لقاء كارثي
لقاء كارثي
ليله…بضحك شوفت بقي عشان تعرف انكم غالين عندي
رشيد…طب يلا تعالي افطري
ليله….لا انا افطرت كملوا انتوا فطاركم
ايمي…..بت انا مش قادره اناهد كتير و روحي في مناخيري اقعدي بدل ما اطلع الشبشب وانسي انك عروسه
ليله….الحق مراتك بتطلع هرمونات الحمل عليا متعرفش اني مجنونه
رشيد….بضحك لا كلنا عارفين بس يلا والله ما هنفطر من غيرك
ليله…والله مش قادره
ايمي…..كلتي ايه ؟
ليله….كلت بسكوت وقهوتي لسه في العربيه مخلصتهاش
رفعت ايمي شبشبها
ليله…..بضحك احيه علي برستيچي
ايمي….بضحك اقعدي و المصحف هقل منك
ليله….طب خلاص هفطر نزلي الشبشب و احترميني شويه
رشيد…..بضحك احسن قولتلك اقعدي بكرامتك
ليله….اعوذ بالله علي مراتك قد علبة الكبريت و مهزقه الناس كلها
ايمي…..كبريت في عينك يا واطيه اقعدي يلا
رشيد….چوي هاتي طبق
چوي….اوك
ايمي….اخليها تعملك قهوه او حاجه تشربيها علي ما تفطري
ليله….لا قهوتي بره خلينا بس ننجز عشان الحق اروح
رشيد…..عشري نايم
ليله….كان نايم بس صحي هينزل يبص علي فضل كده شويه
ايمي…..هو معرفش اي حاجه منه عن نعيمه
ليله….لا مرضيش يكلموا بليل قالي انه مضايق خليها الصبح
حطت جوي الطبق قدام ليله وايمي حطتلها اكل في طبقها
ليله….خلاص كفايه ايه كل ده
ايمي…اخرسي يابت وكلي انتي كلمتي نعيمه
ليله….بضحك وهي باصه لرشيد انا ساكته عشانك
رشيد…بضحك وانا ساكت عشان متضربش
ايمي…..ما تبطل رغي انت وهي ردي يابت
ليله….بضحك لا با كبيره مكلمتهاش اتصلت بس الهانم قافله موبايلها وبيني وبينك احسن عشان لو كانت ردت كنت روقتها قدام عشري
ايمي…..خدي بالك سلمي قافله قافله وحشه
ليله….عارفه هي وايه
ايمي….ايه لو سلمي هديت هتهدي انتي عارفه ايه عبيطه و طيبه بس سلمي انا اول مره اشوفها كده
ليله…..سيبي سلمي عليا المهم الوقت الاستاذه نعيمه نعرف مالها ونحاول نهدي الدنيا بينهم و بعدين نتكلم مع سلمي ايمي انا مش عايزه اسافر و هما كده
رشيد…..بضحك والله يا ليله احنا كانا فاكرين ان انتي وعشري نحس بس واضح ان بدايه جوازنا بتبقي منظوره حصل كده وقت جوازنا برضوا و كنا مسافرين
ليله….بضحك تفتكر هنأجل السفر
رشيد…بضحك والله انتوا وشطارتكم عرفتوا تخلصوا الحوار ده هتسافروا
ايمي….لا يا حبيبي هتسافر و هتتبسط و كفايه لعب عيال بقي و بعدين هي النحس كان راكبها هي و عشري قبل الجواز لسه هتشيل الهم تاني بت سيبهم عليا و انتي عارفه ان شبشبي حاضر سافري واتبسطتي و اياك تنكدي علي نفسك و علي عشرس
