لقاء كارثي

ليله….صح بس ان جيت للحق ايدي كانت بتاكلني و هبن عليا اديهم ميت شبشب عشان يسكتوا

عشري….طيب بصراحه كده و انا عارف انك صريحه انتي شايفه مين اللي غلطان

ليله….اااا بص هو اللي انا عرفاه ان نعيمه مضايقه

عشري…..ليله سؤالي واضح مين فيهم اللي غلطان و من غير ما نحط مبررات

ليله ….اكيد نعيمه يعني انا اول مره اشوف سلمي متعصبه بالمنظر ده و اول مره اشوفها بتتكلم بنبره الوجع دي سلمي بطبيعتها بتتحمل اوي عاقله صبوره مش بتغضب بسهوله حتي لو الموقف يستاهل يعني سلمي مع خطيبها الاول منطقتش و بعدت الا لما جابت اخرها و لما خدت القرار كانت متأكده انها قدمت كل اللي عندها عشان تحافظ علي العلاقه فا هي مش بسهوله تنفجر الا لو جابت اخرها من الشخص وده اللي مضايقني و مخوفني كمان كلام نعيمه مكانش عادي

عشري…..طيب تفتكري هي ممكن متكلمهاش بجد تاني

ليله….اكيد لا مش هيحصل و مش هسمحلهم يعملوا كده بس انا عارفه ان سلمي قفلت قافله وحشه

عشري…..بصراحه حاسي ان نعيمه زودتها اوي لاني مش حاسس ان الموقف اصلا اللي حصل بينهم بخصوص البنت كان يستاهل كل ده
كان ممكن تخلص عادي و بهدوء و بصراحه مش سايف ان من حقها تتكلم اصلا في حاجه زي دي

ليله….هي قالت خافت عليهم و ده طبيعي هي بنت غريبه و جايه بسبب مشكله

عشري……انها تخاف عليهم و تنصحهم وضع وانها تتكلم باندفاع وضع في النهايه يا ليله البنت مش في بيت نعيمه و سلمي جيباها عندها بعني لو ساكنين مع بعض زيك انتي وهي ممكن تعترض حقها لكن هي مش في بيتها كمان الطريقه مكانتش حلوه و احنا لما سمعنا نعيمه بصراحه قولت هي معاها حق الكلام عادي و مفيهوش اي حاجه

بس لما سمعت سلمي حسيت ان الصوره اوضح لا نعيمه اللي غلطت و بعدين انتي مش خايفه علي سلمي

ليله….لا اكيد خايفه

عشري…طيب معملتيش ليه زي نعيمه او ليه عرضتي مساعده ليه محسستيهاش انك معترضه حتي

ليله….حبيبي انا لو مكانهم كنت هعمل زي ما هما عملوا بالظبط مكانش هيهون عليا البنت ولا هقدر اسيبها في الشارع بس كل واحد فينا ليه طريقه بيعبر بيها طريقتي مختلفه عن طريقه نعيمه و عن طريقة البنات فاهمني

عشري…فاهمك طبعاً وعشان كده بقولك حقها تخاف بس لازم رد فعلها يكون احسن و من غير ما تزعلي انا حسيت ان نعيمه مفكرتش في البنت اصلا يعني مصعبتش عليها لو لحظه