعدين راح عرفها علي باقي اهله و سلموا علي اهل صحابها البنات وعرفتوا ليله علي مرات وليد و بناته و عرفتوا علي ولتد اخواتها
اما نعيمه سلمت علي الكل و اتعرفت علي نجود و سلامه الاب نجود كانت مبسوطه بيها اوي و عجباها و حست نعيمه انها مرتاحه و خدت علي الجو بسرعه و التوتر راح.
راحت ليله قعدت جنب اخواتها وجنب امينه.
اميمه….تعالي يا ليله اقعدي.
وسعتلها وقعدت جنب امينه.
قعدت ليله بهدوء علي وشها ابتسامه هاديه و في نفس الوقت إحراج.
امينه…..ايه يا عروسه لساتك مكسوفه مني
ليله….بابتسامه يعني مش اوي
اميمه….بابتسامه حماتك طلعت عسل يا ليله اتعرفنا واتكلمنا كتير قبل ما تيجي
امينه…..والله انتوا اللي معرفتك زينه و شرف ليا
اميمه…..الشرف لينا يا ست الكل الله يديكي الصحه يارب
سكتوا شويه و بعدين بصتلها امينه بهدوء كانت ليله باصه قدامها و متوتره شويه.
امينه…..شخصيتك باين عليها جويه يا ليله.
ليله….بابتسامه بصتلها يعني ايه ؟ تقصدي طبع
امينه….لاه ليكي شخصيه يمكن انتي خچلانه شويه بس واضح انك بردك جويه وكد حالك
ليله….بابتسامه هو من ناحية اني خجلانه او متوتره فا دي حقيقه لان مسبقش ليا اني اتعرفت علي حضرتك و علي اهل عشري كلهم
امينه…..بضحكه هاديه تجصدي محمد
ليله….محمد مين ؟
امينه….بضحكه عاليه نسبياً و جميله وه نسيتي اسم عريسك عشري ده عريسي اني
ابتسمت ليله بصدمه و بعدين ضحكت.
ليله….اسفه والله بس اتعودت من اول ما عرفته و هو بالنسبالي عشري
امينه….بضحك ايوه عرفت يلا كملي حديتك.
ليله….امممم يعني هو ده اللي مخليني بس متوتره شويه انما بقي لو حضرتك بتتكلمي في شخصيه عموماً فا يمكن لان التجارب اللي مريت بيها هي اللي خلتني كده
امينه….طيب جوليلي عملتي ايه في محمد عشان بعشجك بالشكل ده
ابتسمت ليله و اتكسفت بصت قدامها بتوتر و بعدين رجعت بصتلها.
ليله….ااااا صدقيني معرفش يمكن نصيب يمكن عشان كنت حقيقيه معاه يمكن عشان محمد في كتير اوي من طباعي فا قدرنا نفهم بعض بسرعه.
امينه….بتحبي محمد كد ايه يا ليله؟
ليله….بابتسامه لا ده سؤال صعب اوي
امينه….بابتسامه جولي اللي في جلبك.
قرب عشري منهم في الوقت ده من ضهر امينه وباس راسها
عشري….خير بتحكوا فيه ايه عاد مجطعين فروتي و لا لساتكم بتتعرفوا
ابتسم ليله بهدوء و سكتت
رفعت امينه وشها نسكت خد عشري.
امينه….بضحكه جميله تعالي عايزه افتنلك علي ليله
عشري….جولي سوت ايه
امينه….متعرفش اسمك بتجولي مين محمد
عشري….بضحك صحيح مين محمد اصلا لو قالتلي محمد هستغربها
ليله….بضحك شوفتي بقي
عشري….لما اتعرفنا عليها هي والبنات كنا كلنا محمد جوليلي بجي هتعرفنا من بعض كيف
امينه…..بابتسامه خلاص نسامحها عشري عشري وماله ربنا يكتر عشري
عشري….هتجوليلي حبيب الجلب
امينه….طيب يلا اسرح خلينا نحكي
عشري….في اسراري يعني
امينه….ايوه يلا اتركنا
عشري…بابتسامه ماشي هترككم بص لليله بحب و غمزلها
ابتسمت ليله بهدوء و بعدت عينها عنه.
امينه….هااا كنا بنجول ايه؟ ايوه جولتي صعب السؤال.
ليله…..هو مش موضوع صعب بس صدقيني الوصف اللي جوايا مقدرش اقيس بيه حبي لعشري ااا محمد
امينه….جولي اللي يريحك اني فهماكي طيب و ايه الوصف اللي چواكي
ليله…..يعني عشري بلاقيه قبل ما احتاجه جدع و ليه شخصيه وفي نفس الوقت حنين و طيب علي قد عصبيته علي قد حنيته عوضني في وقت قصير عن حجات كتير مقدرش اتخيل حياتي من غيره يمكن انا ابان قدام الناس اني قويه جداً زي ما حضرتك شوفتيني يمكن دي النظره الاولي لاي حد بيعرفني و فعلاً انا بشوف نفسي قويه بس كمان بحب ضعفي قدام عشري
امينه….بابتسامه الست مننا يا ليله مهما كانت جويه و كد حالها و مفيش حاچه تهزها بس جدام راچلها لازم تحس بضعفها و الضعف مش معناه انك تكوني مسكينه و مكسورة الچناح لان خدي بالك في رچاله كتير لما بيشوفوا الست ضعيفه و مكسورة الچناح بيستجوا عليها لكن الضعف اللي أجصده ان مهما شيلتي في حياتك جدام راچلك ترتاحي و ترمي حمولك عليه و يشيل هو
ليله….بالظبط ده اللي اقصده ضعفي قدام عشري مش ضعف شخصيه هو ضعف زي ما حضرتك قولتي راحه و امان يعني باختصار انا مع عشري باخد استراحه من قوتي لاني عارفه انه في ضهري و يقدر يكون امان
امينه….طيب اسمعيني يا ليله هجولك كلمتين ديماً افتكريني بيهم
ليله….أتفضلي
امينه…..انا في حياتي عمري ما شوفت محمد بيحب ست و متعلج بيها كيف ما حبك محمد مش بس حبك هو عشجك جولتهاله في يوم حبيت يا محمد جالي لاه يااما اني عشجتك و العشج يا ليله لما الراچل يوصل ليه تعرفي ان مجامك عنديه كبير جوي محمد طبعه صعب بس كمان من شخصيتك افهم انك هتجدري تفهمي طبعه يمكن كان كيف اي شاب بيعرف بنات بس عمره ماكان كيف دلوك لو سألتيني بصفتي امه هجولك غريب عني معرفهوش اول مره اشوفه اكده بس اللي متأكده منه انه طاير من السعاده و عارف هو عايز ايه شوفي يا ليله انتي خابره زين ان الحياه عمرها ما مشت كيف ما احنا بنعوز انا و عشري اتچوزنا عن حب و كنا من عالمين مختلفين هو بدوي و اني صعيديه هو ليه طباع واني ليا طباع بس حبيته وحبني أخترته و وافجت عليه و هو كمان بس تفتكري ان الحب و العشج يمنع المشاكل؟
ليله….بابتسامه اكيد لا لازم يكون في مشاكل
امينه….صوح مش هجولك بجي ان المشاكل بتخلي الحب اجوي و كل الحديت ده بس اللي اجصده ان الحب ما يمنعش المشاكل لازم يحصل اختلاف لازم يحصل مواجف تعصبكم من بعض و يمكن كمان تواجهوا مشاكل اكبر منيكم بس صدجيني لو حبكم حجيجي لبعض هو اللي هيرچعكم لبعض يمكن كيف ما جولت مش معني انكم بتحبوا بعض انكم هتعيشوا عمركم في حب و رومانسيه بس كمان حبكم لبعض ينهي الخلاف عشان إكده بجولك مهما مريتي انتي و محمد من مشاكل ازعلي وخدي علي خاطرك بس افتكري حبك ليه و حبه ليكي وجتها بتنسي و بترچعي واللي بيرچعك هو الحب اللي بينكم
ليله….بابتسامه اطمني انا مستحيل ازعل من عشري ابداً و حتي لما بيزعلني بعصبيته شويه بنحل الموضوع بسرعه و صدقيني عمر زعلي منه علي اي موقف ما هيخليني ابعد عنه لان عشري مهم عندي اوي
امينه….بابتسامه زمان حصل بيني و بين عشري مشكله و زعلت منه وهو كان غلطان جوي غلط ميتغفرش و وجتها صممت علي الطلاج رغم اني لو عشري بعد عني صدجيني هموت
عشري نسوانچي و اني عارفه عينه زايغه يعني بس ميعملش حاچه حرام يبص بس
ابتسمت ليله و بعدين ضحكت.
امينه…ايوه والله اني صريحه بس اني خابره زين ان ده حال اغلب الرچاله و خاصتاً البدو عيونهم زايغه و بيحبوا النسوان كيف عنيهم
ليله….بضحك ربنا يبشرك بالخير
امينه…..بضحك لاه متخافيش انا ولادي كلهم بيحبوا من جلبهم الوحيد اللي طالع كيف ابوه هو علي الكبير هو طيب وحنين و يحب الضحك بس تجدري تجولي مبيعرفش يتعامل مع المره مرته الخواچايه دي هي اكتر واحده عاش معاها و شكلوا كده ربنا هداه علي يدها هي طيبه و بت حلال يمكن مهفهماش جوي بس طيبه المهم يعني جفشت عشري في مره مع واحده مكانش وضع عفش يعني لاه ماشي چنبها و ماسك يدها واني ست و الست كرامتها فوج اي حاچه
ليله…اكيد
امينه…..واني بكرهه الخيانه و مش بعترف بالحديت الماسخ بتاع الست مجصره و الراچل عشان اكده بص بره لو ليحبها صوح هيجولها انك مجصره واني خايف ابص عليكي وجتها هيبجي جلم صوح علي وش المره عشان تفوج و توعي لروحها بس اللي بيستسهل مالةش عندي سماح و عشان اكده اني صممت عالطلاج بس هو رفض و جالي حچات كتير ومبررات اكتر مصدجتهاش و هو خابر زين اني مصدجتهاش بس اني كنت عامله نفسي صدجت لاني مكنتش رايده اطلج و ابعد عنيه و رغم اني اتوچعت بس سامحت و اعتبرته عيل من عيالي و غلط بعدها عمل المستحيل عشان ارچع معاه كيف الاول و مع الوجت لما حسيت انه صادج و بيحاول يغفر غلطته عندي سامحته من جلبي
ليله….بابتسامه سامحتيه علي خيانته و كدبه
امينه….ايوه سامحته اللي بيحب ياليله لازم يسامح مفيش حد في الدنيا مش بيغلط كلنا بشر و كلنا بنغلط معاكي ان في اخطاء لا تتغفر من بشر و لا من رب العباد بس كمان في اخطاء بسيطه لازم منبصش عليها عشان منهدش بيت و حياه و حب و عشره
ليله….يمكن انا معاكي بس بيتهيألي ان الخيانه مثلاً من الاخطاء اللي متتغفرش
امينه….جوليلي يا ليله لو محمد خانك و صممتي تبعدي عنه هتبجي مصممه ليه عشان كرامتك و لا عشان حسيتي انه مبجاش يحبك
ليله…..لا طبعاً اكيد عشان كرامتي بيتهيألي ان الخيانه مش شرط يكون كرهني او مبقاش يحبني
امينه….طيب يبجي انتي هتهدي حياتك و حبك عشان كرامتك ليه بيجوالوا ان بين الست والراچل مفيش كرامه لان لازم يكون في تنازل ولدك لما بيغلط يا ليله بتسامحيه من جلبك حتي لو كان غلطه ميتغفرش اعرف حريم ولادها بيمدوا يدهم عليهم و ترچع تسامحهم و تجولك ادعي علي ولدي واكره اللي يجول امين ليه بجي الام دي متجولش مش هسامح ده هان كرمتي و مد يده عليا
ليله…..يمكن عشان بتحس بالتقصير في تربيته و بتشوف ان هي السبب انها مقدرتش تربيه كويس يمكن كمان بتلاقيله الف عذر و تسامحه عشانه لانه في النهايه حته منها
امينه…..صوح اديكي رديتي الراچل يا ليله مهما كان جوي وليه هيبه و شخصيه في النهايه هو جلبه جلب عيل المره تجدر تشكلوا علي كيفها لو اعتبرت ان هو عيل من عيالها هتجدر تسامحه وتلاجيله الف عذر كيف ما جولتي و كيف ما بتشوف انها مجدرتش تربي و العيب كان فيها ولازم ترچع تعيد ربايته من الاول تجدر كمان تحس بتجصيرها مع راچلها و تصلح من نفسها و تسامحه بس كمان عشان تحفظ كرامتها تديله درس عمره ما ينساه كيف العيل هيخاف يغلط تاني الست الشاطره و الذكيه و اللي عندبها كرامه صوح متسيبش راچلها لمره غيرها عشان متنتصرش عليها لان وجتها هتروح كرامتها إلا لو الراچل وحش و مش بيحبها وجتها محاولاتها انها ترچعه هتبقي ماسخه و ضياع لكرامتها صوح
ليله….بابتسامه هو كلام حلو و مقنع بس لو الراجل عارف هو بيعمل ايه و كرر الغلط
امينه…..في غلطات بتتعاد و ينفع نسامح فيها بس في غلطات فرصتها مره يا ليله وهو ده الدرس اللي اديته لعشري جولتله دي اول غلطه و ملهاش عندي تاني و فعلاً مكررهاش
ليله….بابتسامه يعني حضرتك عايزه تقولي اني اعدي مره لعشري خيانه و مره كدبه
امينه….بابتسامه لاه محمد يمكن واخد من طباع ابوه بس مش في الحريم و بعدين اني وعشري اتجوزنا صغيرين جوي لكن محمد بجي راجل و كبير يعني اللي يختار بعد العمر ده كله يبجي عمره ما هيبص بره في سن محمد عشري كان معاه سبع عيال ولا سته مش فاكره كنت حامل في عدي انما انتوا اكبر منينا والرچل اللي مش بيلف كتير قبل الچواز مشاكله مع النسوان بتبجي اكتر انما اللي بيلف كتير وجت ما بيختار مبيغيرش ولا عينه بتروح بره صدجيني و بعدين محمد يسيب الجمر ده و يبص بره يبجي مبيشوفش
ليله…..بابتسامه ربنا يخليكي ليا
امينه….اسمعي يا ليله مفيش حد في الدنيا كيف الام بس تجدري تعتبريني يعني كيفها حتي لو شويه صغيرين و اي حاچه يزعلك فيها محمد تعالي و احكيلي و اعتبري اني مش امه انا طول عمري نفسي يبجالي بنت و ربنا رزجني بتلاته نسوان ولادي و ان شاء الله هتبجي انتي الرابعه و غلاوتك هتبجي اكبر شويه عشان محمد غالي علي جلبي جوي.
ليله….بابتسامه جميله مسكت كفها وانا اوعدك لو زعلني هقولك و شرف ليا ان حضرتك تبقي زي امي.
امينه….بابتسامه حبيبة جلبي انتي
ضمتها امينه و لمحهم من بعيد عشري ابتسم وراح عليهم.
عشري….بضحك اااااه احضان و بوس يبجي ضمننا الاخره
امينه….بضحك ربنا يسعدكم يا ولدي حطها في عينك و يكون في علمك يوم ما تفكر تزعلها اني اللي هجف في وشك
عشري…..ميغركيش الهدوء ده يا امونه دي تزعل بلد مجدرش عليها اصلاً
ابتسمت لياه وضحكت
ليله….انا يا عشري
عشري….بابتسامه وه شوفي ياامي كيف الملاك ازاي اجولك سر يا اما
امينه….بضحك جول يا ولدي
عشري….لسانها كيف لسانك طويل وكد اكده و كيف ما ابويا مبيعرفش ياخدك معاكي لاحج ولا باطل اني كمان مبعرفش
امينه….بضحك چادعه انتوا اصلاً صنف نمرود ميجدرش عليكم غير ربنا و مره ليها شخصيه
عشري….بضحك براحه يا امونه منجصاش هي تسخين و بعدين بتجول علي ولدك بلطجي
امينه….بضحك مكدبتش طالع لابوه يا ليله كان إكده واخد الدنيا علي صدره وفاكر ان محدش كده
عشري….ايوه وچاتلوا اللي توبته
ليله….بضحك علي فكره احنا خلاص اتفقنا عليكم اصلاً
عشري….ما جولتلك ضمننا الاخر بجول ايه يا ست الكل هاخد منيكي مرت ابنك المستقبليه شويه و چهزي حالك عشان نلبسها شبكتها
امينه….چاهزه يا ولدي يلا روحي مع عريسك يا ليله وافرحي اليوم يومك
ابتسمت ليله و قامت بهدوء مع عشري.
عشري…..اعرف بقي كنتوا بتقطعوا في فروتي بتقولوا ايه
ليله….لا بقولك ايه سيبك من تقطيع فروتك الوقت و تعالي هنا قولي امونه مطلعتش زي ما كنت فاكره خالص
عشري….ايه كنتي فاكره ايه طيب
ليله….اااا يعني كنت حاسه انها ست كبيره و ست يعني مقصدش بس مش متعلمه و لابسه عبايه سوده و داقه علي دقنها.
عشري…بضحك حيلك حيلك هي صعيديه صحيح بس مبتلبسش ملس اسود ولا داقه علي دقنها امي موزه يابت و بعدين لو شوفتهيا في البيت كمان مش هتعرفيها لأ خدي بالك ما هو عشري الكبير موقعش بسهوله بردوا
ليله….بضحك ولسه ليك عليا ابوظهالكم اكتر لما نتجوز و هخليها تنحرف
عشري….بضحك برماتك يا بلطجيه
ااااا اما بقي من ناحية انها مش متعلمه فا هي صحيح مش متعلمه امي معاها اعداديه باين
ليله….بضحك باين؟؟ مش عارف امك درست ايه؟
عشري….بضحك والله ما اعرف اعداديه ولا ابتدائيه
ليله….بس مش باين عليها بتتكلم بثقه و بلباقه و عندها خبره و ست ذكيه اوي انا حبيتها يا عشري
عشري….بابتسامه وهي واضح انها حبتك و بعدين امي اتعلمت كتير من الدنيا و المواقف الحياه عموماً بتعلم و بعدين امي عاشت في الصعيد لحد 17 سنه و بعدها راحت سيناء عاشت سنين و بعدها رجعت علي القاهره يعني عندها خبره في حجات كتير و ربت سبع رجاله بطولها الدنيا بتعلم يا ليله مش المدرسه لان المدرسه بتعلم الكتابه و القرايه و كام درس محدود في كل سنه انما الحياه بتاخد درس محدود من كل ماده درسانها و بتديهولك بتوسع علي ارض الواقع.
ليله….بضحك مالك عامل فيها مثقف كده ليه انهارده لا بقولك ايه ارجع عشري البلطجي بتاعي
عشري…بضحك انا قولت العقل مينفعش مع واخده زيك بلطجيه ارفعي الفستان يالت علي صدرك و داري الحرق ده
ليله….بضحك لا معلش ده ختم الحب اللي بينا
عشري….بابتسامه اموت انا في الختم ده
ليله….طب اتلم يا بلطجي بدل ما ابوسك قدام الكل الوقت مجنونه واعملها
عشري…بضحك اعقل يا مجنوووون بقولك ايه تعالي نرخم علي اخواتي والشباب
ليله….بقولك ايه هي نوني عرفت حاجه شيفاها يعني مع مامت فضل و مع نوجا
عشري….لا لا معرفتش هنا اتعرفوا وواضح ان نجود خدت علي مامتها وعليها وحبت زوزو علي فكره اوي
ليله….زوزو دي قمر كله بيحبها خلينا نروح نشوفهم
عشري….تعالي يلا.
…………..
قربوا من ايمي و رشيد كانوا واقفين مع علي اخوه.
ايمي….بضحك عشري تعالي لما اقولك
عشري….بابتسامه في ايه ؟
ايمي….هو انت ازاي متجبش علي معاك دهب
علي…..عشان واطي
عشري…..بضحك مكانش زمانكم معانا الوقت
رشيد….بضحك والله لسه قايل كده
ايمي….هما مالهم ومالك ظالمينك ليه
علي….انا عارف
عشري….بكره لما تعرفيه اكتر هتكتشفي بنفسك انه بتاع نسوان
علي…..علي فكره بيسوق سمعتي انا راجل متجوز
ايمي….بضحك عشري مراته واقف
عشري….اهي بتضحك عشان عارفه اني صح كارين علي بتاع ايه
كارين….بتاء نسوان
ضحكوا كلهم و ضحكت ليله علي طريقتها
ايمي….يالهوي طب دي تبص عليها بزمتك دي سكر
علي….بضحك كارين عشري شرير
متسمعيش كلامه
عشري….بضحك والله لو قولت ايه
ليله……اسكت بقي حرام عليك هتودي الراجل في داهيه
علي….انا بحمد ربنا انها مش بتفهم كل الكلام كان زمانها متطلقه من زمان.
ايمي…..علي يعني سؤال فضولي شويه
علي…..قولي
ايمي….هي كارين مسيحيه ؟
علي….لا مسلمه
ايمي….بجد اصل فكرتها مش مسلمه عشان الاسم
ليله…..بضحك هي يونانيه عيزاها يبقي اسمها ايه اتتي كمان
ايمي….بضحك طب ما انا امي مسيحيه واسمها ماريز عادي
علي….ايه ده بجد ؟ هو انتي
رشيد….بضحك ياجدع فوق من الغيبوبه بقي انت لسه مسلم علي ابوها و قولنالك اسمه محمد
علي….بضحك ايه ده اه صحيح
عشري…..ده عقله في النسوان مش معانا مسك ليله من ايدها واتحرك بيها.
علي…..بس والله مخدتش بالي وعلي فكره مامتك ست لذيذه اوي و مايبانش عليها
رشيد…..بضحك هو ايه اللي ميبانش عليها هي لو مسيحيه يعني مينفعش تبقب لذيذه تعالي يا ايمي ده راجل دماغه فاضيه علب رأي عشري
علي…..بضحك ماشي يا واطي انت كمان
ايمي….بضحك تستاهل ما انت اللي جيبته لنفسك.
قرب عشري و ليله من نعيمه و فضل و نجود و اهل نعيمه.
عشري…..ايه نجود شوفتي العروسه
نجود…..يا خرابي قمر
ليله….بأبتسامه والله انتي اللي قمر
علي فكره فيكي من فضل
فضل….بأبتسامه انا اللي فيا منها
نجود…..لا بس انا احلي طبعاً
فضل…..بضحك الله طب ليه كده
ليله….معاها حق
نعيمه….بهمس لفضل وهي بتضحك الوقت بس عرفت الغرور جايبه منين يا مغرور
فضل….بضحك احنا عيله كلها مغروره اتعلمي بقي عشان قريب هتبقي من العيله.
دقايق بسيطه و بدأ الأحتفال الحقيقي بالخطوبه و انضم الجميع حوالين ليله و عشري كانت متوتره جداً بس كانت مبسوطه و طايره من السعاده .
وقفت والدته و وراها نجود و وراها كارين مرات علي و بعدهم ساره مرات عمر و بعدها ملك و في اخر الصف ده عشري الأب
ليله كانت مستغربه الموقف بصت لعشري بإبتسامه
عشري….بابتسامه عوايد بقي
ليله….عوايد ايه ؟
عشري….بإبتسامه استني هتشوفي
بص عشري لوالدته و هز راسه طبعاً الاغاني كانت شغاله والاحواء تجنن
قربت امينه بهدوء و ابتسمت لليله
ولبستها سلسله كلها جنيهات دهب.
امينه…..مبروك يا عروسه ولدي
ليله….بابتسامه وصدمه وإحراج الله يبارك في حضرتك بصت لعشري
ابتسم عشري و غمزلها
نجود…..مبروك يا عروسه ابني خدي بالك محمد ده حبيبي و من حبي فيه سميت ابني علي اسمه يعني انا اعتبر امه
ليله….بابتسامه الله يبارك فيكي شكراً بجد
قربت بعد كده كارين لبستها سلسله كمان بس كانت عباره عن دهب ابيض
كارين….مبروك ليله
ليله….ميرسي يا كارين الله يبارك فيكي
بعدها دخلت ساره لبستها أسوره علي شكل عقرب
ساره…..محمد قالي انك برج العقرب مبروك يا ليله
ليله…..ميرسي يا ساره الله يبارك فيكي بصت لعشري بصدمه وهي بتهز راسها.
ضحك عليها وكلهم كانوا مبتسمين و بيضحكوا علي توترها.
واخر بنت فيهم كانت ملك لبستها سلسله كمان و انسيال
ملك….مبروك يا ليله مبسوطه انك بقيتي واحده من عيلتنا
ليله…..حبيبتي يا ملك ميرسي بجد
و اخر واحد دخل كان عشري الاب
ليله….بهمس عشررري
عشري….بابتسامه ششش
قرب عشري الاب منها و ابتسم.
عشري الاب……الله يسهل دربك ويجعلك جوازه العمر وتكوني فال الخير ووش السعد على هالعيله مبروك يا بتي قرب من راسها لبسها سلسله شبه اللي امينه لبستها ليها بس كانت اتقل و اكبر شويه.
ليله……شكراً بجد الله يبارك في حضرتك.
عشري….بضحك ايه البس انا بقي ولا عچبتك الوجفه
عشري الاب …..بضحك انا بجول تاخد لفه في المكان و تتركني شويه مع العروسه
عشري….لا ماهي العروسه دي عروستي انت فاهم غلط
ضحكوا كلهم و بعدين ضموا بعض بحب.
عشري الاب…..مبروك يا ولدي حطها في عينك و اياك تزعلها و بعدين انت تدري إذا زعلتها اني موجود
عشري….بضحك لا مش هنولهالك يا بااااه .
طبطب علي كتفه بابتسامه واسعه و بعدين بعد شويه و قرب عشري منها
ليله….بإبتسامه ايه هلبس فين تاني انا بقول كفايه كده.
عشري…..بضحكه جميله لسه شويه بس هاتي كل ده بصلهم بابتسامه هديه مجبوله يچماعه بس سامحوني انا العريس
امينه….بابتسامه احلي عريس جربي يا ليله.
قربت ليله منها و فضلت امينه تقلعها اللي لبسته و تديه لأميمه اختها
امينه…..مبروك الله يفرحك بيها
اميمه….تسلمي يارب و يكمل فرحتهم علي خير
قرب عشري من ليله و ابتسم.
عشري…..ايديك يا عروسه
ابتسمت ليله و مدت ايدها بهدوء و هي حاسه ان فاضله تكه و يغم عليها فتح عشري علبه مكانش فيها خاتم عادي كان فيها خاتم يصدم من شكله و لمعته
بصتلوا ليله بهدوء و صدمه و تأثر
مسك عشري كفها و لبسها بهدوء الخاتم
وطول الوقت اميمه عماله تغرط بفرحه هي و قمر و عمالين الاتنين يمسحوا دموع بعض كانوا فرحانين بيها كانها فعلاً بنتهم الصغيره.
مسكت ليله دبلة عشري و لبستها ليه
و بعدين مسك كفها تاني بصتلوا باستفهمام
عشري….بابتسامه مستعجله علي ايه
ايمي….بضحك اقفي شويه متقطعيش برزقك
عشري….بضحك قوليلها
لبسها عشري اسوره هاديه و رقيقه تشبه الخاتم بالظبط كان طقم و بعدين بصت بصدمه تاني لما لقت امينه بتمد ايدها بالعقد بتاع الطقم
مسك عشري العقد و لبسه ليها كان مقرب منها اوي و مايل براسه عشان يقفل القفل
ليله…..بهمس هو انا لو حضنتك الوقت هيحصل حاجه
عشري….بهمس و هو بيضحك اه هتلاقي ابويا ناطت معانا و بيقولك وانا كمان خلي الحضن بعدين
ضحكت ليله و سكتت.
و بعدين بعد عشري و صوت الزغاريط من اخواتها و من نعيمه و البنات كان مسمع كل المكان
ابتسم عشري و باس راسها بحب
عشري…..اتدبست يا قمر مبروك يا احلي ليله بقضيها في عمري
ليله….بابتسامه مبروك عليا انا انت يا عشري ..
الكل قرب منهم و باركوا وسلموا و فضلت اميمه تعيط في حضنها بسعاده
بعد دقايق بسيطه من المباركات و السعاده اللي كانت طاغيه علي المكان.
عشري…..بابتسامه مال غلي فضل دورك يا اخوي
فضل….انتم السابقون
عشري….بصحك طب ادخل يا اخويا
قرب فضل من عادل بابتسامه قاله كلمتين في ودنه بهدوء راح عادل قرب من نعيمه مسك كفها و قرب بيها من فضل بصت بابتسامه و بعدين اتحولت ابتسامتها لصدمه
نعيمه……ايه لا بص
فضل….بابتسامه يا جماعه فرحنا و باركنا و هنينا اخويا الغالي عشري الصغير الدور بقي عليا
نعيمه….بهمس يا نهار اسود و منيل و الله حسيت
ليله….بضحك ضمتها هي و البنات
حلوه التغفيله دي
نعيمه….انتوا كنتوا عارفين ؟
ايمي….اه في مانع
نادين…مبروك يا نوني
عادل….بابتسامه قرب من نعيمه طلبك مني و حب يعملها مفجأه وانا وافقت
قرب فضل منهم بابتسامه جاهزه يا عروسه.
ابتسمت نعيمه و معرفتش تقول اي حاجه وقفوا البنات حواليها و اخواتها وامها.
و رجع وقف تاني نفس الصف نجود و امينه و سلامه و زوجات اخوات فضل .
وبقوا يلبسوها وهي عماله تضحك من صدمتها ومش عارفه تقول ايه وشها كان احمر
بعد ما هلصوا قرب فضل لبسها شبكتها كان جايبلها هو كمان طقم خاتم و اسوره و عقد كانت طايره من السعاده لبسته الدبله و بعدين باس كفها و راسها.
الكل باركلهم السعاده والارتباك كانوا واصلين لاخر حد
ضمت نعيمه ابوها و امها واخواتها و البنات و رجعت تاني الاجواء زي ما كانت اغاني و سعاده .
نعيمه…..بصدمه قربت من فضل انا بقي عايزه افهم
فضل….بابتسامه تفهمي ايه معجبتكيش المفجاه
نعبمه….لا طبعاً عجبتني بس عملت ده ازاي و امته لحقت تعمل ده كله ازاي اصلاً بعد خطوبه حسان و سلامه
فضل…..اصلً الفكره من البدايه كانت فكرتي انا اللي قولت لعشري اني عايز اعمل كده و قولتله يسأل ليله عندها مانع ولا لا بس هي وافقت و كنان ساعدتني كتير هي اللي كلمت بباكي و فهمتوا كل حاجه و قالتلوا اني عايز اقابلوا و اني حابب اعملك مفجأه يوم خطوبتهم و خدت الرقم و كلمتوا تاني و بعدين خدت منه معاد روحتله تاني يوم ما انتي كنتي هناك بعد ما وصلوا من السفر
نعيمه….بصدمه نعم انت روحت البيت عندنا يعني مش بالموبايل بس
فضل….بابتسامه يعني ينفع نعمل اتفاق زي ده بالموبايل طبعاً روحت و ليله هي اللي ظبطت المعاد و روحت انا وعشري و ابويا و خالي و اتفقنا و هلصنا كل حاجه و انتي نايمه علي ودناك
نعيمه….بصدمه انا ازاي محستش
فضل….عشان عبيطه انا خوفت الحركه بتاعت سلامه و ايه تخليكي تفهمي او تتوقعي
نعيمه….خالص والله مجاش في بالي لان عارفه انك كنت هتعمل كده بعد ما ايمي و رشيد يرجعوا من شهر العسل
فضل……بضحك لا ما انا قولت مليش دعوه با ابقي عريس زيهم لا اما ابوظلهم كل حاجه
نعيمه….بضحك ااااااا انا بقي كده فهمت يوم خطوبتهم كنت قاعد انت و بابا و نادر بتتكلموا و تضحكوا وانا استغربت ايه الصحوبيه اللي عملتوها دي
فضل….بضحك لا ما انا كنت قبلها عندهم بقي و اتفقنا بس ايه رأيك بذمتك مش مفجأه حلوه
نعيمه…..تجنن يا فضل ده احلي يوم في حياتي بجد
فضل……ربنا يقدرني واسعدك اكتر يا قلبي.
ليله….مبروك يا عروستي
ابتسمت نعيمه بتأثر و ضمتها بحب
نعيمه….ربنا يخليكي ليا و ميرحمنيش منك ابداً
ليله….ويسعدك انتي و فضل يارب خدي بالك هو صحيح مغرور شويه زي ما بتقولي و ميبانش عليه بس بيموت فيكي و هو صاحب الفكره اصلاً
نعيمه….بابتسامه ماهو قالي و قالي كمان اللي انتي عملتيه
ليله….عملت ايه بس يا عبيطه منك ليه انتوا اخواتي
فضل……لا يا ليله عملتي و لولا وقفتك معايا مكنتش قدرت اتصرف لوحدي كنتي جدعه و واقفه في ضهري و من غير كلامك مع عمي مكنتش عرفت اخلص الموضوع بالسهوله دي
ليله….حبيبي يا فضل انا معملتش اي حاجه انتوا اخواتي و غالين علي قلبي و بعدين لو مش هفرح بيكم فرحتي هتبقي ازاي لنفسي ربنا يسعدكم وخد بالك انا اختك و في ضهرك بس وربنا لو زعلتها لا تلاقيني في وشك
فضل…..بضحك طب وصيها هي عليا شويه او علي الاقل قوليلها تبطل ضحكتها اللي بتعصبني دي
ليله….بضحك لا بطلها انت بقي انا غلبت معاها من الاخر كده انت اتدبست خلاص
فضل…..بضحك يلا مش مشكله احلي تدبيسه.
………..
دخلت نادين الحمام شويه و بعد كام دقيقه خرجت كل مجموعه كانوا مع بعض بيتكلموا و بيرغوا و بيضحكوا.
ايه قاعده مع حنان و اخوات سلامه بيضحكوا من قلبهم نعيمه و فضل مع اهلها و اهل فضل بيتكلموا وبيضحكوا عشري و ليله عمالين يلفوا في المكان و كل شويه يقفوا مع حد.
تامر واقف مع اخوات عشري و محمود اخو ايمي و باقي الشباب بيضحكوا سلمي و حسان مندمجين و بيضحكوا مع احمد.
ايمي و رشيد واقفين مع اخوات ليله و مع ماريز
كانت مبسوطه بس في نفس الوقت حاسه ان في حاجه نقصاها مكانتش فاهمه شعورها هل هي متوتره لان بعد بكره هيتكتب كتابها و لا مضايقه عشان مش هتلاقي اهلها واقفين جنبها يوم كتب الكتاب
سندت ضهرها بهدوء علي البار بتاع المطعم و وقفت.
و في وسط ما هي سرحانه طلع فجاه من وراها ميدو و معاه كوبايه فيها ايس كوفي.
ميدو……دوقي كده يا افندم محتاج سكر ولا كده كويس
بصت بسرعه وهي مخضوضه.
نادين…ميدو خضتني انت بتعنل ايه جوه عندك
عسال…..بعنل لاحلي بنوته في المكان كله الايس موفي بتاعها هو صحيح الويتر ساعدني بس انا اللي عملت كله.
نادين….ابتسمت وخدت من الكوبايه و طلعت قعدت علي الكرسي قدامه.
تسلم ايدك
عسال….قوليلي بقي بنوتي حبيبتي واقفه لوحدها ليه؟
نادين….لا خالص بس كنت في التويلت و لما خرجت لاقيت كل مجموعه بيتكلموا مع بعض فا وقفت
عسال…..طب وانا مدورتيش عليا
نادين….بابتسامه لا شوفتك قاعد معاهم
عسال….امممم وانا شوفتك واقفه سرحانه و مع نفسك قولت اكيد وحشك الايس كوفي
نادين….هو انا كنت محتجاه بجد
عسال….عارف يلا اشربي وقوليلي رايك
نادين….بابتسامه اكيد حلو
عسال…..بالف هنا يا عمري
كان حاسس عسال ان موضوع اهلها مضايقها بس مكانش حابب يتكلم معاها عشان متضايقش اكتر و كان بيحاول طول الوقت يحسسها انه جنبها.
………………..
الوقت كان بيجري و انتهي اليوم بكل سعاده علي الجميع
ليله كانت طايره هي و عشري.
وصلها و بعدين مشي و بعد حوالي ساعه اتصل عليها .
عشري……الووو
ليله….روحت
عشري….روحت يا عمري وحشتيني الشويه دول
ليله…..انت وحشتني اكتر
عشري….قوليلي بقي عروستي بتعمل ايه
ليله….و لا حاجه مصدقت خلصت من رغي نوني و جيت نمت علي السرير مستنياك
عشري…..نعيمه مبسوطه هي و فضل اوي
ليله….اه اوي و مصدومه اصلا لحد الوقت
عشري….بضحك ضحكت عليها وهي بتلبس الشبكه و مش عارفه تبطل ضحك
ليله….بضحك ايوه والله مكانتش مستوعبه هي لسه بتقولي انها لما شافت فضل بيتكلم مع ابوها و اخوها كانت مستغربه بس مشكتش في الموضوع خالص
عشري…..ربنا يسعدهم يارب المهم قوليلي مبسوطه
ليله….ده سؤال انا حاسه اني مش هقدر انام من كتر ما انا مبسوطه بجد
عشري….انا كمان مبسوط عشانك و عشاني و عشان اخيراً بقيتي بتاعتي رسمي
ليله…..ليه ان شاء الله هو كان لازم الخطوبه يعني تثبتلك اني بتاعتك رسمي هو انت فاكر انك ممكن تخلع مني بعد ما دخلت قلبي بسهوله كده
عشري….بضحك ايه حبستيني في قلبك
ليله….ورميت المفتاح يا بلطجي
عشري….بحبك
ليله…..وانا بموت فيك بس قولي انت ليه مقولتليش علي عوايدكم دي فالح بس تقولي متسلميش و متمديش ايدك عشان دي عوايدنا انتوا سارقين مغارة علي بابا ولا ايه
عشري….بضحك اه سرقناها عشانك
ليله….بضحك خد بالك دي تاني حالة سرقه
عشري…..الاولي كانت ايه
ليله….بضحك المانجه
عشري….اااااه صح
ليله….هو انت في البيت ولا عند امونه
عشري…..لا وصلتهم و بعدين روحت انا بكره هاجي اخدك
ليله….تاخدني ازاي اخواتي هيكونوا معايا اكيد هما هيعدوا عليا و نمشي مع بعض و كمان نوني و اهلها.
عشري….طب وايه المشكله عشان تعرفي الطريق
ليله….ابعتلي لوكيشن ولا انت غاوي تعب يا بلطجي خليك عندك و لما اقرب هقولك عشان تنزل توصلنا لبيتكم
عشري….هما مش بعيد عن بعض اصلاً يعني بينا ثلاث بيوت
ليله….خلاص خليك انت
عشري….طيب اجي و تمشي ورايا
ليله….لا مش هتيحي هتفضل عندك و انا اللي هاجي
عشري….ماشي يا قلبي اوامرك هتيجوا امته
ليله…..معرفش انت مقولتليش
عشري…..ما انا قايل لوليد و احمد و سامح قالوا هيبقوا موجودين علي سته سبعه
ليله…..طيب تمام معنديش مشكله صحيح انت رايح الصبح مع نادين و ميدو و وليد ولا لا
عشري…..اه طبعاً هنروح بدري عشان هنقابل المحامي كمان
ليله….طيب وعايز تيجي بعد المشوار ده انت تروح تخلص و ترجع ترتاح شويه لحد ما اجيلك انا
عشري….ماشي يا قلبي اتفقنا خلاص
كملوا كلامهم مع بعض و سهروا شويه يحتفلوا بطريقتهم و نفس الحال كان عند فضل و نعيمه.
………………
في صباح يوم جديد ( الاثنين)
نزل عشري قابل نادين و ميدو و حسان و وليد و المحامي اللي كان مع نادين و حاج نصر كانت الساعه عشره الصبح
شاف المحامي كل الورق و اتاكد من صحته و اتفقوا اتفاق اخير علي السعر و كتبوا العقد باسمهم ودي كانت اول شراكه تجمعهم ببعض
دفعوا ربع النص الاول من المبلغ لحد ما المحامي يقولهم ان المزرعه اتسجلت خلاص و مضوا علي كل الورق اللي يضمن حق حاج نصر
و سلمهم كل حاجه خاصه بالمزرعه من ورق لمفاتيح و قالهم ان في ناس بتتعامل معاه من زمان و بيحتاجوا كميه معينه من المحاصيل وافقوا ان التعامل يفضل مستمر
و طبعاً الناس اللي بتشتغل في المكان فضلت زي ما هي مفيش اي تغيير .
مشي المحامي و حاج نصر و عشري قال لوليد علي كل احتياجاته الفتره الجايه و بكده بدأ شغله مع عشري زي ما بدأ مع ايمي
و علي الضهر بعد ما خلصوا مشيوا
راحت نادين علي شغلها و مشي ميدو و حسان كمان علي شغلهم و استأذن وليد عشان بلحق يجهز قبل معاد بليل و عشري كمان روح و قال لليله انه هينام شويه.
……………..
في مساء اليوم علي الساعه سته ونص وصلوا كلهم و كانت المره الاولي لليله و نعيمه يعرفوا هما ساكنين فين بالظبط و يشوفوا الكافيهات بتاعتهم
استقبلهم عشري و فضل و كانت القاعده هتتعنل في بيت اهل عشري بما انه الكبير.
ليله و اهلها و نعيمه واهلها كان معاهم حجات كتير حلويات و شكولاته و حجات كتير.
سلم علبهم عشري و فضل و اخوات عشري و فضل كانوا واقفين في استقبالهم قدام باب البيت
وبمجرد ما دخلوا من المدخل استقبلوهم استقبال مفيش بعد كده كرم ضيافة العرب كان واصل من بداية دخلتهم.
كان مدخل كبير اوي شيك ريحة البخور معبيه المكان شكل المدخل لوحده يوحي بأن اللي داخل داخل علي مكان بدوي
استقبلهم عشري الاب و سلامه الاب و كان واقفين وراهم نجود و امينه و زوجات الشباب اخواتهم.
علي وشهم ابتسامه تجنن و ترحيب نفيش بعد كده
سلموا و دخلوا
عشري….بابتسامه هاديه ادخلوا انتوا من هنا
شاور عشري علي باب في بدايه مدخل الشقه دخل منه كل الستات
و دخل الرحاله كلهم من باب تاني كانوا مجلسين كبار مجلس للحريم و مجلس للرجال و دي كمان كانت من عوايدهم.
يمكن ليله و نعيمه و اهلهم شققهم تجنن و خاصتا نعيمه و ليله قاعدين في مكان راقي و شقه تجنن بس بجمال شقه اهل عشري مكانش فيه كل شقه علي دور و الشقه مساحه مهوله و فرشها فرش عروسه لسه بتبدأ حياتها.
دخلوا علي مجلس الحريم كان كبير اوي و واسع جداً ريحة البخور تجنن و الجو نفسه يخلي اي حد عنده تستعداد يفضل فيه .
وقفت ملك بكل احترام علي مدخل الباب و شاورتلهم عاي مكان زي ركن كده وراء الباب كله شماعات
ملك….لو حابين تقلعوا الچواكت و تحطوا الشنط حطوها هنا.
اميمه…..ياريت انا حاسه اني حرانه
ملك….طيب اتفضلي هاتي عنك.
ليله هتقلعي
ليله….اااا هو الفستان كب و بيتهيألي مش ظريف مع الجو
ملك….عادي في دفايات متقلقيش كملت بأبتسامه و كلنا هنقلع اصلاً الوقت
ليله….بابتسامه تمام
قلعوا البنات چواكتهم ليله كانت لابسه فستان كب و فوق الركبه بشويه تايجر و عليه جزمه هاڤ بوط لونها بني وليها كعب عالي و فوق الفستان چاكت قصير كانت جميله اوي قلعت الچاكت وعلقته هو وشنطتها و دخلت معاهم علي جوه.
نعيمه كانت لابسه فستان قصير و بوط لحد الركبه و عليه چاكت فستانها كان بكم بس كان مجسم عليها وهي طويله و جسمها يجنن فكان شكلها هي كمان حلو اوي
ساعدوا البنات اخوات ليله و نجلاء مامت نعيمه و بعدين دخلوا علي جوه.
نجود….تعالوا اتفضلوا
اميمه….ماشاء الله ماشاء الله
امينه…..اتفضلوا البيت زاد نوره
اميمه…..منور بأصحابه
نجلاء….ده نوركم والله
في البدايه اول ما دخلوا من جمال المكان و شياكته مكانوش لسه عارفين اوي هو ده البيت اللي المفروض هيبقي بتاع ليله و عشري و لا بيت والدته لان تفاصيل المكان متقولش ان ده بيت عيله عادي
ليله اللي كانت فاهمه بس هي كمان كانت مبهوره جداً بشياكة المكان.
قعدت فردت ضهرها بكل ثقه رغم ان الموقف جديد و غريب عليها و مسببلها شويه توتر لكن حافظت علي شخصيتها و ثقتها في نفسها و حضورها الطاغي علي المكان اللي كان مخلي الكل مركز معاها غصب عنهم.
لمحت شيش محطوطه علي مسافات متفاوته من المجلس كانوا خمس شيش و لمحت طفايه فيها طافيه سجاير و جنبهم علبه و ولاعه.
قربت منها امينه وهي معاها بنت في العشرينات و زي القمر .
امينه…..ليله دي بجي انتي مشوفتيهاش أمس دي رهف بت علي الكبيره اول فرحتنا
ليله…ماشاء الله زي القمر اهلاً ازيك يا رهف
رهف…..بابتسامه جميله الحمد لله مبروك
ليله…..الله يبارك فيكي عقبالك
رهف…..ميرسي كان نفسي اكون معاكم امبارح بس مقدرتش والله و قولت لازم اجي اشوف عروسه عمي
ليله….بابتسامه جميله يا عمري مبسوطه اني شوفتك
رهف…..و انا كمان مبسوطه اني شوفت حضرتك
ليله….لا بصي انتي فهماني غلط انا ليله وبس بلاش حضرتك دي
رهف….بضحك خلاص ليله وبس
امينه….سلمي يا رهف علي الجماعه
فضلت رهف تعدي عليهم و تسلم و تتعرف عليهم و بعدين قربت من نعيمه.
رهف…..انتي خطيبه محمد فضل صح
نعيمه….بابتسامه صح
رهف….مبروك
نعيمه….الله يبارك فيكي عقبالك يا قلبي علي فكره فيكي شبه كبير من بابا
رهف…..لا حرام بابي احلي شويه انا اسمر
نعيمه…..لا والله زي القمر انتي بتدرسي يا رهف
رهف….ايوه انا في تالته جامعه
نعيمه…..نسمه اكبر منك بسنه
رهف…..بتدرسي ايه يا نسمه
نسمه…..انا في السن ألماني
رهف…..جميل انا بدرس كمبيوتر ساينس كنت هدخل ألسن بس غيرت رأي في اخر لحظه
نسمه….بس كمبيوتر ساينس جميله بردوا
رهف…..اه جداً كنت قلقانه مقدرش امشي فيها بس الحمد لله طلعت حلوه اوي
فضلوا البنات يتكلموا مع بعض.
و ليله و نعيمه اندمجوا شويه مع زوجات اخوات عشري و اخوات فضل.
ملك…..انتوا عايشين سوا
ليله….بضحك بصت لنجلاء واخواتها بلاش السيره دي بقي هتفتحيهم علينا.
نجلاء….بابتسامه قوليلهم
ملك….بضحك سوري والاه لو عكيت الدنيا
ليله….بضحح لا حبيبتي مفيش حاجه انا بضحك انا ونعيمه ايوه عايشين مع بعض في التجمع
ملك…..من زمان
ليله….يعني داخلين علي سبع سنين من بعد الكرونا علي طول
ملك…طيب ليه خدتوا القرار ده لاني ماشاء الله شايفه ان علاقتك بأخواتك تجنن و علاقه نعيمه كمان بمامتها حلوه اوي
ليله…..بصي هي ملهاش علاقه اوي بعلاقتنا باهلنا بالعكس علاقتي باخواتي زي ما قولتي علاقه تجنن و نعيمه كمان علاقتها باهلها حلوه
ابتسمت نعيمه بهدوء عشان ليله مجابتش سيره للسبب الحقيقي.
ليله…..بس انا عن نفسي تقدري تقولي اني عايشه لوحدي من سنين كتير يعني والدتي اتوفت و انا في اخر سنه في الجامعه و بابا اتوفي وانا في ثانوي و بعدين انا اصغر اخواتي هما كانوا متجوزين و ليهم حياتهم و انا عايشه انا وماما بس و بعد ما اتوفت انا من وقتها عايشه لوحدي.
ساره….ربنا يرحمهم يارب بس يعني مفكرتيش تعيشي مع اخواتك
ليله….بابتسامه لا كان مستحيل اولاً جوز اميمه جوز وقمر انا لحبهم جداً اخواتي بجد و علاقتي بيهم تجنن و عرضوا عليا كتير بس مقدرتش بصراحه يعني انا ممكن اروح اقضي معاهم يوم نضحك و نهزر و نسهر ممكن ابات ليله لكن اني افضل مستقره معاهم كان صعب بصراحه و اخويا كمان علاقتي بمراته تجنن هي طيبه و محترمه و بنت اصول و بتحبني جداً بس في النهايه مقدرش اكون معاهم ديماً هي ست و اكيد تحب تكون براحتها فا رفضت بصراحه وعيشت لوحدي في شقه والدتي اللي هي شقتنا يعني كملت اخر سنه و نفسياً مكنتش كويسه بعد ما خلصت و قررت اني اسافر علي الامارات تبع شغلي يعني لانب كنت محتاجه ابعد شويه عن الببت و الجو الكئيب و قعدت هناك ثلاث سنين متواصلين من غير ما انزل اي اجازه و شويه و بدأت الكرونا تنتشر و طبعاً الامارات بلد بتضم جنسيات من كل العالم فا المرض كان في زياده و علي فكره خدت العدوه و كنت تعبانه جداً و شويه شويه كنت متابعه الاخبار و في بلاد كتير بدأت تقفل المطارات بصراحه خوفت يعني انا ممكن اقعد في مكان لوحدي سنين بس بمزاجي لكن اني اتحبس مقدرتش قررت اني انزل و مكنت حابه ارجع علي شقتنا و لما كلمت نعيمه عرضت علبها الموضوع كلمت اهلها مكانش في مانع خصوصا ان شغلنا كان في نطاق التجمع مدينتي فا نزلت و خدنا الشقه و عيشنا سوا بس.
ساره…..علي فكره هي خطوه جريئه و جميله يمكن انا حبيت اعملها في مره بس مامتي رفضت رفض تام
ليله…..بصي انا ماما لو كانت عايشه كنت مستحيل اعمل حجات كتير يعني اني اسافر ده كان موضوع مرفوض تماماً اني اصلاً اقعد لوحدي دي مكانتش في قاموسها دي كانت بتقلب الدنيا لو قولتلها هخرج مع صحابي مرتين في الشهر
ساره…..للدرجادي لا هي مامتي مكانتش كده بصراحه بس هي رفضت موضوع اني اقعد لوحدي
ليله…..لا ماما كانت صعبه و شديده لدرجه تخنق و انا شخصيتي قويه و مش بحب التحكم بالشكل ده وعنيده وكنت تعباها بصراحه لان دماغي كانت ناشفه بس كمان كان ليا حدود يعني في حجات مقدرش انشف دماغي فيها لاني عارفه اني مش مش هوصل لحاجه و بصراحه علي قد ما كنا صحاب بس كنت بخاف منها و بحترمها
ملك….بابتسامه لا انا محاولتش بقي اوصل للمرحله دي لاني اصلاً اتجوزت صغيره انا و سليمان
ليله….انتي اصغر واحده فيهم يا ملك
ملك…..ايوه انا عندي 29 سنه هتمهم خلاص و اتجوزت وانا 19مكنتش لسه خلصت دراسه و كملت اخر سنه في البيت و كارين 30 سنه
ليله…..وانتي يا ساره
ساره…..انا 39 سنه يعتبر انا وعمر قد بعض هو تم الاربعين و داخل علي واحد واربعين و انا قربت علي الاربعين يعني بينا اقل من سنه كنا زمايل.
ليله…..اه يعني قصه حب
ساره….بضحك بصي هي كانت قصه عداوه كبيره مكنتش بطيقه ولا هو كان بيطيقني و بصراحه انا مش عارفه ازاي انتهب ببنا الحال اننا نتجوز واهو معانا عدنان و معين
نجلاء…..ده نصيب محدش يعرف نصيبه فين
ساره….حقيقي والله يا طنط نصيب لان اللي كان بينا مش مجرد انا بجر شكله وهو كمان بس احنا من جوانا معحبين ببعض لا خالص انا بجد مكنتش بحبه و بعدين عمر طبعه صعب جداً نادر لما تلاقيه بيضحك بس انا حصلي موقف مش حلو كنت في الجامعه وكان اخر محاضره عندي من خمسه لسبعه و كنا في شتاء كان معايا عربيه و انا سايقه معرفش دوست علي ايه فا العجله فرقعت عمل صوت مرعب مقدرتش اتحكم في الدركسيون من خوفي لاني اصلا مفهمتش ايه اللي حصل فا العربيه اتقلبت بيا
اميمه…ياساتر يارب
نجلاء……حصلك حاجه
ساره….لا هو ستر ربنا الحمد لله انا طلعت منها بمعجزه الجنب بتاع العربيه اتدمر و السقف لانها لما اتقلب بيا العجل بقي فوق وانا تحت اتعورت في وشي يعني حصلي جرح في راسي و مناخيري اتخبطت جامد فا بقيت انزف و دراعي كان في شرخ مش كسر وقتها مكنتش قادره احركه بس لما العربيه ااقلبت بيا انا اتشاهدت و قولت خلاص هموت اغم عليا طبعاً ده كله اتحكالي بعدها انا الناس اتلمت عليا و عرببات كتير وقفت علي الطريق وكان من ضمنهم عمر مكانش يعرف ان انا هو قرب يساعد زي باقي الناس و لما قدروا يطلعوني عمر اتعرف عليا و قالهم دي زميلتي انا اعرفها فضل معايا و بعدين هو بيقولي اني فوقت ثواني و لما شوفته مسكت في دراعه قولتله متسبنيش
ابتسمت و كلهم ابتسموا.
ساره…..بعدين اغم عليا تاني و الاسعاف وصلت لما صحيت بقي لاقيته معايا في المستشفي عرفت انه مش وراء الاسعاف و كان معةه حاجتي كلها خدها من العربيه و هو اللي اتصل بأهلي قعدت في المستشفي يومين مكانش بيسيبني و فضلت حوالي عشر ايام رابطه دراعي و جسمي كله مدغدغ و فضلت اعاني من دوخه تقريباً من الخبطه فكان صعب عليا اني اروح واجي هو بصراحه كان بيسأل عليا كتير كان بيروح يجيبلي محاضراتي كلها و من هنا بقي
نعيمه….بضحك اه بدأت الشراره
ساره…..بضحك صراحه شوفته بنظره تانيه خالص طلع راجل و جدع يعتمد عليه محترم و بعدين اكتشفت انه دمه خفيف مش زي ما كنت بشوفه و لما بدأت احس ان مشاعري بتتغير هو كان زي ما هو حساه لسه مش طايقني هو وقف معايا بس عشان ده مجرد موقف انساني بس قولت لا خلاص والله ما هسيبك
ضحكوا كلهم علي ساره.
امينه…..عمر طبعه صعب يمكن يكون اكتر واحد في اخواته عصبي
ليله….بضحك لا لحظه و عشري ايه
امينه…..محمد طيب جوي عصبي بس لين في التعامل
ساره….دي حقيقه محمد عصبي و طبعه كمان صعب بس بيروق بسرعه بيتصالح بسرعه زي ما ماما قالت التعامل معاه لين لكن عمر مستحيل علي فكره هقولك سر هو و محمد مولودين فوق راس بعض بيتخانقوا كتير اوي
نجود…بضحك هما مولودين فوق راس بعض حقيقي
ساره…..ده قولاً و فعل
ملك…..بس والله عمر كمان طيب جداً هو شخصيته كده و الملامح بتاعته تبان جد بس لما بيكون رايق حقيقي بيبقي دمه خفيف بشكل مش معقول.
ليله….بيتهيألي علي اكتر واحد فيهم مرح
ساره…..بضحك جداً علي و عدي اللي هو الصغير و سليمان جوز ملك
نجود….بس علي اكتر واحد فيهم
ليله….بابتسامه طيب قولولي بقي بما انكم قاعدين انتوا الثلاثه في نفس البيت في بقي مشاكل بينكم و جو بيت العيله ده
ساره…..لا والله خالص
امينه….صراحه كلهم طيبين و بيحبوا بعض
ملك…انا معرفش يومي يعدي من غير ما اقعد انا و ساره و كارين بقينا اخوات وصحاب و بينا عشره
ساره…..علي فكره و ماما كمان محدش فينا احنا التلاته يقدر يعدي يوم من غير ما ننزل و نقعد معاها
اميمه…..طول ما الحماه بتتعامل علي انها ام الوضع بيكون مختلف
امينه…..يشهد الله اني بحبهم كيف ولادي انا ربنا مرزجنيش ببنات بس رزجني بيهم ساره هي الكبيره و بعتربها بنتي البكريه في البنات و كارين يمكن في اوجات مش بفهمها بنحاول معاها لحد الوجت بس طيبه و بت حلال في حالها و طول الوجت كيف ما انتي شيفاها وشها بيضحك
كارين….بابتسامه حبيبي ماما
ليله….دي سكر خالص
امينه….اما بجي ملك اخر العنجود هي فاكهه البيت و اللي عامله حس ديماً
نعيمه…..بابتسامه لا الله يكون في عونك بقي هتيجي اللي هتعمل حس و دوشه و هتجننكم معانا
نجود….بابتسامه بس ليله تبان هاديه و عاقله
امينه….ايوه صوح بس عرفت من محمد انها مش إكده خالص
قمر….بضحك اديها مساحه بس تعرفكم و هتلاقي حد تاني خالص
نعيمه….علي فكره ليله حقيقي عاقله و رزينه و هاديه بس في المواقف الجد غير كده ضحك تلاقي قاعده حلوه وسهره جميله تلاقي كلام ميتشبعش منه تلاقي والاهم جنان و رقص
ملك…..بابتسامه ايه ده بتعرف رقص
ساره….بضحك لا نتعلم بقي عسان كلنا فاشلين
ليله….بضحك حطت ايدها علي عينها الله يكسفك
نعيمه…..بتعرف !!! ليله بترقص رقص يجنن و ده بجد والله يعني وانتي بتتفرجي عليها تنبهري دي لما بتكون في مكان مزنوقه فيه و مينفعش ترقص بترقص بحواجبها
فضلت لياه تضحك بإحراج
رهف…..ايه ده في رقص هنا بجد.بتعرفي ترقصي بحواجبك
ليله…..سيبك من نعيمه دي مجنونه
نعيمه…..والله مش بهزر هي مش بتلاعبهمهم او بتحركهم عادي دي بترقص بيها علي الموسيقي او الطلبه و بتقسم كانها بترقص
نسمه….بضحك لياه هتقتلك لنا تروحوا
ليله…بضحك حصل خدوها معاكم بقي لو خايفين عليها
نجود….هو في احلي من الرقص ده انا هتعلم منك و بعدين احنا لازم نشوف و نحكم
امينه….خدي بالك نجود بتحب الجو ده جوي
نجود….انا بموت في الرقص بس مش بعرف ارقص بصراحه
اميمه….متفرجه يعني
نجود….بضحك يالهوي متفرجه بس انا بقعد اتفرج علي الرقص بس مش بعرف اعمل زيهم
ملك….طب مش كنتي رقصتي امبارح و فرجتينا
ليله….بضحك يالهوي طب قولي كده قدام محمد
ملك….بضحك هيعلقني من قفايا مش مهم بس نتفرج
امينه…..بابتسامه طب يجرب منيها و هيلاجيني في وشه
ليله…..وقت الجد هتسبيني و تخلعي يا امونه
ضحكوا كلهم علي ليله.
امينه…..والله ما يجدر و بعدين هو في احلي من الفرفشه
ليله…..لا اكيد بس عشري صعب
امينه….خلاص ارجصي انتي و البنات براحتكم و اياك واحد فيهم يدخل عليكم و لا اياك هو يعترض
ساره….بضحك لا ادام مع بعض مش هيتكلم
ليله….بضحك والله ولا بنات هيقتلني
امينه….طب يبجي فرچني حاله و يعترض هجوله اني عايزه اتعلم
نجود…..العب يا امونه الله يسامحك يا ليله هتخلي حماتك تنحرف علي اخر الزمن
ليله…..بضحك لا هو ادام مطلب جماهيري للتعليم يبقي الكل هينحرف
رهف….ابقوا خدوني معاكم
ليله…..تعالي يا سلام
نجود….انا اول واحده يا رهف يمكن اعرف ارقص لعمك سلامه
ضحكوا كلهم و بعد و قت بسيط دخل اتنين بنات عليهم كان واضح انهم الشغالين فرشوا المكان من اوله بسفره علي الارض و بدأوا يجيبوا في الاكل
امينه…..بجول ايه لو مش هتعرفوا تجعدوا علي الارض نخرج علي السفره بره بس انا بجول احنا هنا براحتنا
اميمه…..انا عن نفسي مليش في السفره
قمر….وانا كمان بحب اقعد في الارض عادي
ليله…..اميمه و قمر بيتعاملوا عادي
نجود….طيب وانتي يا نوجا هتعرفي تقعدي انتي والبنات
نجلاء…..زي الفل معنديش مشكله و بعدين المكان اللهم بارك واسع يعني هنقدر نقعد
نعيمه….انا بس ممكن اقلع البوط
نجلاء….طبعاً
ملك…..نعيمه في شباشب لو مش هتقدري تقعدي حافيه
نعيمه….لا لا عادي
امينه…..ليله تعرفي يا جلبي تجعدي
ليله….اه طبعاً متقلقيش
نعيمه…..بضحك مشافتكيش وانتي بتاكلي الفسيخ
امينه….وه مين بياكل فسيخ
ليله….بضحك انتي عايزه علقه يا نعيمه الكلب
نعيمه….بضحك حضرتك بتحبيه طيل الاول ولا لا قبل ما ابوظ الدنيا
امينه….يا مرررررري اني بنعشجه بس كيف ما تجولي متحرم علينا يدخل
نجود…..امينه بتحبه اوي بس بتاكله عندي عشري اخويا و الشباب كلهم مش بياكلوا و مش بيحبوا ريحته و خصوصاً محمد يا خرااااابي بيبقي يوم اسود و ممكن بتعصب و يعمل مشكله.
نعيمه….بضحك لا ما هي ليله خليته ياكل هو صحيح مكالش غير لقمه بس حاول
امينه…..مين ده ؟ محمد
نعيمه….اه والله
امينه….ده وجعته مطينه معايا مع ليله يوافج طبعاً حبيبة الجلب انما اني ينكد عليا
ليله….بضحك لا والله مرضيش ده بالعافيه كل حاجه بسيطه و بعدين مقدرش
امبنه…..ايوه بس كفايه جعد في مكان وشم ريحته تعرفي والله ما بيدخل البيت وجت ما نفسي تروحله انا والبنات بنروح عند نجود
ليله….انتوا بتاكلوا منه
ملك….مكنتش بحبه و كنت بقرف بس بقيت بموت فيه
ساره….وانا كمان بحبه دي كارين نفسها كلته وعجبها و محمد لأ
امينه….بتحبيه يا ليله
ليله…..اوي بصراحه بس مش بعرف اشتريه اميمه هي اللي بتجيبه حلو اوي و القرده نعيمه
امينه…..واني بنجول دخلتي جلبي ليه
ليله….بضحك لا خلاص بقي بعد الجواز أمله الفسيخ دي هتبقي عندي و لو عشري مش عاجبه ميقعدش
نجود….بقولك ايه انا حبيتك و ليكي شخصيه كده و خلاص ضمنا ناكل فسيخ علي طول
ليله….بضحك متقلقيش هيبقي لينا ممان نعمل فيه اللي يعجبنا.
ساره….بضحك طب ايه ما تتجوزي بقي يلا
ليله….بضحك ده واضح انكم محرومين يا حرام بسببهم
ساره….اوي والله عمر كمان زي محمد ممكن يفضل زعلان مني و بحس انه قرفان و بيفضل ياعيني يشم في نفسه
ليله….بضحك لا متقلقوش بقي سيبوها عليا انا هتجوز و اعملكم وقفه احتجاجيه للفسيخ
ضحكوا كلهم و بعدين طلبت منهم امينه يقعدوا.
كلهم قعدوا و البنات هما اللي اتعاملوا بقوا يحطوا في الاطباق و يقربوا منهم كلهم روحهم حلوه و كانوا زي القمر وشيك الكل لابس براحته و قاعدين بكل سعاده قدام بعض و حست ليله و نعيمه انهم مرتاحين يعني البنات شبههم في لبس و طريقه و اسلوب حتي امينه كانت شيك و جميله و مش باين عليها خالص فكرة ليله عنها و نجود كانت فرفوشه و واخده بالها من نفسها جداً.
……………
في مجلس الشباب الوضع كان مختلف مواضبع كتير بتتفتح عن الشغل و عن مواقف فتحها عشري ايام زمان كانت قاعده جميله و مسليه و كلها ترحيب و خير و مقابله مفيش بعد كده القهوه و التمر في كل مكان حواليهم
الاكل اتحط عندهم هما كمان و الشباب كانوا بيتعاملوا ياخدوا من الشغالات و يحطوا هما علي الارض
كان موجود وليد و سامح و احمد و عادل والد نعيمه و نادر اخوها و اولاد اميمه و قمر
الاكل كان واحد في الناحيتين صواني عليها رز ومشوايات و مدفون فيهم انصاص خرفان سفره بدويه عرباويه بمعني الكلمه سلطات كتير متنوعه و علي جنب ازايز مايه معدنيه و كانزات حاجه ساقعه و نفس الشكل بالظبط كان في مجلس الحريم.
بدأ الكل ياكل و طريقه البنات و امينه و نجود معاهم كانت تجنن ومحدش فيهم حس انه غريب عن المكان.
شاهنده….تحبوا تشربوا حاجه مع الاكل.
نجلاء….هو ممكن مايه بس
شاهنده….طبعاً اتفضلي
نعيمه….هو انتي مرات مين يا شاهنده معلش انا لسه مخفظتكمش اوي
شاهنده….بابتسامه انا مرات مصطفي
نعيمه….بابتسامه و انتي
خديچه….انا مرات عامر
نرمين…..بابتسامه انا مرات سعد
رحاب….وانا مرات عبدالله
نجود….رحيم الصغير خالص مش متجوزش لسه
نجلاء…..هو محمد اكبر واحد
نجوظ….بضحك اه والله الكبير اللي غلبني معاه عشان يتجوز
امينه…..كل شئ باوانه جولتلك وجت ما ياجي نصيبه مش هيستني و اهو ربنا بعتلوا جمر
نعيمه….بابتسامه ربنا يخليكي يا طنط
نجود….ما قولنا امونه بقي متخليش العرق الصعيدي يطلع عليكي
امينه….بضحك تجول اللي يعچبها
نجود…..كلوا يا جماعه مش عايزين نفضل نعزم عليكم انتوا في بيتكم
اميمه…..ديماً عامر يارب احنا بناكل متقلقيش
امينه…..والله البيت زاد نوره دي خطوه عزيزه
قمر…..الله يخليكي
نجلاء…..منور بصحابه والله
امينه…..ديماً عامر و مليان بكل الغاليين
امينه….يارب اللهم امين.
………………
عند نادين كانت حاسه من الصبح من وقت ما سابت ميدو و الشباب بعد مشوارهم ان في حاجه نقصاها ميدو كان مشغول جداً و متصلش بيها كتير و كل ما تحاول تتصل هي عليه يكنسل او يقولها شويه و هكلمك و اخر مكالمه بينهم كان بيقولها انه خلاص داخل علي البيت بس كانت حاسه ان في حاجه
قررت تعمله مفجأه وتعدي عليه تشوفوا كانت قريبه من مدينة نصر و قالت تشوفوا و تقعد معاه شويه قبل ما تروح.
وصلت نادين عباس العقاد و اتصلت بيه كنسل اتصلت تاني كنسل بعتتلوا ڤويس ماسچ علي الواتس.
نادين…..ميدو مش بترد ليه انا كنت ناويه اعملهالك مفجأه بس بما انك بتكنسل فا انا هنا في مدينه نصر و كنت بشوفك كده فين عشان اشوفك شويه.
شاف ميدو الرساله و ثواني بالظبط و اتصل عليها.
نادين….بابتسامه لازم يعني ابعتلك عشان ترد
عسال….معلش حبيبي كنت مشغول شويه بس هو انتي هنا بجد
نادين….اه والله انا في عباس العقاد
عسال….طيب ليه مقولتليش
نادين……انا كنت قريبه منك و قولت اعملك مفجأه و بعدين من ساعت ما سيبتك الصبح وانت مختفي و بتظهر بالعافيه و بعدين كل ما اتصل عليك الاقيك وايت
عسال……ااااا اه اه انا بس كان عندي طول اليوم شغل و بحاول اخلصوا قبل بكره لان بكره مش هقدر اعمل اي حاجه
نادين….امممممم ماشي يا سيدي ولا يهمك المهم بقي انت فين عايزه اشوفك
عسال…..ااااا بس انا مش في البيت
نادين…..سكتت ثواني مش في البيت ! هو انت مش رديت عليا من ساعه و نص قولت انك رايح علي البيت خلاص و قربت
عسال….ااااا اه اه بس جالي مشوار شغل و نزلت تاني
سكتت تاني و حست ان في حاجه غلط ميدو متوتر و اول مره يكون كده كانت حاسه ان في حاجه
نادين…..نزلت امته ؟
عسال….ااا يعني من نص ساعه كده
نادين…..نص ساعه طيب ليه مقولتليش يعني انت متعود انك تقولي قبل حتي ما تنزل و لو كنت نازل يعني مستعجل اوي كده علي الاقل كنت نزلت و عرفتني زي ما بتطلب مني اعرفك ولا ايه ؟
عسال….اااا اه بس غصب عنؤ انا نازل وانا معايا مكالمه والله و ركبت واتحركت و كل ده كنت بتكلم و يادوب قافل من دقيقتين قبل ما تتصلي قولت لما اقف هكلمك انا اسف حقك عليا
نادين….لا عادي مفيش مشكله حصل خير
عسال…..نوووودي
نادي….خلاص مفيش حاجه المهم انت كويس يا ميدو و لا في مشكله
عسال….لا مشكله ايه بس ليه بتقولي كده
نادين….معرفش مرتبك و صوتك مش طبيعي و من بدري مش عارفه اكلمك و انت مش بتسأل مع ان دي مش عادتك و الوقت نزلت فجأه و معرفتنيش حاسه في حاجه غريبه
عسال….لا خالص صدقيني بس زي ما بقولك بحاول اخلص كل اللي ورايا انهارده عشان بكره اليوم هيكون ليكي بس
نادين….امممم طيب تمام
عسال…..هتعملي ايه الوقت هتروحي
نادين….معرفش
عسال….يعني ايه متعرفيش انتي مش خلصتي شغلك
نادين….اه خلصت
عسال….طيب يا حبيبي هتروحي فين تاني روحي بقي علي البيت عشان اتطمن عليكي
نادين…..امممم ان شاء الله
عسال…..تمام هو ان شاء الله بس يلا ياريت نروح
نادين….مش هروح يا ميدو
عسال…..هتروحي فين ؟
نادين…..معرفش بس مش هروح
عسال….بتنهيده طيب ليه يا عمري
نادين….هو كده انا حره مش انت مشغول اوي و مش عايز تقول فيك ايه و كمان بتنزل و مش بتعرفني
عسال….حبيبي قولتلك عندي شغل
نادين…واناوبيبقي عندي شغل و بقولك مش ببقي عارفه ارد عليك و ببعتلك مسدچ بطلت اكنسل عليك و بطلت اسيب موبايلي فاصل من غير باور بانك عشان متقلقش و انت انهارده عملت كل ده يا مشغول يا وايتينج يا بتكنسل يا غير متاح يا بترد بسرعه و مش بتعرفني حاجه و اخر مره قولالي خمس دقايق هكون في البيت و رجعت نزلت و بدل ما افاجئك انا انت اللي فاجئتني
عسال…..هو ممكن اعرف حبيبي متعصب اوي كده ليه
نادين….انا مش متعصبه يا ميدو خلاص روح شوف بتعمل ايه او مع مين و ملكش دعوه بيا بقي
عسال….بابتسامه مع مين بس يا مجنونه هو القمر بتاعي غيران ولا ايه
سكتت و مردتش عليه
عسال….حبيبي فيك ايه انهارده
نادين…مفيش انا جايه وانا تمام و كنت عايزه اشوفك هو ده اللي فيا
عسال….طيب اسف حقك عليا
نادين….تمام يا ميدو
عسال…..طيب ممكن تروحي
نادين….لا
عسال….اسمعي الكلام و يلا عشان عايز اقفل
نادين….بعصبيه طب اقفل يا ميدو خلاص ادام مستعجل اوي كده
عسال….مش مستعجل يا عمري بس عايز اخلص واروح عشلن فصلت من بدري واحنا صاحين
نادين….تمام روح يلا شوف شغلك
عسال…..طيب هتروحي
نادين….اووووف بقي قولتلك مش مروحه
عسال…..ناديييييين
نادين….قولتلك مش هروح و متعليش صوتك
عسال…..حاضر مش هعلي صوتي بس يلا اسمعي الكلام
نادين…..لا
عسال….طيب تمام هتروحي فين
نادين….هروح اي مكان معرفش
عسال….يعني ايه اي مكان
نادين….هو انت مش كنت مشغول قاعد بتعيد ليه في الكلام اقفل بقي و ملكش دعوه بيا
عسال….طيب تمام بصي يا قلبي انا هخلص اللي ورايا و لما ارجع اكلمك الاقيكي في البيت مفهوم
نادين…..اه ولو مروحتش البيت
عسال…..انتي ايه اللي جرالك انهارده ليه مش بتسمعي الكلام و ليه العند ده
نادين….هو كده
عسال….بنبره جاده لكن في نفس الوقت حنينه كأنه بيتكلم مع بنته مفيش حاجه اسمها هو كده عابزه ترزحي مكان تعرفيني الوقت هتروحي فين عايزه بس تضايقيني عشان انا عملت حاجه ضايقتك يبقي هتروحي علي البيت ومش عايز كلمه تاني مفهوم
سكتت و مردتش عليه و مانت مضايقه اوي
عسال…..ردي عليا مفهوم
نادين….طيب حاضر خلاص و متزعقش
عسال….بهدوء حاضر يا عمري مش هزعق ممكن يلا القمر بتاعي يسمع الكلام و يروح و انا هخلص و اتصل بيكي
نادين….هروح يا ميدو بس متتصلش لاني مش هرد
عسال….طيب هنشوف بلا علي البيت و سوقي براحه و بحبك
نادين….باي
عسال….بابتسامه باي
……………….
في منزل اهل عشري..
خلصوا اكل و كملوا قعدتهم و قدموا البنات القهوه و الحلو و رحبوا بيهم احلي ترحيب.
ليله….بابتسامه هو انا عندي سؤال فضولي شويه.
ساره….أسألي يا ليله
ليله….بابتسامه هو انا شايفه يعني ان في شيش و سجاير هو في حد فيكم بيدخن و لا دي للشباب
نجود….لا مجلس الحريم محدش بيدخل فيه منهم غير للضروره احنا اللي بندخن
ليله….بابتسامه ايوه مين بقي اللي بيدخن
نجود….بضحك انا و ساره و ملك و كارين و شاهنده و خديچه و نرمين و رحاب الكل
امينه…بابتسامه كلهم فاقدين الله يهديهم معرفش ايه حبهم في الهباب ده الله يهديكي انتي اوعي تفكري تجعدي معاهم كتير هيبوظوا اخلاقك.
بصتلها نعيمه و ضحكت و ابتسم اخواتها و نجلاء بهدوء.
نجود…..والله شكلها بتشرب
ساره….بضحك قولي قولي متتكسفيش هو عموماً احنا مش بنشرب غير مع بعض
ليله…..بابتسامه صراحه اه بدخن
نجود….سجاير و لا شيشيه
ليله…..مليش في الشيشه اوي يعني بشربها كده دلع لكن سجاير
نجود…..بضحك انضم لفريقنا واحد يا بنات
امينه…..بضحك وانا اللي بجول عليكي عاجله
ليله…..بابتسامه والله بحاول
نجود….اكيد هتموتي و تشربي ولعي ولعي متتكسفيش مفيش حد غريب
اميمه….بضحك طبعاً ليله هتموت من السعاده الوقت
ملك…..طيب تحبي تشربي شيشه
بصت ليله لامينه و غمزت لملك
ليله…..لا لا مش عايزه
نجود….بضحك مكسوفه من امونه لا متقلقيش كل مراتت ولادها بيشربوا
امينه….بضحك متتكسفيش اشربي لو عايزه مش انضميتي للفريق عليه العوضه
ضحكت ليله و سكتت
ساره…..بتشربي من زمان ولا قريب
ليله…..لا من زمان من ثانوي تقريبا اكتر من 17 سنه
نجود…..وانتي يا نعيمه كملت بضحك ولا امك قاعده هتروقك
ليله…..بضحك خدي بالك نوجا بتشرب هي كمان سجاير و انا اللي بوظتها
نجلاء….بضحك الله يكسفك
نجود….بضحك لا عادي و بعدين احنا حريم مع بعض يعني براحتنا ايه يا عروسه ابني
نعيمه…..بضحك لا يا قلبي انا مليش فيها بصراحه مش بحب ريحتها
امينه….الله يكملك بعقلك مع اني اشك لما تتجوزي ابنها هتبوظك
نجود….الله يعني مرات ابني تبقي عايزه تدلع اقولها لا
نعيمه…..بضحك يبقي خلينا في الشيشه
امينه …انا جولت بردك مش هتفضلي عاجله كتير
كارين….بابتسامه خد طفايه ليله
ليله….بابتسامه ميرسيي يا كرين
ولعت نجود و كارين و ليله و راحت ملك جابت الفحم كان والع في السخان علي جنب و راحوا قعدوا كلهم الجو اللي بينهم مكانش جو رسمي كان جو جميل في روح الصحاب و القاعده الحلوه و اندمجت اكتر ليله معاهم بعد ما حست انهم فري معاها اوي و الدنيا حلوه.
بعد حوالي نص ساعه من الكلام والرغي و الضحك و سيجاره وراء سيجاره من ليله و نعيمه اللي قامت اندمجت مع البنات في الشيشه
سمعوا خبط علي الباب.
امينه كانت واقفه بتحكي علي حاجه و كلهم مندمجين معاها راحت تشوف مين.
عشري….ايه يا ست الكل نسيتونا ولا ايه
امينه….لاه بس بنرتاح منيكم شويه
عشري….طب ايه مش هنروح نفرجهم عالشقه
امينه….ما لسه بدري ياولدي
عشري…..الساعه 11 خلينا نروح نفرجهم
امينه…استني اناظيلك ليله وجولها انت
عشري….ماشي.
امينه….ليله تعالي
قامت ليله بهدوء و مشيت بمياعه كالعاده و هي السيجاره في ايدها وقربت منهم اول ما لمحت عشري ابتسمت بصدمه.
عشري…..وانا اجول مش سائله فيا ليا يا واكله ناسك
امينه….بضحك اتحشم ياولا
عشري…..بابتسامه و لهجه صعيديه تجنن بتنفخي دخان جدام حماتك ياليله
ليله….بضحك ملكش دعوه احنا حرين مع بعض بتدخل فينا ليه
عشري….خلاص بجيتوا صحاب
ليله…..اه خير في حاجه
امينه…..و جالتلي هتوكلني فسيخ
عشري….دي وكلت ابنك يا امينه غصب
امينه….بضحك عرفت فالح بس تتأمر علي امك و تتعصب
عشري…..ما هي دي ميجدرش عليها الا الجادر بس شايفك يعني يا امينه سيبالها السايب في السايب و تركاها تنفخ جدامك
امينه….بضحك تنفخ براحتها اطلع منيها انت
عشري…..خبر ايه عاد كلت بعجلك حلاوه بسرعه إكده
ليله….بضحك اه و هعلمها الرقص كمان
عشري…..بضحك هترجصي يا امونه
امينه….بضحك و ماله من نفسي يمكن ابوك يبطل يبص علي النسوان
عشري….هتبوظ اخلاجك يا امينه دي غازيه واني عارفها
امينه…..علي جلبي زي العسل
عشري…لاه معچبانيش يا امونه ده سحر اسود ده ولا ايه
امينه….أسود ولا ازروج عاچبني
عشري……طيب خدي بالك ملهاش في الوكل يعني مش بتعرف تطبخ و انتي من الاول مدلعاها يا امونه
ليله….بضحك بصت لامينه بيكدب والله بعرف مش اوي بس بعرف
عشري….اهااااه جالتلك مش جوي هتچوع ولدك يا امونه
امينه….وماله انت بتعرف تطبخ
عشري…..و ترضهالي أتچوز و ماكلش من يد مرتي
امينه….بضحك الحياه مشاركه يا ابن بطني عليك الوكل و عليها الرجص
ليله….ضحكت ليله بصوت عالي وباست امينه من خدها اهي قالتلك
عشري….بضحك يعني ايه راضيه عن المسخره دي
امينه….خلاص عايزني احكم عليها
عشري….امال وريها شغل الحموات
امينه….هعلمك الوكل و اطبخي لراچلك بس اياك اشوفك بترجصيله
ليله…بابتسامه وانا موافقه
عشري….لاه استني بس يا ست الكل ترضيها لابنك
امينه….ما جولنا الوكل عليك و الرجص عليها جولتوا اطلعوا من البلد
عشري….خلاص موافج الوكل عليا و الرجص عليها بس لما تنزلك مكسره و مجدراش من وسطها متبجيش تزعلي
امينه….بضحك هتتعبي
ليله…بضحك لا مش هتعب
امينه….يبجي حلال عليك الدلع يا جلب أمك
ابتسم عشري و قرب من امينه باس كفها و باس راسها
عشري….ربنا يخليكي ليا و ما يحرمني من وچودك يا ست الكل
امينه….ويسعدك يا محمد و ماشوف فيك شر و يسعدك يا ليله يا بتي ويچعل ايامك كلها هنا و سعاده
ليله…..ياعمري و يخليكي ليا يا ست الكل
عشري….بابتسامه مسك دقن ليله بحب أبذمتك يا امونه مش جمر
امينه….ياواد جول ناشاء الله ما بحسد الرزق الا صحابه
عشري….هو مش كان المال
امينه…..ايوه بس هي رزج مش مال ودي رزجك في الدنيا هتحسده جول ماشاء الله
عشري….ماشاء الله ابتسم و غمزلها جمر
ابتسمت ليله وبرقتلوا
عشري…..خبر ايه خچلانه من ايه لساتها بتوصيكي ترجصيلي و انتي موافجه
ليله…..هو علي طول كده يا امونه
امينه….بضحك لا والله يا ليله اول مره اشوفه إكده طيرتي عجله الله يسامحك
عشري…..سحرت لولدك يا اما
امينه….و انت مبسوط بالسحر يا ابن عشري
عشري….الشهاده لله مبسوط ومعايزش السحر ينفك
ليله كانت بصاله بحب و ابتسامتها مش راضيه تختفي ولا قلبها مبطل دق.
امينه…..ليله محمد عايزكم تروحوا تشوفوا الشجه
ليله….طيب عادي يلا بينا
امينه…..اني بنجول لا عيزاكم تجعدوا
ليله….بابتسامه خلاص شوفي اللي انتي عيزاه
عشري…..لا بقولك ايه انتي وهي هتقسموا علي بعض دي مش عزومه هنروح نشوفها عشان لو في حاجه ابدأ من بكره و اعملي حسابك اجلتي انهارده بكره بعد اسبوع مليش فيه هنتجوز بعد اسبوعين من انهارده
امينه…..مالك ياوااااد خلاص الچواز حلي في عينك و لت مستعجل علي الرجص
عشري…..مستعجل علي الرجص يا انا ارتاحتي
ليله….بضحك وطي صوتك انت جرالك ايه
امينه….خاب و اتچن
عشري….ايوه خيبت و اتچنيت و بفكرك تاني ليله هتبوظك كيف ما بوظتني
امينه….بضحك عليه العوض ومنه العوضه في ولدي خلاص روحي يا ليله عرفي اخواتك و الجماعه
عشري…..فضل كمان عايز ياخد نعيمه و اهلها
امينه….زين هي تجولهم
عشري….انتي هتاچي معانا عشان تشوفي الشجه
امينه…..خليها مره تانيه
عشري….لاه انتي وعدتيني يا امي
ليله….لحظه بس هي امونه مشافتش الشقه
عشري….خالص ولا مره ينفع
ليله….ازاي يعني هو مش انت قاعد فيها
عشري…..انا خلصتها من ست شهور و من وجتها والله ما طلعت هي اساسا عمرها ما شافت البيت بعد ما خلص ولا طلعت و جالتلي مش هطلع بيتك غير وعروستك فيه
ليله….ده بجد ولا مره
عشري….والله ولا مره هي امونه كده خطوتها عزيزه و نادره ندر انها متطلعش غير لما عروستي تكون معايا و خدي بالك مفيش حد طلع البيت غير اخواتي و ابويا طلع كام مره كده وانا بشطبها كان بيبقي عندي مشاوير كان يطلع يطمن ان العمال شغاله
ليله….يبقي هتطلعي معايا مليش دعوه
عشري….يلا ياما بقي بالله عليكي متزعليني
ليله….خلاص هتطلع مفيش هروب
امينه….بأبتسامه خلاص نطلع عشان عروستنا
ليله….طيب البنات كمان محدش طلع
عشري….لا مفيش والله انتي هتبقي اول ست تطلعها
ليله….خلاص يبقي نطلع كلنا
عشري….يلا روحوا عرفوهم و هنخرج بره انا والرچال هنستناكم
ليله….تمام.
وللحديث بقيه……
