لقاء كارثي

بصتلوا و هي مستنيه يكمل كلامه

فضل بكل هدوء مشكلتك انك مبتتوقعيش رد فعل اللي قدامك يعني بتخرجي كل اللي جواكي في وشه و مبتعمليش حساب عواقب الرد بتاعه متخيله ان اللي قدامك يقدر يتقبل كلامك و يسكت و ده مش صح لو مش حابب اسمع من اللي قدامي رد معين المفروض افكر الف مره قبل ما أقول كلامي

نعيمه….هو انا المفروض أحسس عالكلام قبل ما اتكلم مع اللي مني يا فضل

فضل….بابتسامه هاديه امال انتي زعلتي ليه لما اللي منك محسسش علي كلامه معاكي نعيمه انتي زعلانه من كلامهم و عتابهم ليكي في الوقت اللي انتي سمعتيهم فيه كلام مينفعش يسمعوا منك

نعيمه….فضل هو انا ليه حاسه انك مش معايا

فضل…..عيزاني اكون معاكي في الغاط يا نعيمه هتبقي مبسوطه و انا شايفك بتزعلي اللي حواليكي و اللي منك و انا واقف جنبك اطبلك

نعيمه…….اكيد لا بس علي الاقل تكون منصف انت كده جاي عليا

فضل…..انتي شايفه ان انا كده جاي عليكي

نعيمه…امال ايه كلامك ميتفهمش غير كده

فضل…..خلاص خليني معاكي للاخر انتي خوفتي عليهم و اتكلمتي بدافع الخوف و هما تقبلوا خوفكم بس رفضوا اسلوبك عادي بتحصل بس اللي بعد كده بقي كان كله منك عملتي بلوكات تاني حاجه سلمي جات لحد عندك و مستقبلتيهاش

نعيمه…انت عارف اني مكنتش في البيت

فضل….بس كنتي قريبه من البيت نزلتي تجيبي حجات من الماركت و تلفي شويه المفروض لو انتي مش حابه الخلاف اللي بينكم يكبر بمجرد ما كانت نادين اتصلت وقالتلك سلمي بتخبط انتي فين تقوليلها انا قريبه و هرجع حالا ده لو انتي حابه تحلي بس ما علينا تالت حاجه
دخلتي و تجاهلتي سلام أيه و سلمي و سلمتي علي الكل ايمي و الشباب دي حتي چوي سلمتي عليها يا نعيمه كان المفروض شوفتيهم واقفين و مستنينك تقربي تدخلي تسلمي او حتي لو قاعدين الذوق بيقول ان اللي جاي يسلم علي اللي كان موجود و هما لو في نيتهم ميسلموش لا كانوا قاموا ولا مدوا ايدهم حتي وهما قاعدين

انا بزعل مع الشباب و بنختلف يمكن اكتر منكم و بنتعصب علي بعض و شغلنا في وش كتير بس عمري ما دخلت مكان هما فيه و مسلمتش حتي لو هفضل مش بتكلم معاهم معني اني اقطع سلام اني بقطع ود و بدوس علي عشره و بكبر خلاف و بسيب الباب موارب للشيطان وانتي عملتي كل ده بس الحقيقه يا نعيمه عندي سؤال مهم اوي بعيداً عن كل الكلام والرغي ده