لقاء كارثي

ماريز…..اولا بلاش حضرتك دي ريقي نشف من الصبح و انا بقولك قولي زوزو

ضحكت نغم

ماريز….ثانياً بقي صدقيني يا بنتي مفيش حاجه تستاهل ابداً انك تزعلي حتي لو الزعل ده من اقرب الناس في ناس طباعها و نفوسها وحشه و مش شرط عشان قرايبنا نتصدم فيهم لانهم في النهايه بشر زيهم زي اي حد و عادي بتحصل يبقي في العيله زرع شيطاني و حد وحش و نصيحه مني اوعي تقولي الا ده و مستحيل ده يطلع منه كده ولا ده من دمي اللي بتقولي عليه كده صدمتك فيه بتبقي اقوي و ضربته ليكي بتبقي في مقتل

انتي لسه صغيره و مشوفتيش من الدنيا حاجه

نغم….بابتسامه بسيطه هو انا ممكن اشوف اكتر من كده

ماريز…ااااه ممكن اوي ماهو حاجه من اتنين بتحصل و اتعلمناها كده يا بيحصلك موقف يجيبك الارض عشان بعد كده تعرفي تقومي علي رجلك و قلبك يقوي و تتعلمي منه

يا بتمري بمجموعه مواقف وتجارب اللي يسمع بس عنها بقولك دي جبل ازاي اتحملت كل ده بيبقي اختبار لصبرك لقوة تحملك لارادتك ربنا عايز يشوفك هتقدري تقومي ولا لا هتستلمي و تفقدي ايمانك بيه ولا يقينك ان ربنا مش هيخذلك و هيجيب حقك اكبر بكتير من وجع قلبك خدي بالك اللي حصل معاكي مش سهل و كبير علي سنك يا حبيبه قلبي و مش اختيارك اصلا ده قدرك اللي لازم تقبلي بيه بس انتي بقي هنا بيبقي قدامك اختيار يا تقعي و الموقف ينسفك يدمر صحتك و نفسيتك و شبابك و تفضل طول الوقت العمر بيجري بيكي وانتي لسه عند الموقف بتعيطي و صعابن عليكي نفسك و شايفه انك اتوجعتي يا اما تتخطيه ازعلي و عيطي و خدي وقتك بس قولي لنفسك انا هاخد بريك بسيط مدته اسبوع شهر اتنين سنه بس بعد المده. دي انا هبقي حد قوي حد متزن نفسيا حد قادر يكمل حد مصمم انه ينجح و يبقي حاجه حد قادر يتخطي الوجع و يبدل همه بفرح حد الوجع ماثرش علي حياته

يعني انتي اللي بتختاري تبدلي وجعك بقصه نجاح و بدايه جديده او تفضلي طول عمرك تبكي علي الاطلال و يومك يبقي شبه يومك اللي قات واللي جاي و دايره بتتعاد يومياً مش عارفه تخرجي منها

اختك اياً كان سبب موتها فا ده عمرها قولي الحمد لله و ادعيلها لانها مش عايزه منك غير بس الدعاء

اهلك و دول قدرك ربنا عايز يرزقك بالناس دي ملكيش رزق فيهم مش مهم اكيد هيبقي ليا رزق في شغل نجاح صحه ستر ناس حلوه ربنا هيوقعها في حياتك زي ما عمل معاكي زوج صالح و ده بقي لو جه صدقيني هينسيكي اهلك و حياتك و الوجع وكل حاجه خصوصا لو حد محترم بيحبك بيخاف عليكي هتعملي بيت وعيله و اطفال وقتها بس مش هتلاقي وقت تفكري