لقاء كارثي

نادر….حلو يعني ماما يعتبر عندها خلفيه

نسمه….اه

نادر….يبقي زي الشاطره كده بكره تحكيلها كل حاجه و متتكلميش في حوار نعيمه انا عايز بقي اعرف لما اليومين دول يعدوا هتعمل ايه

نسمه….ايوه طب وبابا انت عارف كويس هو بيحب نعيمه قد ايه و بيسمع كلامها كمان

نادر…..ماما مبتخبيش حاجه عن بابا يا نسمه و هتقولوا و ابوكي هيفرح يعني قريب فضل وهو عارف عشري و ابو عشري بنفسه جه مع ابو فضل و اتقدموا لنعيمه هيفرحوا اسمعي مني انا و خلينا نشوف نعيمه عايزه ايه

نسمه….انا مش قادره افهمها يعني لو بجد خايفه مني او اني اعمل مشكله فا متخافش كان نفسي اطمنها بس هي مدتنيش فرصه و خلتني متعصبه اصلا

نادر….هي عارفه انك مش بتاعت مشاكل وبعدين فرضنا حصل عندك مشكله او عندها انتوا مالكم ببعض انا مش عايزك تعيطي ولا عايزك تنكدي علي نفسك انتي الوقت مبسوطه خليكي مبسوطه و سيبي حوار نعيمه ده عليا بس اعملي زي ما قولتلك بكره قولي لماما و عايزك كمان تبقي تتكلمي مع سليم و تطلبي منه انه يعرفني بحجه انك مش حابه تعملي حاجه من ورانا فهمتي

نسمه….حاضر فهمت انا كنت هعمل كده اصلا المهم بس انك مش زعلان

نادر…. بابتسامه لا مش زعلان ومبسوط اصلا ان كل ده حصل عشان اعرف وانا واثق فيكي بس هقولك تاني خدي بالك من نفسك و اوعي يا نسمه تعملي حاجه غلط

نسمه….بايتسامه مقدرش يا نادر و اوعدك هخلي ديما راسك مرفوعه

نادر…بحب طب تعالي في حضني بقي

ابتسمت نسمه بسعاده و هي بتاخد نفس عميق وحضنتوا اوي

نادر….بحب ربنا يسعدك و اشوفك ديما مبسوطه ومع الشخص اللي يستاهلك بجد

نسمه….ربنا يخليك ليا انا بحبك اوي

نادر …وانا كمان يلا انا هسيبك بقي تنامي و مش عايز عياط تاني ماشي

نسمه….بضحكه جميله ماشي تصبح علي خير

نادر…..وانتي من اهل الخير

خرج نادر وسابها و هي حست براحه فظيعه كأن في جبل من علي قلبها نزل

………………..

ايه و سلمي وصلوا و حمادن وزوزو مشيوا وراح محمود وصلهم و طلع علي شغله اطمنوا البنات علي نغم و حاولوا يحسسوهم انهم بخير عشان ميلاحظوش انهم مضايقين و بعدين دخلوا اوضهم قعدت ايه تتكلم شويه مت نفم عشان كانت شيفاها مبسوطه

حكيتلها نغم علي زوزو وكلامها وقد ايه حبيتها و قد ايه هي جميله و فضلت ايه تتكلم عن زوزو و عن ايمي و قد ايه هما حلوين وطيبين اوي وخلصوا كلامهم وراحت ايه علي الكنبه تنام