لقاء كارثي

نسمه…..بص هو انا مش عارفه بالظبط بس الكام مره اللي شوفته فيها في اكتر من مناسبه و السفريه و الشغل فاهمني كنت حاسه ان في حاجه لحد ما اتأكدت

سليم…اممم و الكام مره دول بقي اللي خلوكي تحبيه و لا خرجتي معاه

سكتت ثواني بتوتر فظيع

نسمه…..بص انا بما اني قاعده معاك الوقت و بصراحك فا اكيد مش هكدب عليك انا خرجت معاه مرتين و في ثلاث مرات جالي في الجامعه
و كان ليهم سبب يعني لما حصل حوار مريم خطيبه عشري القديمه و كانوا شاكين انها مراقبه الكل كان بيجي يمشي ورايا و يوصلني ووووبس بس والله العظيم يا نادر هو محترم اوي و انت اكيد عارفع

نادر….بابتسامه بيحبك

ابتسمت نسمه بتأثر و هزت راسها

نادر….وانتي ؟

نسمه….اااا اه يا نادر

نادر…..طيب هو عارف انك هتكلميني

نسمه….لا لا ميعرفش و مش هقولوا اصلا عشان انا الافضل ان هو اللي يقولك بنفسه و انت كأنك متعرفش بس لو حابب اني اقولوا اكيد عادي

نادر…..لا بلاش خليه هو يقولي احسن

نسمه….يعني انت مش مضايق ولا عندك مشكله مع سليم

نادر….بابتسامه بالعكس مبسوط عشان اتكلمتي معايا و عشان شابف انك مبسوطه و عشان سليم محترم و انا بحبه يمكن كان احسن لو عرفت من البدايه بس انا مش زعلان

نسمه….انا اسفه والله وحقك عليا بس صدقني مكانش في حاجه اقولها كنت عارفه ان في عندي مشاعر ناحيته بس كنت مستنيه يحصل بينا كلام لحد ما حصل و بعدين كل ده مش بقالوا كتير يعني فاهمني انت لو بتحب بنت واعترفتلها اكيد البنت هتستني تعرفك شويه لحد ما تصارح اهلها او تتاكد منك اذا كنت جاد معاها ولا لا مش كده

نادر…. بضحكه جميله وهو جاد معاكي

نسمه…..اكيد يا نادر و بعدين انت لسه بتقول انه محترم

نادر ….حصل و يمكن لما عرفت اصلا انه حد اعرف ا ارتحت واطمنت عليكي اكتر مش مجرد شاب بيتسلي هو واخوه واهله و فضل كلهم محترمين و اكيد مش هتطمن عليكي غير مع حد زيهم كده

نسمه…..يعني بجد مش زعلان

نادر…..مستحيل يا هبله انا والله العظيم فرحت اكتر لما عرفت انه سليم بس انا مش فاهم هو ايه علاقة الموضوع ده بنعيمه

نسمه….اتغيرت ملامحها تاني بحزن انا كنت فرحانه اوي يا نادر و كنت مستنيه احكي لاي حد و لما نعيمه جات انهارده قررت افرحها ويعني كنت عايزه حد يعرف و قولتلها و اتفاجئت بردها